१ सामुएल 6:5 - Sunuwar Bible

⁵ गे इन कान खोदेंशो सुन के कान नु रागी कली खतम पोक्‍ब यिच खोदेंशो पा सुन के यिच सेलीन। मिनु इस्राएली आन परमप्रभु कली मान पने। मिनु मेकोमी इन कली, इन देवी देवता आन कली नु इन रागी कली श्‍येत गेचा प्रोंइबा कों?

१ सामुएल 6:5 ပူးပေါင်းရင်းမြစ်များ

१ इतिहास 16:28

जात जात ङा खिं खिं ङा मुरपुकीमी परमप्रभु यावे कली ‘छेङछेङ नु सक्ति इन के बाक्‍ब’ दे ठेयब सेलीन। भजन संग्रह २९:१२

१ इतिहास 16:29

परमप्रभु यावे कली आ नें शिरचा ङा पा मान पने। चढ़ेतीक चाक्‍शा, आ ङोंइती जाक्‍कीन। आंम आन कली परमप्रभु यावे आ ङोंइती ठीक सेल्‍शा मेको कली ठेयब सेलीन।

भजन संग्रह 18:44

आं अरेशो नेन्‍मेनु, मेकोपुकीम टिम्‍तेक्‍म। अर्को रागी ङा मुरपुकी आं ङोंइती बाप्‍तेक्‍म।

भजन संग्रह 32:4

मारदे हना नाक्‍दो नाक्‍ती इन गुइमी चिप्‍ताक्‍यीनी। गो नाप्‍शो नांम किक्‍शो खोदेंशो दुम्‍ती। ठेयब सेंदा पा। भजन संग्रह ३८:१९; हितोपदेस २८:१३; याकूब ५:१६; यसैया ३८:१७

भजन संग्रह 39:10

इन याम पाइश्‍शो लेत्‍तीन। गो इन तुप्‍शोमी जाम्‍शा लाइब दुम्‍ती।

भजन संग्रह 66:3

मिनु परमप्रभु कली “इन गेय ठेयब नु हिंचा ङा बाक्‍नीमी। इन जोरी सत्रु इन ङोंइती हिंशा, ख्रिंख्रि पा बाप्‍नीम। मारदे हना इन सक्ति थम ठेयब बाक्‍ब” देनीन।

प्रस्‍थान 12:12

मेको नाक्‍दो गोमी इजीप्‍त रागी हिरशा, इजीप्‍त ङा मुर आन ङोंइती जरमेशो तौ नेल्‍ल साइक्‍नुङमी। बस्‍तु भाव आन के यो ङोंइती जरमेशो नेल्‍ल साइक्‍नुङमी। इजीप्‍त ङा देवी देवता नेल्‍ल आन कली सजाइ गेनुङमी। गो, परमप्रभु यावे मेकोन पाइनुङ। गन्‍ती ३३:४

प्रस्‍थान 8:17

मिनु हारूनमी फुरक तुबानु, इजीप्‍त रागी नेल्‍लेमी मुर नु बस्‍तु भाव आन तारी भुस्‍ना शुश फोंइतेक्‍म।

प्रस्‍थान 8:24

मिनु परमप्रभु यावेमी आ देंशो पाप्‍तु। डांस शुश फोंइशा फाराओ आ खिं, आ दरवारम गेय पाइब आन खिं, इजीप्‍त रागी नेल्‍लेमी शुश डांस फोंइशा ब्रीतेक्‍म। मिनु डांसमी मेको रागी नेल्‍ल खतम सेल्‍तेक्‍म।

प्रस्‍थान 8:5

मिनु नोले परमप्रभु यावेमी मोसा कली “गेमी हारून कली ‘इ कोक्‍के खोला नेल्‍ल आन तार दिंदो। मोपा गे इजीप्‍त रागीम क्रुक्‍क्रु ग्रूपाइक्‍नेवे’ दे हारून कली देनो” दें‍त।

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

यसैया 42:12

मेकोपुकीमी परमप्रभु यावे कली मान पा‍मेक्‍ल। मिनु “परमप्रभु यावे गिश ठेयब बाक्‍बा” दे समुन्‍द्र आ नेक्‍था बाक्‍ब मुर आन कली शेंदमेक्‍ल।

येरमीया 13:16

मिनु “गे परमप्रभु यावे, इन परमप्रभुम छिङछिङ चाक्‍चा क्‍येङा ङोंइती मेको कली ‘ठेयब सेलीन’। नां रिक्‍चा क्‍‍येङा ङोंइती डांडा मेर इन खोइल दाइल पाइक्‍चा क्‍येङा ङोंइती मेको कली ‘परमप्रभु यावे ठेयब बाक्‍ब’ देनीन। गे हाम्‍सो आस पाइनीनी, तन्‍न मेकोमी छिङछिङ सेल्‍शा थम क्‍येर सेल्‍ब।

येरमीया 3:13

गे ‘गो पापी नङ। गो आं परमप्रभु यावे कली काइ मटीब दुम्‍ती। मिनु गिगी रवा नेल्‍ल आन पुंमी अरु देवी देवता आन कली दाक्‍ताक्‍ङ’ देंते। मिनु आं देंशो मटिवी। इ पाप शोव़ङो, दे मतो” देंत।

योएल 2:25

परमप्रभु यावेमी “गो इन कली लेस्‍वा माले, तोङले माले, सल्‍हा माले नु घांस ख्रोइश्‍शा ब्‍वाइब माले आन नेक्‍शो नेल्‍ल लेश्‍शा गेनन्‍नी। मेको आं सोइश्‍शो लडाइ पाइबपुकी बाक्‍तेक्‍म। गो मेको आन कली इन दातेमी सोइक्‍ताक्‍ङमी। योएल १:४

योना 3:9

परमप्रभु आ शुश गाइक्‍तीक रे लेप्‍बा, कों? मेकोमी आंइ कली मसाइक्‍बा, कों? सुम तुइक्‍बा, ङा?” देंमा बाक्‍त। योएल २:१४

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

गन्‍ती 33:4

मेना इजीप्‍तीपुकीमी परमप्रभु यावेमी साइश्‍शो आन ङोंइती जरमेशो तौ आन कली थिम्‍शो बाक्‍तेक्‍म। मिनु परमप्रभु यावेमी मेको आन देवी देवता आन कली यो निसाफ पशो बाक्‍त।

यूहन्‍ना 9:24

मिनु मिक्‍च ताइब दुम्‍शो कली लेंशा ब्रेश्‍शा “परमप्रभु यावे कली मान पावो। इ कली मिक्‍च तपाइक्‍ब पापी बाक्‍माक्‍त, दे तुइक्‍नीकी” देंतेक्‍म।

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।

प्रकाश 14:7

मिनु मेकोमी ठेयब सेंदामी “परमप्रभु यावेमी सरीङ, रागी, समुन्‍द्र नु ब्‍वाक्‍कु बुक्‍तीके नेल्‍ल सेल्‍तु। मोपतीके इन पोक्‍च थेक्‍शा, परमप्रभु यावे कली मान पा हिनीन। मेको कली ठेयब सेलीन। मिनु ‘गे नेल्‍ल सेल्‍ब ननी’ देंशा मान पने। मारदे हना मेको आ निसाफ पची ना दुम्‍त” देंत।

प्रकाश 16:9

मोपा शुश होशेमी मुरपुकी दुप्‍शा, श्‍येत जाम्‍तेक्‍म। मिनु दुप्‍शो आ पर्बम परमप्रभु यावे आ नें कली सराप पाम्‍तेक्‍म। मारदे हना मेकोमी श्‍येत गेप्‍तु। मिनु मेको मुर आन थुं परमप्रभु यावे गे मलेत्‍तेम। परमप्रभु यावे कली मान यो मपाम।

१ सामुएल 5:11

मोपतीके मेकोपुकीम पलिस्‍ती आन ठेयब मुर नेल्‍ल आन कली ग्रुम्‍शा लोव़ पचा कली ब्रेत्‍थ सोइक्‍तमे बाक्‍त। मिनु मेको आन कली “इस्राएली आन परमप्रभु आ कबल पशो सन्‍दोस आ बाक्‍तीकेम लेश्‍शा सोइक्‍तीन। मेको कली आ बाक्‍तीकेम चाक्‍दीतीन। मो मपाइतीनी हना, गो नेल्‍ल बेक्‍नय” देंमा बाक्‍त। सहर ङा मुर नेल्‍ल शुश हिंशो बाक्‍मा बाक्‍त। मारदे हना परमप्रभु शुश गाइश्‍शो बाक्‍माक्‍त।

१ सामुएल 5:9

मिनु गाथम लदमे नोले परमप्रभु यावेम मेको सहर ङा मुर आन कली शुश हिंचा ङा श्‍येत गेमी बाक्‍त। मेकेर ङा ठेयब रे आइक्‍च मुर नेल्‍ल आन कली गार मुतीक रोइ पपाइक्‍मी बाक्‍त।

१ सामुएल 6:8

मिनु परमप्रभु यावे आ कबल पशो सन्‍दोस लाइश्‍शा, बग्‍गी तारी वोतीन। मिनु मेको इन दोस आ पर्बम चढ़ेशो सुन के थोव़की आइक्‍च सन्‍दोस काम कुर पा, मेको आ नेक्‍था वोतीन। मिनु मेको सोइक्‍तीन।