१ सामुएल 6:12 - Sunuwar Bible

¹² मिनु मेको बी एर ओंथ मपथु, गाक्‍ची ना ग्रीना ग्रीन इर बेथ-शेमेश ठेयब लां गे लसा बाक्‍त। मिनु पलिस्‍ती आन ठेयब मुरपुकी मेको बी आस नोले बेथ-शेमेश ङा सांद सम्‍म लमा बाक्‍त। यहोसु १५:१०

१ सामुएल 6:12 ပူးပေါင်းရင်းမြစ်များ

१ राजा 4:9

बेन-देकेर, माकाज, शा-आल्‍बीम, बेथ-शेमेश नु एलोन-बेथ-हानान सहर ङा ठेयब मुर बाक्‍माक्‍त।

प्रस्‍थान 8:15

इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१

गन्‍ती 20:19

मिनु इस्राएलीपुकीमी मेको कली “गोपुकी ठेयब लां रे पा लाइनीकी। मिनु गो नु आंइ बी ब्‍यफ क्‍यारश भेडामी इन ब्‍वाक्‍कु तूतक हना, मेको ङा क्‍येट थाप्‍नीकी। आंइ कली इन रागी रे पा ला लचा गेने” देंतेक्‍म।

यहोसु 15:10

मिनु मेको सांद बालाह रे पा सेइर पहाड सम्‍म पच्‍छिम गे हिरब। येआरीम डांडा आ उत्तर गे ङा देम्‍सीलो रे पा बेथ-शेमेश रे लुक्‍च लशा, तिम्‍नाह सम्‍म बाक्‍त। मेको येआरीम डांडा कली केसालोन यो देंनीम। यहोसु १९:४३; न्‍यायाधीस १४:१

१ सामुएल 6:11

मिनु परमप्रभु यावे आ कबल पशो सन्‍दोस नु सुन के यिच नु सुन के कान बाक्‍शो आइक्‍च सन्‍दोस बग्‍गी तार वोदमे बाक्‍त।

१ सामुएल 6:13

मेना बेथ-शेमेश ङा मुरपुकी दिंमम चेरब रिक्‍ना रिक्‍न बाक्‍मा बाक्‍त। मिनु मेकोपुकीम इर गे कोव़ङमेनु, सन्‍दोस तशा ग्‍येरशा मेको आ नेक्‍था लमा बाक्‍त।

१ सामुएल 6:9

मिनु मेको बग्‍गी कली कोव़शा बाक्‍कीन। मेको सन्‍दोस कुरशो बग्‍गी आ रागी, बेथ-शेमेश ग्‍येत्‍थ गे लत हना, परमप्रभुमी एको ठेयब श्‍येत दुम्‍पाइश्‍शो बाक्‍माक्‍त, दे तुंइसीब। मो मदुम्‍त हना, एको श्‍येत मेकोमी मदुम्‍पाइश्‍शो बाक्‍माक्‍त। आंमा दुम्‍शो बाक्‍तेक्‍म, दे तुंइसीब” दें‍मा बाक्‍त।