१ सामुएल 6:2 - Sunuwar Bible

² मिनु पलिस्‍तीपुकीम दागोन कली चढ़ेब नु लिंक्‍यु कोव़ब आन कली ब्रेश्‍शा, मेको आन कली “गो परमप्रभु यावे आ कबल पशो सन्‍दोस कली मार पय? गो मेको आ बाक्‍तीकेम दोपा सोइक्‍तय? आंइ कली शेंदीकी” दे हिल्‍लो पामे बाक्‍त।

१ सामुएल 6:2 ပူးပေါင်းရင်းမြစ်များ

उत्पत्ती 41:8

मिनु आ थुं मनुथु सुनी कना इजीप्‍त ङा जादू पाइब नु जोक्‍ब तुइक्‍ब नेल्‍ल आन कली ब्रेत्‍थ सोइक्‍तीमी बाक्‍त। मेको जाक्‍मानु, आ ङोमु मेको आन कली शेंदीमी बाक्‍त। तन्‍न सुइमी फाराओ कली मेको ङोमु आस अर्थ देंने मचाप्‍मे बाक्‍त। दानीएल २:३

प्रस्‍थान 7:11

मिनु फाराओमी इजीप्‍त रागी ङा जादू नु टुना मुना पाइब आन कली ब्रेत्‍ताक्‍मी। मेकोपुकीमी यो आन टुना मुनामी हारून खोदेंशो पा आन कोक्‍के ब्‍वारशा, बुस्‍सपुकी सेल्‍तेक्‍म। प्रस्‍थान ७:२२; प्रस्‍थान ८:३; उत्‍पत्ती ४१:८; २तिमोथी ३:८

यसैया 2:6

याकूब आ खिं ङा मुर, गे इन ङोंइती ङा लां प्रोंइतीनी। गे इन थुं पूर्ब ङा मुर आन पतीक गेयम ब्रीशो बाक्‍ब। गे पलिस्‍ती खोदेंशो पा लिंक्‍यु कोव़ब दुम्‍तीनी। अर्को जात ङा मुर नु खाल्‍साक्‍नी।

दानीएल 2:2

मिनु मेको पिपमी आ ङोमु मार बाक्‍मे, दे तुइक्‍चा कली “जादू, मन्‍तर तन्‍तर पाइब, टुना मुना पाइब नु सोरुल कोव़ब कल्‍दी आन कली चाक्‍चा माल्‍नीनी” दे हुकुम पाप्‍तु। मिनु मेकोपुकी पिप आ ङोंइती जाक्‍शा राप्‍तेक्‍म। यसैया ४७:१२-१३

दानीएल 5:7

मिनु पिपमी “बेबीलोन रागी ङा मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ जोक्‍ब चाक्‍कीन” दे हुकुम पाप्‍तु। मिनु पिपम मेको बेबीलोन रागी ङा जोक्‍ब तुइक्‍ब आन कली “सुमी एको ब्रेक्‍शो पढेशा, आं अर्थ आं कली शेंने चाप्‍बा, मेको प्‍याजी रङ ङा वा फेक्‍पाइ‍श्‍शा, सुन के माला रेल्‍चा पुंइसीब। मिनु गो नु आं राज्‍य ङा ठेयब गेय पाइब आ नोले ङा हुकुम पाइब सेल्‍नुङ” देंत।

मत्ती 2:4

मिनु हेरोदमी ठेयब चढ़ेब नु सास्‍त्री आन कली खुप्‍शा “ख्रीस्‍त ते जरमेसीबा?” दे हिल्‍लो पामी बाक्‍त। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म।

१ सामुएल 5:8

मोपतीके मेकोपुकीम पलिस्‍ती आन ठेयब मुर आन कली ब्रेश्‍शा खुप्‍शा “गो इस्राएली आन परमप्रभु आ कबल पशो सन्‍दोस मार पय?” दे हिल्‍लो पामे बाक्‍त। मिनु मेकोपुकीमी “परमप्रभु आ कबल पशो सन्‍दोस गाथ सहरम लतीन” देंमा बाक्‍त। मिनु मेकोपुकीम इस्राएली आन परमप्रभु आ सन्‍दोस गाथम चाक्गमे बाक्‍त। यहोसु ११:२२

१ सामुएल 6:1

परमप्रभु यावे आ कबल पशो सन्‍दोस पलिस्‍ती आन रागीम बाक्‍शो ७ महिना दुम्‍शो बाक्‍माक्‍त।