१ सामुएल 9:20 - Sunuwar Bible

²⁰ मिनु नाक्‍त सां ङोंइती जाम्‍शो गधा आन पर्बम सुर्ता मपावो। मेको थिन्‍ने थुम्‍तेक्‍म। नेल्‍ल क्‍येङा ठेयब लोव़ मार बाक्‍ब देंशा हना, इस्राएली नेल्‍लेमी इ कली नु इ किकी पिपी आन खिं ङा मुर कली मिम्‍शो बाक्‍नीम” देंमाक्‍त।

१ सामुएल 9:20 ပူးပေါင်းရင်းမြစ်များ

१ इतिहास 29:3

मेको आं परमप्रभु आ बाक्‍तीके सेल्‍चा कली खुप्‍शा वोइश्‍शो मार मार प्रोंइशा यो आं परमप्रभु आ खिं सेल्‍चा थाम्‍पा दाक्‍तीके गो आंम आं सुन नु चांदी परमप्रभु आ खिं सेल्‍चा कली गेता।

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

कलस्‍सी 3:2

इन थुंमी स्‍वर्गम बाक्‍ब कली मिम्‍तीन। रागी ङा थोव़क ममिम्‍तीन। मत्ती ६:३३

१ सामुएल 10:16

मिनु सावलमी “ ‘गधा थित्‍तेक्‍म’ देंत” देंमाक्‍त। तन्‍न पिप दुम्‍तीके आ पर्बम देंशो लोव़ मशेंदा बाक्‍त।

१ सामुएल 12:13

मुल इन पुंइशो पिप एक बाक्‍ब। गेपुकीम एको कली माल्‍शा, योव़तीनी। मिनु परमप्रभु यावेमी इन कली पिप का गेप्‍तु।

१ सामुएल 12:15

तन्‍न गेपुकीम परमप्रभु यावे आ देंशो ममिम्‍ताक्‍नी नु आ देंशो मटीतीनी हना, परमप्रभु यावेमी इन कली नु इन पिप कली यो प्रोंइब। न्‍यायाधीस २:१५

१ सामुएल 4:20

मिनु मेको बेक्‍चा चिक्‍तानु, आ वारच पाइब मीश मुरुम “इ थुं ग्‍येत्‍थ लुक्‍च मदुमो। गे तौ का थिप्‍तीवी” दे मदा बाक्‍त। तन्‍न मेकोम लोव़ मलेत्‍ता बाक्‍त। मेकोम आ नोफा मदाइक्‍ता बाक्‍त। उत्‍पत्ती ३५:१७

१ सामुएल 8:19

तन्‍न मुरपुकीम सामुएल आ लोव़ नेंने मबिस्‍समा बाक्‍त। मिनु मेकोपुकीम “ममाइ, आंइ कली पिप का माल्‍नीकी।

१ सामुएल 8:5

मिनु मेकोपुकीमी “गे मुल खूशो दुम्‍तीनी। इन तौ निक्‍शी इन देंशो लांम मगाक्‍स। मोपतीके अर्को रागी रागी ङा मुर आन खोदेंशो पा आंइ कली सासन पचा कली पिप का सेल्‍शा, गेकी” देंमा बाक्‍त। ब्‍यवस्‍था १७:१४-२०; होसे १३:१०; प्रेरित १३:२१

१ सामुएल 9:19

मिनु सामुएलमी सावल कली “परमप्रभु यावे आ ततीके ताइब गो नङ। आं ङोंइङोंइती इर गाक्‍कीस। मारदे हना मुलाक्‍ती गे गो नु जचा माल्‍नीसी। मिनु दीसा सुनी इ कली लचा गेनुङ। इ थुंम मार मार बाक्‍मे, गो मेको इ कली शेंनन। प्रस्‍थान २४:११

१ सामुएल 9:3

मिनु काबु सावल आ आफ कीश आ गधापुकी जाम्‍मा बाक्‍त। मिनु मेकोमी आ तौ सावल कली “गेय पाइब ठिटा का लाइश्‍शा, गधापुकी माल्‍थ लावो” दे मदा बाक्‍त।