१ सामुएल 7:14 - Sunuwar Bible

¹⁴ मिनु पलिस्‍ती आन ङोंइती ग्राशो सहर एक्रोन रे गाथ सम्‍म नु आन एर ओंथ ङा गाउं नेल्‍ल इस्राएलीपुकीमी पलिस्‍ती आन गुइ रे ताक्‍गमे बाक्‍त। मिनु इस्राएली नु एमोरीपुकी गारमा बाक्‍त।

१ सामुएल 7:14 ပူးပေါင်းရင်းမြစ်များ

१ इतिहास 18:1

मेको आ इच्‍का नोले दाऊदमी पलिस्‍ती नु लडाइ पा ग्राशा फ्रूमी बाक्‍त। मिनु पलिस्‍ती आन गाथ सहर नु मेको आ एर ओंथ ङा गाउं नेल्‍ल आइक्‍के सेला बाक्‍त।

भजन संग्रह 106:34

मिनु मेकोपुकीमी परमप्रभु यावे आ देंशो खोदेंशो पा जात जात ङा मुर आन कली मसदमे बाक्‍त। ब्‍यवस्‍था ७:१२; ब्‍यवस्‍था १२:२-३; न्‍यायाधीस १:२८; न्‍यायाधीस २:२३-३:६

गन्‍ती 13:29

मिनु अमालेक आ मुर नेगेब रागीम बाक्‍बाक्‍तेक्‍म। मिनु हित्ती, यबुसी नु एमोरी पहाडम बाक्‍बाक्‍तेक्‍म। मिनु कनानी ठेयब समुन्‍द्र आ नेक्‍था नु यर्दन खोला आ नेक्‍था बाक्‍बाक्‍तेक्‍म” देंतेक्‍म।

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

यहोसु 10:5

मोपा एमोरी आन ५ जना पिप, यरूसलेम, हेब्रोन, यरमुथ, लाकीश नु एग्‍लोन ङा पिप खुम्‍सीशा, आन लडाइ पाइब नेल्‍ल नु जाक्‍शा, गिबोन नु लडाइ पाम्‍तेक्‍म।

यहोसु 15:11

मेको सांद लेंशा एक्रोन आ उत्तर गे जाक्‍दीश्‍शो बाक्‍त। मिनु शिक्‍केरोन सहरमी जाक्‍दीश्‍शा, बालाह डांडा लाक्‍शा, यब्‍नेलमी जाक्‍दीश्‍शो बाक्‍त। मेको सांद समुन्‍द्र सम्‍म बाक्‍त।

न्‍यायाधीस 4:17

सीसेरा चहिं खोइलीमी प्रोक्‍ना प्रोक्‍न, केनी हेबेर आ मीश याएल आ ताम्‍बुमी जाक्‍माक्‍त। मारदे हना हासोर ङा पिप याबीन नु केनी हेबेर ङा मुरपुकी लडाइ मपथु, वारच दुम्‍शो बाक्‍मा बाक्‍त।