१ सामुएल 8:8 - Sunuwar Bible

⁸ इजीप्‍त रे ग्रुंइशो नाक्‍त रे आं कली मार मार पाइय्‍यीमी, मुल मेकोपुकीम इ कली यो मो पाइनीम। मेकोपुकीम अरु देवी देवता आन नोले खोइश्‍शा, आं कली प्रोंइशो बाक्‍नीम। मिनु मुल इ कली यो प्रोंइनीम।

१ सामुएल 8:8 ပူးပေါင်းရင်းမြစ်များ

भजन संग्रह 78:8

मेको आन किकी पिपी खोदेंशो मदुम्‍मल। मेकोपुकी खकटा थुं पाइश्‍शो नु मटीब पाला ङा मुर बाक्‍तेक्‍म। मेकोपुकी नोले शोंइसीशा, परमप्रभु कली प्रोंइतेक्‍म। ब्‍यवस्‍था ३२:५-६

प्रस्‍थान 16:3

“इजीप्‍त रागी उइ परमप्रभु यावेमी आंइ कली सद हना, रिम्‍शो दुम वा। मेकेर श्‍ये नु शोब्‍ले शुश बाक्‍त। गे आंइ कली जचा मगेथु, साइक्‍चा कली एको गोरशो रागीमी चाक्‍तीसी” दे गन गन पाम्‍तेक्‍म। प्रस्‍थान १४:११

प्रस्‍थान 17:2

मोपतीके “मोसामी आंइ कली मरिम्‍शो लां कोंइब” दे गाइश्‍शा, मोसा कली “आंइ कली तूचा ब्‍वाक्‍कु गेकी” दे जिचा पोक्‍तेक्‍म। मिनु मोसामी मेको आन कली “गे आं कली मारदे जिचा तोइनीनी? मारदे परमप्रभु यावे सक्ति पाइश्‍शो बाक्‍ब, दे थमा मसुइक्‍नीनी?” देंत। ब्‍यवस्‍था ६:१६

प्रस्‍थान 32:1

मिनु इस्राएल ङा मुरपुकीमी मोसा कली डांडा रे मयिशो तशा, हारून आ बाक्‍तीक जाक्‍शा, मेको कली “लो, इं ङोंइङोंइती गाक्‍शा लां कोंइब देवता सेलो। आंइ कली इजीप्‍त रागी रे ग्रुंइशा, एक चाक्‍ब मोसा मार दुम्‍मे? मतुइक्‍तक” दे हारून कली देंमा बाक्‍त। ब्‍यवस्‍था ९:८-२१

येरमीया 34:14

तेकोइ ७ बर्सम इन कली लेयसीशो मुर इन हिब्रू लोक्‍बम इन कली ६ बर्स गेय पवा नोले, ७ बर्सम मेको कली प्रोंइचा माल्‍ब’ देंती। तन्‍न इन किकी पिपीम आं लोव़ मटीम। आन नोफान मदाइक्‍तेम। प्रस्‍थान २१:२; लेवी २५:३९-४१; ब्‍यवस्‍था १५:१२

इजीकीएल 2:3

मिनु मेकोमी आं कली “ए मुर, गो इ कली इस्राएल जात ङा मुर आन बाक्‍तीक सोइक्‍नन। मटीब रागी ङा मुर आन बाक्‍तीक सोइक्‍नन। मेकोपुकीम आं कली मटिशो बाक्‍नीम। मेको आन किकी पिपी नु मेकोपुकीम मुल सम्‍म हेंथे पा आं कली मटिशो बाक्‍नीम।

गन्‍ती 16:41

मिनु आ दीसा सुनी इस्राएली नेल्‍लेमी मोसा नु हारून आस पर्बम गन गन पा “गे निक्‍शीमी परमप्रभु यावे आ मुर आन कली साइक्‍तीसी” देंतेक्‍म। प्रस्‍थान १७:३

ब्‍यवस्‍था 9:24

गो इन कली तुइक्‍तु रेन गे परमप्रभु यावे आ लोव़ मटिथु गन गन पाइतीनी।

न्‍यायाधीस 13:1

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ४० बर्स सम्‍म पलिस्‍ती आन गुइमी गेमी बाक्‍त।

न्‍यायाधीस 2:20

मोपतीके परमप्रभु यावे इस्राएलीपुकी नु गाइक्‍ता बाक्‍त। मिनु “गो मेको आन किकी पिपी आन कली देंशो नु कबल पशो एकोपुकीमी खतम सेल्‍तेक्‍म। आं देंशो लोव़ मटितीके

न्‍यायाधीस 4:1

एहूद बेक्‍म नोले इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त।

न्‍यायाधीस 6:1

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ७ बर्स कली मिदयान ङा मुर आन गुइमी गेवा बाक्‍त।

१ सामुएल 8:7

मिनु परमप्रभु यावेमी सामुएल कली “मुरुम मार मार देंमा, मेको नेल्‍ल नेनो। मारदे हना मेकोपुकीम इ कली प्रोंइशो ममाइ, आं कली प्रोंइशो नम। मेकोपुकीम आं कली आन पिप दुम्‍शो मदाक्‍शो नम। प्रस्‍थान १५:१८; गन्‍ती २३:२१; ब्‍यवस्‍था ३३:५; भजन संग्रह २४:७-१०; भजन संग्रह ७४:१२; यसैया ६:५

१ सामुएल 8:9

मिनु मुल मार देंना देंन बाक्‍मा, मेको नेनो। मुल मेको आन कली हिंपाइश्‍शा शेंदीमी। आन सासन पाइब पिपम दोदेंशो पाइनीमी, मेको आन कली माइक्‍मी” देंमाक्‍त।