१ सामुएल 7:13 - Sunuwar Bible

¹³ मोपा पलिस्‍ती ब्रुशा, इस्राएली आन रागी लेंशा मओव़मा बाक्‍त। मिनु परमप्रभु यावेम सामुएल बाक्‍म सम्‍म पलिस्‍तीपुकी रे इस्राएली आन कली श्‍येत मगेपदा बाक्‍त।

१ सामुएल 7:13 ပူးပေါင်းရင်းမြစ်များ

२ सामुएल 8:1

मिनु इच्‍का नोले दाऊदमी पलिस्‍ती आन कली लडाइ तोशा ग्रामाक्‍त। दाऊदमी मेथेग-आम्‍माह सहर आंम के सेला बाक्‍त।

न्‍यायाधीस 13:1

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ४० बर्स सम्‍म पलिस्‍ती आन गुइमी गेमी बाक्‍त।

न्‍यायाधीस 13:5

मारदे हना गे कोव़ज कुरशा, तौ थी‍नेवे। मेको आ चां गेनायो ख्रोइक्‍चा मदुम्‍ब। मारदे हना मेको वोंइश आल जरमेसे चोटीन परमप्रभु कली योव़शो नाजिरी का दुम्‍ब। मिनु मेकोमी इस्राएली आन कली पलिस्‍ती आन गुइ रे प्रोंइचा गोइब” देंमाक्‍त।

न्‍यायाधीस 8:28

मोपा मिदयान ङा मुरपुकी इस्राएली आन गुइमी दुम्‍शा, मेकोपुकीमी लेंशा लडाइ मपामे बाक्‍त। मिनु गिदोन बाक्‍म सम्‍म इस्राएल रागी ४० बर्स सम्‍म लडाइ रे नांइसे बाक्‍त। न्‍यायाधीस ३:११; न्‍यायाधीस ५:३१

१ सामुएल 12:11

मिनु परमप्रभु यावेमी येरूब-बाल, बाराक, येफ्ता नु सामुएल आन कली सोइक्‍ता बाक्‍त। मिनु मेकोपुकीमी इन एर ओंथ बाक्‍शो जोरी सत्रु रे प्रोन्‍मे बाक्‍त। मिनु गेपुकी थुं नाइश्‍शा, मारेइ मदुम्‍थु बाक्‍चा तशो बाक्‍तीनी। न्‍यायाधीस ६:१४, ३२; न्‍यायाधीस ४:६; न्‍यायाधीस ११:२९; १सामुएल ७:३

१ सामुएल 5:9

मिनु गाथम लदमे नोले परमप्रभु यावेम मेको सहर ङा मुर आन कली शुश हिंचा ङा श्‍येत गेमी बाक्‍त। मेकेर ङा ठेयब रे आइक्‍च मुर नेल्‍ल आन कली गार मुतीक रोइ पपाइक्‍मी बाक्‍त।