१ सामुएल 8:6 - Sunuwar Bible

⁶ तन्‍न सामुएलम सासन पचा कली पिप पुंइशो लोव़ नेंशा, काइ मदाक्‍ता बाक्‍त। मिनु सामुएलमी परमप्रभु यावे नु लोव़ पवा बाक्‍त।

१ सामुएल 8:6 ပူးပေါင်းရင်းမြစ်များ

भजन संग्रह 109:4

मेकोपुकीमी आं दाक्‍शो आ पा ङा, आं कली दोस गेनीम। मो हना यो गो मेको आन पर्बम पुंइनुङ।

प्रस्‍थान 32:21

मिनु नोले मोसामी हारून कली “एको मुरपुकीमी इ कली मार पामे ङा? मारदे मेको आन कली ओदेंशो ठेयब पाप पपाइक्‍मी?” दे हिल्‍लो पाप्‍तु।

प्रस्‍थान 32:32

मो हना यो गे मेको आन पाप क्‍याम्‍दीन, दे पुंइनुङ। मक्‍याम्‍ताक्‍नी हना, इन ब्रेक्‍शो किताब रे आं नें क्‍याम्‍दीने” दें‍त। भजन संग्रह ६९:२९; लूका १०:२०; रोमी ९:३

होसे 13:10

इन कली प्रोंइने चाप्‍ब ते बाक्‍मा? इन कली वारच पाइब सासन पाइब, ते लाक्‍गमे? मेको आ पर्बम गेपुकीमी ‘गो आंइ कली पिप नु सासन पाइब गेकी’ देंतीनी। १सामुएल ८:५-९

गन्‍ती 16:15

मिनु मोसा शुश गाइश्‍शा, परमप्रभु यावे कली “मेको आन चढ़ेशो मताक्‍कीन। गो मेको आन गधा का यो मताक्‍गु। गो मेको आन कली मरिम्‍शो यो मपङ” देंत।

गन्‍ती 16:22

मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६

गन्‍ती 16:46

मिनु मोसामी हारून कली “मेको थनौरो लाइश्‍शा, मेको चढ़ेतीक ङा मी कुर पा धूप चोवो। मिनु रीब पा मेको मुर आन दातेमी लाइश्‍शा, मेको आन पाप क्‍याम्‍तीक गेय पावो। मारदे हना परमप्रभु यावे गाइक्‍ताक्‍व। मिनु मुर बेक्‍तीक रोइ बोक्‍चा गोप्‍तु” देंत। लेवी १६:१२,१३,१७; गन्‍ती १:५३

फिलिप्‍पी 4:6

सुर्ता मपने। परमप्रभु यावे नु लोव़ पा, इन माल्‍शो पुंइशा “गे रिम्‍शो पाइब बाक्‍नीनी” दे परमप्रभु यावे कली देनीन। मत्ती ६:२५-३४; १पत्रुस ५:७

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६

१ सामुएल 10:19

तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७

१ सामुएल 12:12

तन्‍न गे अम्‍मोनी आन पिप नाहाश कली लडाइ पथ पिशो ताइतीनी। मिनु गेपुकीमी ‘परमप्रभु यावे, इन परमप्रभु इन पिप बाक्‍त हना यो, आंइ कली सासन पपाइक्‍चा कली पिप का गेने’ देंतीनी। १सामुएल ११:१-२; १सामुएल ८:१९

१ सामुएल 12:17

मुल चेरब रिक्‍ची जाक्‍शो बाक्‍ब। मिनु गो परमप्रभु यावे कली रेउ नु बुंबु पुंइनुङ। मिनु मेकोम बुंबु पपाइश्‍शा, रेउ यिपाइक्‍ब। मिनु गे परमप्रभु यावे आ ङोंइती पिप पुंइशा, इन परमप्रभु यावे आ अरेशो लोव़ मटिशो ठेयब पाप बाक्‍ब, दे तुइक्‍नीनी” देंमाक्‍त।

१ सामुएल 12:19

मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।

१ सामुएल 12:23

मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२

१ सामुएल 15:11

“गो बित्‍‍चीम ला सावल कली पिप सेलु बाक्‍त। मारदे हना मेकोमी आं नोले खोइक्‍चा प्रोंइतु। मिनु आं देंशो मटीव” देंमाक्‍त। मिनु सामुएल गाइश्‍शा नाक्‍दो रे परमप्रभु यावे कली पुंइना पुंइन बाक्‍माक्‍त। उत्‍पत्ती ६:६

१ सामुएल 7:5

मिनु सामुएलमी इस्राएली नेल्‍ल आन कली “मिस्‍पाम बुक्‍कीने। मिनु गो परमप्रभु यावे कली इन पर्बम पुंइनुङ” देंमाक्‍त। १सामुएल १०:१७; यहोसु १८:२६; न्‍यायाधीस २०:१