१ सामुएल 6:20 - Sunuwar Bible

²⁰ मिनु बेथ-शेमेश ङा मुरपुकीम “मेको परमप्रभु यावे, का ला परमप्रभु आ ङोंइती सु राप्‍ने चाप्‍बा ङा? मिनु आंइ बाक्‍तीके रे मुल मेको सु आ बाक्‍तीके लाइक्‍चा माल्‍बा?” देंमा बाक्‍त।

१ सामुएल 6:20 ပူးပေါင်းရင်းမြစ်များ

२ सामुएल 6:7

मिनु परमप्रभु यावे उज्‍जाह कली तशा, गाइक्‍ता बाक्‍त। मिनु परमप्रभुमी मेको आ गुइ दिंशा, सन्‍दोस थिशो तशा, आ सन्‍दोस आ नेक्‍था उइ सदा बाक्‍त। १सामुएल ६:१९; गन्‍ती ४:१५

२ सामुएल 6:9

मेको नाक्‍ती दाऊद परमप्रभु यावे क्‍येङा हिंमाक्‍त। मिनु “मुल गो परमप्रभु यावे आ सन्‍दोस दोपा लाइक्‍नुङा?” देंमाक्‍त।

भजन संग्रह 76:7

गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?

लेवी 11:44

मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्‍थु मेको रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ। गेपुकी खपीम ग्रे‍शा गाक्‍ब जन्‍तु रे ग्रांग्रा दिशो मदुमीन। लेवी १९:२

लेवी 11:45

गो परमप्रभु यावे, इन कली इजीप्‍त रागी रे ग्रुंइशा एक चाक्‍ब, इन परमप्रभु नङ। मोपतीके गेपुकी ग्रांग्रा दिशो रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ’ देनो” देंत।

मलाकी 3:2

मिनु मेकोमी “तन्‍न आ जाक्‍ची नाक्‍त सु फाल्‍ने चाप्‍बा ङा? आ ग्रूची ना सु राप्‍शा बाक्‍ने चाप्‍बा ङा? मारदे हना मेको तुप्‍तीलमी मुइश्‍शो मी नु वा मुरब आ वा बुश सेल्‍तीक खोदेंशो बाक्‍ब। यसैया १:२५

लूका 5:8

मिनु सिमोन पत्रुसमी मो दुम्‍शो तशा, येसु आ ङोंइती पोक्‍च थेक्‍शा बाप्‍शा “प्रभु, गो पापी मुर नङ। गे नु काथा बाक्‍चा मशिरनुङ” देंमाक्‍त। लूका १८:१३

लूका 8:37

मिनु गेरासीन रागीम बाक्‍बपुकीमी येसु कली “आंइ रागीम मबाक्‍कीन, लने” दे पुन्‍मे बाक्‍त। मारदे हना थाम्‍पा हिंमा बाक्‍त। मिनु येसु डोंगा ङोइश्‍शा लेम्‍माक्‍त।

प्रकाश 6:17

मारदे हना मेको आस गाइक्‍ची नाक्‍त जाक्‍त। सुइ मेको आस ङोंइती राप्‍ने मचाप्‍नीम” दे ठेयब सेंदामी ग्रीतेक्‍म। आमोस ५:१८; रोमी २:५; मलाकी ३:२

१ सामुएल 5:7

मिनु अश्‍दोद ङा मुरपुकीम मोदेंशो दुम्‍शो तशा “इस्राएली आन परमप्रभु आ कबल पशो सन्‍दोस एक वोइक्‍चा मदुम्‍ब। मारदे हना मेको आ गाइश्‍शोमी इं कली नु इं देवता दागोन कली श्‍येत दुम्‍शो बाक्‍ब” देंमा बाक्‍त।