१ सामुएल 8:7 - Sunuwar Bible

⁷ मिनु परमप्रभु यावेमी सामुएल कली “मुरुम मार मार देंमा, मेको नेल्‍ल नेनो। मारदे हना मेकोपुकीम इ कली प्रोंइशो ममाइ, आं कली प्रोंइशो नम। मेकोपुकीम आं कली आन पिप दुम्‍शो मदाक्‍शो नम। प्रस्‍थान १५:१८; गन्‍ती २३:२१; ब्‍यवस्‍था ३३:५; भजन संग्रह २४:७-१०; भजन संग्रह ७४:१२; यसैया ६:५

१ सामुएल 8:7 ပူးပေါင်းရင်းမြစ်များ

प्रस्‍थान 16:8

मिनु मोसामी इस्राएली आन कली “परमप्रभु यावेमी आपो नाक्‍दो इन कली श्‍ये गेब, सुनी कना रूथ्री शोब्‍ले गेब, इन गन गन पशो लोव़ नेंतु, दे तुइक्‍तीन। गो निक्‍शी सु नस्‍कु ङा? इन गन गन पशो आंस कली ममाइ, परमप्रभु यावे नु कका गाइक्‍ताक्‍नी दे तुइक्‍तीन” देंत।

यसैया 66:4

गो मेको आन कली शुक्‍शी पाइनुङ। मिनु आन हिंशो श्‍येत आन तार मोइक्‍नुङ। मारदे हना गो मेको आन कली ब्रेङङानु, लोव़ मलेत्‍तेम। गो लोव़ पाता। तन्‍न मेकोपुकीम आं लोव़ मनेनेम। आं ङोंइती मरिम्‍शो पाम्‍तेक्‍म। आं मदाक्‍शो ला पाम्‍तेक्‍म” देंत। यसैया ६५:१२

येरमीया 34:14

तेकोइ ७ बर्सम इन कली लेयसीशो मुर इन हिब्रू लोक्‍बम इन कली ६ बर्स गेय पवा नोले, ७ बर्सम मेको कली प्रोंइचा माल्‍ब’ देंती। तन्‍न इन किकी पिपीम आं लोव़ मटीम। आन नोफान मदाइक्‍तेम। प्रस्‍थान २१:२; लेवी २५:३९-४१; ब्‍यवस्‍था १५:१२

इजीकीएल 2:3

मिनु मेकोमी आं कली “ए मुर, गो इ कली इस्राएल जात ङा मुर आन बाक्‍तीक सोइक्‍नन। मटीब रागी ङा मुर आन बाक्‍तीक सोइक्‍नन। मेकोपुकीम आं कली मटिशो बाक्‍नीम। मेको आन किकी पिपी नु मेकोपुकीम मुल सम्‍म हेंथे पा आं कली मटिशो बाक्‍नीम।

इजीकीएल 3:7

तन्‍न इस्राएली आन खिं ङा मुरुम इ लोव़ मनें‍नीम। मारदे हना मेकोपुकीम आं लोव़ नेंचा मदाक्‍नीम। इस्राएली आन खिं ङा मुर नेल्‍ले काइ मटीब नु खकटा थुं पाइश्‍शो बाक्‍नीम।

गन्‍ती 22:20

मिनु मेको नाक्‍दो परमप्रभु बालाम आ बाक्‍तीक जाक्‍शा, मेको कली “एको मुरपुकी इ कली ब्रेत्‍थ जाक्‍शो बाक्‍तेक्‍म हना, बोक्‍को, मिनु मेकोपुकी नु लावो। तन्‍न गो इ कली मार देंङा, मेको ला पावो” देंत।

मत्ती 10:40

इन कली ब्राइबमी आं कली ब्राइब। मिनु आं कली ब्राइबमी आं कली सोइक्‍ब कली यो ब्राइब।

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

लूका 19:14

मेको मुर गाक्‍म नोले मेको रागी ङा मुरपुकीमी ‘मेको मुर आंइ कली सासन पाइब मदुम्‍ल’ दे लोव़ कुरब मुर मेको पिप आ बाक्‍तीक सोइक्‍तमे बाक्‍त। मारदे हना मेको कली मदाक्‍बाक्‍मा बाक्‍त। यूहन्‍ना १:११

लूका 19:27

तन्‍न आं कली मटीब आं जोरी सत्रु आन कली चहिं ग्‍याइश्‍शा चाक्‍शा आं ङोंइती क्‍योरशा सतीन’ देंमाक्‍त” दे शेंदीमी बाक्‍त।

यूहन्‍ना 13:16

मिनु नोफा दाइश्‍शा नेनीन, खिं ङा होव़प क्‍येङा वाइल ठेयब ममाइ। मिनु सोइश्‍शो मुर सोइक्‍ब क्‍येङा ठेयब यो ममाइ।

न्‍यायाधीस 8:23

मिनु गिदोनमी “गो नु आं तौ ममाइ, तन्‍न परमप्रभु यावेमी इन कली हुकुम पाइब” देंमाक्‍त।

१ सामुएल 10:19

तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७

१ सामुएल 12:1

मिनु सामुएलमी ग्रुम्‍शा बाक्‍शो इस्राएली नेल्‍ल आन कली “गो इन पुंइशो नेंता। मिनु गो इन कली सासन पपाइक्‍चा कली पिप का योव़शा गेतन्‍नी। १सामुएल ८:७,२२; १सामुएल ११:१५

१ सामुएल 12:12

तन्‍न गे अम्‍मोनी आन पिप नाहाश कली लडाइ पथ पिशो ताइतीनी। मिनु गेपुकीमी ‘परमप्रभु यावे, इन परमप्रभु इन पिप बाक्‍त हना यो, आंइ कली सासन पपाइक्‍चा कली पिप का गेने’ देंतीनी। १सामुएल ११:१-२; १सामुएल ८:१९

१ सामुएल 8:22

मिनु परमप्रभु यावेम “मेको आन देंशो खोदेंशो पावो। मेको आन कली पिप का गेमी” देंमाक्‍त। मिनु सामुएलमी इस्राएल ङा मुर नेल्‍ल आन कली आन खिं खिं सोइक्‍तीमी बाक्‍त।

१ सामुएल 8:8

इजीप्‍त रे ग्रुंइशो नाक्‍त रे आं कली मार मार पाइय्‍यीमी, मुल मेकोपुकीम इ कली यो मो पाइनीम। मेकोपुकीम अरु देवी देवता आन नोले खोइश्‍शा, आं कली प्रोंइशो बाक्‍नीम। मिनु मुल इ कली यो प्रोंइनीम।