१ सामुएल 7:8 - Sunuwar Bible

⁸ मिनु इस्राएलीपुकीम सामुएल कली “आंइ कली पलिस्‍ती आन गुइ रे प्रोंइचा कली परमप्रभु यावे, आंइ परमप्रभु कली पुंइचा मप्रोनीन। मिनु मेकोम पलिस्‍ती आन गुइ रे प्रोंइबा कों, दे पुनीन” दे सामुएल कली देंमा बाक्‍त। १सामुएल १२:२३; उत्‍पत्ती २२:१७; १राजा १३:६; येरमीया ३७:३; येरमीया ७:१६

१ सामुएल 7:8 ပူးပေါင်းရင်းမြစ်များ

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

यसैया 62:1

परमप्रभु यावेमी “गो सियोन आ पर्बम सिक्‍सी पा मबाक्‍नुङ। यरूसलेम आ पर्बम गो मनांइसीनुङ। मेको आ ठीक पतीके सुनी ङा छेङछेङ खोदेंशो पा मग्रूम सम्‍म नु आ पाप रे प्रोंइचा पुंइसीतीके ब्रशो तोव़शी खोदेंशो मदुम सम्‍म मनांइसीनुङ।

येरमीया 27:18

मेकोपुकी थमा पा परमप्रभु यावे आ लोव़ पाइब बाक्‍तेक्‍म हना नु मेकोपुकी नु परमप्रभु यावे आ लोव़ बाक्‍त हना, परमप्रभु यावे आ खिंम बाक्‍शो, यहूदा ङा पिप आ खिंम बाक्‍शो नु यरूसलेममी बाक्‍शो मार मार बेबीलोन मलदमेक्‍ल, दे मुर नेल्‍ल आन परमप्रभु यावे कली पुन्‍मेक्‍ल।

येरमीया 42:2

परमप्रभु यावे आ लोव़ पाइब येरमीया आ बाक्‍तीके जाक्‍तेक्‍म। मिनु मेको कली “गो आंइ पुंइशो नेनीन। मिनु परमप्रभु यावे, इन परमप्रभु कली आंइ पर्बम नु लीशो मुर नेल्‍ल आन पर्बम पुनीन। मारदे हना शुश मुर रे का निक्‍शी ला लीतक। मेको गे आंमा ताइतीनी। येरमीया ३७:३

याकूब 5:16

मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५