१ सामुएल 6:18 - Sunuwar Bible

¹⁸ मिनु सुन के यिच चहिं गारो हिरशो सहर आन कली नु आन हुकुम पाइब नु आन एर ओंथ ङा सहर आन कली का का बाक्‍माक्‍त। मिनु मेकोपुकीमी परमप्रभु यावे आ कबल पशो सन्‍दोस कली लाइश्‍शा, ठेयब फुल्‍लु तारी वोदमे बाक्‍त। मेको फुल्‍लु मुल सम्‍म बेथ-शेमेश ङा यहोसु आ रूम सांकछी बाक्‍ब।

१ सामुएल 6:18 ပူးပေါင်းရင်းမြစ်များ

ब्‍यवस्‍था 3:5

मेको सहर नेल्‍ले लाइश्‍शो गारो हिरशो बाक्‍तेक्‍म। मेको गारो ङा ठेयब लाप्‍चो आग्‍लो पाइश्‍शो बाक्‍तेक्‍म। मेको प्रोंइशा, अरु गारो महिरशो शुश गाउं यो ग्रातक।

यहोसु 13:3

इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।

१ सामुएल 6:4

मिनु मेकोपुकीम “गो दोस आ पर्बम मार चढ़ेतीक सोइक्‍नीकी?” दे हिल्‍लो पामे बाक्‍त। मिनु मेकोपुकीम “५ ओटा सुन के कान नु ५ ओटा सुन के यिच, इन ५ जना ठेयब मुर खोदेंशो पा नु इन कली श्‍येत गे‍ब कान खोदेंशो पा सोइक्‍तीन। यहोसु १३:३