१ सामुएल 8:20 - Sunuwar Bible

²⁰ गो यो अर्को रागी ङा मुर खोदेंशो दुम्‍चा दाक्‍नीकी। आंइ कली सासन पाइब नु लडाइम आंइ ङोंइती गाक्‍ब पिप का माल्‍नीकी” देंमा बाक्‍त।

१ सामुएल 8:20 ပူးပေါင်းရင်းမြစ်များ

भजन संग्रह 106:35

मेकोपुकीमी रागी रागी ङा मीश आल आन कली ग्‍युंबे पामे बाक्‍त। मिनु रागी रागी ङा मुर आन पशो यो पामे बाक्‍त।

प्रस्‍थान 33:16

गो नु इन मुरपुकीमी इन ङोंइती शिशी तशो बाक्‍नीकी, दे गो दोपा तुइक्‍नीकी? गे गो नु लाइतीनी हना ला, तुइक्‍नीकी। मोपा ला गो नु इन मुरपुकी रागी ङा मुरपुकी नु खाल का ङा मदुम्‍नीकी” दें‍त। ब्‍यवस्‍था ४:६-८

गन्‍ती 23:9

गो सेरथे फुल्‍लु तार बाक्‍शा, मेको आन कली ताइनुङ। गो डांडाम बाक्‍शा, मेको आन कली कोव़नुङ। मेको आन का ला बाक्‍ब जात ङा मुर बाक्‍नीम। मिनु रागी रागी ङा मुर नु मखाल्‍सीनीम।

यूहन्‍ना 15:19

गेपुकी रागी ङा मुर खोदेंशो बाक्‍तीनी हना, रागी ङा मुरपुकीमी इन कली दाक्‍नीमी। तन्‍न गे रागी ङा मुर मननी। गो इन कली रागी ङा मुरपुकी रे योव़तन्‍नी। मोपतीके रागी ङा मुरपुकीमी इन कली मदाक्‍नीम। यूहन्‍ना १७:१४; १यूहन्‍ना ४:४-५

रोमी 12:12

आस पा ग्‍येरसीशा बाक्‍कीन। श्‍येत जनीनु, फाल्‍शा बाक्‍कीन। प्रार्थना पना पन बाक्‍कीन। लूका १८:१-८; कलस्‍सी ४:२; १थिस्‍सलोनिकी ५:१७

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

ब्‍यवस्‍था 7:6

मारदे हना गे परमप्रभु यावे, इन परमप्रभु आ आंम मुर बाक्‍नीनी। परमप्रभु यावेमी नेल्‍ल जात जात ङा मुर आन दाते रे इन कली आंम मुर सेल्‍चा, दे योव़तु। प्रस्‍थान १९:५-६

फिलिप्‍पी 3:20

तन्‍न इं बाक्‍तीक स्‍वर्गम बाक्‍ब। मारदे हना गो स्‍वर्ग ङा मुर नय। मेकेर रे इं पाप रे प्रोंइब प्रभु येसु ख्रीस्‍त जाक्‍ब, दे रिम्‍नय। एफिसी २:६; कलस्‍सी ३:१; हिब्रू १२:२२; तीतस २:१३

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८

१ सामुएल 12:12

तन्‍न गे अम्‍मोनी आन पिप नाहाश कली लडाइ पथ पिशो ताइतीनी। मिनु गेपुकीमी ‘परमप्रभु यावे, इन परमप्रभु इन पिप बाक्‍त हना यो, आंइ कली सासन पपाइक्‍चा कली पिप का गेने’ देंतीनी। १सामुएल ११:१-२; १सामुएल ८:१९

१ सामुएल 12:2

मुल एको पिप इन ठेयब मुर दुम्‍शो बाक्‍ब। मुल गो खूशो दुम्‍ती। आं चां बोइश्‍शो बाक्‍ब। आं तौ गेपुकी नु बाक्‍शो बाक्‍नीस। गो आं ठिटा रेन इन कली लां कोंइब दुम्‍शो नङ।

१ सामुएल 8:5

मिनु मेकोपुकीमी “गे मुल खूशो दुम्‍तीनी। इन तौ निक्‍शी इन देंशो लांम मगाक्‍स। मोपतीके अर्को रागी रागी ङा मुर आन खोदेंशो पा आंइ कली सासन पचा कली पिप का सेल्‍शा, गेकी” देंमा बाक्‍त। ब्‍यवस्‍था १७:१४-२०; होसे १३:१०; प्रेरित १३:२१