१ सामुएल 7:7 - Sunuwar Bible

⁷ मिनु पलिस्‍तीपुकीमी इस्राएली मिस्‍पाम बुक्‍‍तेक्‍म देंशो लोव़ नेंन्‍मे बाक्‍त। मिनु मेको आन ठेयब मुरपुकी इस्राएली नु लडाइ पचा कली लमा बाक्‍त। मिनु इस्राएलीपुकी मेको नेंशा, पलिस्‍ती आन कली तशा शुश हिंमा बाक्‍त।

१ सामुएल 7:7 ပူးပေါင်းရင်းမြစ်များ

२ इतिहास 20:3

मिनु येहो-शाफातम हिंशा, परमप्रभु यावे कली पुंइचा, दे थुं पवा बाक्‍त। यहूदा रागी ङा मुर नेल्‍ल कली “माइजा बाक्‍कीन” दे हुकुम पवा बाक्‍त।

प्रस्‍थान 14:10

मिनु इस्राएलीपुकी फाराओ नु आ लडाइ पाइबम आंम कली खेदा पशो तशा, हिंशा ख्रिंख्रि पाम्‍तेक्‍म। मिनु परमप्रभु यावे कली “वारच पाइय्‍यीकी” दे पुंइतेक्‍म।

१ सामुएल 13:6

मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।

१ सामुएल 17:11

मिनु सावल नु इस्राएलीपुकी मेको पलिस्‍ती आ देंशो नेंशा, थाम्‍पा हिंमा बाक्‍त।