१ सामुएल 7:12 - Sunuwar Bible

¹² मिनु सामुएलमी फुल्‍लु का लाइश्‍शा, मिस्‍पा नु येशाना आस दातेमी ख्रुक्‍गा बाक्‍त। मेको कली एबेन-एजेर नें वोइश्‍शा “परमप्रभु यावेम आंइ कली एक सम्‍म वारच पाप्‍तु” देंमाक्‍त।

१ सामुएल 7:12 ပူးပေါင်းရင်းမြစ်များ

उत्पत्ती 22:14

मिनु अब्राहाममी मेको डांडा कली परमप्रभु यावे यीरेह, दे नें वोदा बाक्‍त। मोपतीके मुल सम्‍म मुरपुकीम “परमप्रभु यावे आ डांडाम परमप्रभु यावेमी माल्‍शो गेब” देंनीम। “परमप्रभु यावे यीरेह” आ अर्थ “परमप्रभु यावेमी आं माल्‍शो गेब” देंशो बाक्‍ब। उत्‍पत्ती १६:१३

उत्पत्ती 35:14

मिनु याकूबमी परमप्रभु नु लोव़ पशो मिम्‍चा कली मेकेर फुल्‍लु का राप्‍पदा बाक्‍त। मिनु मेको आ तारी तूचा थोव़क चढ़ेतीक नु तेल लुक्‍ता बाक्‍त। उत्‍पत्ती २८:१८-१९

भजन संग्रह 71:17

परमप्रभु, गो ठिटा बाक्‍ङा रेन, गे आं कली शेंताक्‍यीनी। मिनु गो मुल सम्‍म इन छक लाक्‍चा ङा गेय आ पर्बम लोव़ पाइनुङ।

भजन संग्रह 71:6

गो जरमेसीङा रेन इन कली थमा सुइक्‍ता। गे आं ममा आ कोव़ज रेन आं कली कोव़ब बाक्‍तीनी। गो इन कली गेना हना यो ठेयब सेल्‍नुङ।

प्रस्‍थान 17:15

मिनु मोसामी चढ़ेतीक का सेल्‍शा “परमप्रभु यावे आं छेदर बाक्‍ब” दे नें वोइक्‍तु।

यसैया 19:19

मेको नाक्‍ती इजीप्‍त रागी आ दातेमी परमप्रभु यावे कली चढ़ेतीके का सेल्‍नीम। मिनु मेको आ सांदमी परमप्रभु यावे कली थाम का सेल्‍‍नीम। लेवी २६:१

प्रेरित 26:22

खेदा पा शुश श्‍येत गेयीमीनु, परमप्रभु यावेमी श्‍येत फाल्‍तीक सक्ति गेती। मोपतीके गो ठेयब थुं पा इन ङोंइती राप्‍शा, ठेयब मुर आइक्‍च मुर नेल्‍ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७

२ कोरिन्‍थी 1:10

मिनु परमप्रभु यावेमी मोदेंशो बेक्‍चा ङा दुम्‍शो रे प्रोंइतीकी। मिनु मुल नोले यो आंइ कली श्‍येत रे प्रोंइब, दे तुइक्‍नीकी।

यहोसु 4:9

मिनु यहोसुमी कबल ङा सन्‍दोस कुरशा चढ़ेबपुकी राप्‍तीकेमी यो यर्दन खोला आ दातेमी १२ ओटा फुल्‍लु वोइक्‍तु। मिनु मेको फुल्‍लुपुकी मुलाक्‍त सम्‍म बाक्‍नीम।

१ सामुएल 14:35

मोपा सावलमी परमप्रभु यावे कली चढ़ेतीक का सेला बाक्‍त। मेको सावलम परमप्रभु यावे कली सेल्‍शो नेल्‍ल क्‍येङा ङोंइती ङा चढ़ेतीक बाक्‍माक्‍त।

१ सामुएल 4:1

मिनु सामुएल आ लोव़ नेल्‍ल इस्राएलम ब्रमाक्‍त। मेना पलिस्‍ती इस्राएली नु लडाइ पचा कली लशो बाक्‍मा बाक्‍त। इस्राएलीपुकीम एबेन-एजेरमी आन बाक्‍तीक सेल्‍मे बाक्‍त। मिनु पलिस्‍तीपुकीम अफेकमी आन बाक्‍तीक सेल्‍मे बाक्‍त। यहोसु १५:५३

१ सामुएल 5:1

पलिस्‍तीपुकीम परमप्रभु आ कबल पशो सन्‍दोस रोइश्‍शा लाइश्‍शा, एबेन-एजेर रे अश्‍दोद सहरम चाक्‍ग‍मे बाक्‍त। यहोसु १५:४७

१ सामुएल 7:11

मिनु इस्राएलीपुकीम मेको आन कली मिस्‍पा रे खेदा पना पन, बेथ-कर आ दी सम्‍म साइक्‍ना साइक्‍न खेदा पामे बाक्‍त।