१ सामुएल 5:10 - Sunuwar Bible

¹⁰ मिनु मेकोपुकीमी परमप्रभु आ कबल पशो सन्‍दोस एक्रोनम सोइक्‍तमे बाक्‍त। मिनु इस्राएली आन परमप्रभु आ कबल पशो सन्‍दोस एक्रोनमी चाक्‍दीत्‍मेनु, मेकेर ङा मुरपुकीम “मारदे मेकोपुकीम इं कली नु इं खिं ङा मुर आन कली साइक्‍चा कली इस्राएली आन परमप्रभु आ कबल पशो सन्‍दोस एक चाक्‍मे?” दे ग्रीशा रेयके पामे बाक्‍त। यहोसु १५:४५

१ सामुएल 5:10 ပူးပေါင်းရင်းမြစ်များ

२ सामुएल 7:9

गे ते ते गाक्‍ङे, मेक मेक गो गे नु बाक्‍ती। गो इ जोरी सत्रु नेल्‍ल आन कली इ ङोंइती रे खेर‍तामी। गो इ नें रागी ङा ठेयब मुर आन नें खोदेंशो पा ठेयब सेल्‍नुङ।

२ राजा 1:2

अहाज्‍याह सामरीया सहर ङा आ खिं ङा तला तार रे दोक्‍शा, गार दुम्‍माक्‍त। मोपतीके मेकोमी मुर आन कली “लशा, एक्रोन ङा देवता बाल-जेबुब नु पुनीन। गो एको आं गार रे सानुङा देय मसानुङा?” दे हिल्‍लो पचा कली सोइक्‍तीमी बाक्‍त। १राजा २२:५२-५४

१ इतिहास 7:21

तहथ आ तौ जाबाद बाक्‍माक्‍त। जाबाद आ तौ शुथेलाह बाक्‍माक्‍त। शुथेलाह आ अरु तौ एजेर नु एलेआद बाक्‍सा बाक्‍त। मेको निक्‍शी गाथ ङा मुर आन बस्‍तु भाव रोइक्‍थ लसानु, गाथ ङा मुरपुकीमी मेको आस कली सदमे बाक्‍त।

आमोस 1:8

गो अश्‍दोद सहरम बाक्‍ब मुर आन कली नु अश्‍कलोन ङा पिप कली क्‍याम्‍‍नुङमी। गो एक्रोन कली युक्‍नुङ। मिनु लीशो पलिस्‍ती नेल्‍ल जाम्‍शा लाइनीम” दे परमप्रभु यावेमी देंत।

आमोस 6:2

गे आइक्‍ची हांबु काल्‍नेह सहर लशा, कोव़ङीन। मिनु मेकेर रे ठेयब हमाथ रागी लन। मेको नोले पलिस्‍ती आन गाथ सहरमी लने। इन राज्‍य मेको आन राज्‍य क्‍येङा रिम्‍शो बाक्‍बा ङा? मार, मेको इन रागी मेको आन रागी क्‍येङा ठेयब बाक्‍बा ङा? उत्‍पत्ती १०:१०

यहोसु 13:3

इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।

यहोसु 15:11

मेको सांद लेंशा एक्रोन आ उत्तर गे जाक्‍दीश्‍शो बाक्‍त। मिनु शिक्‍केरोन सहरमी जाक्‍दीश्‍शा, बालाह डांडा लाक्‍शा, यब्‍नेलमी जाक्‍दीश्‍शो बाक्‍त। मेको सांद समुन्‍द्र सम्‍म बाक्‍त।

यहोसु 15:45

मेको एक्रोन सहर नु आ नेक्‍था ङा खिंपुकी नु गाउं नेल्‍ल, १सामुएल ५:१०; यहोसु १९:४१-४६

न्‍यायाधीस 1:18

यहूदा आ थर ङा मुरपुकीमी गाजा, अश्‍कलोन, एक्रोन सहर नु मेको आ नेक्‍था बाक्‍शो रू नेल्‍ल आंम के सेल्‍मे बाक्‍त।

१ सामुएल 17:52

मिनु इस्राएली नु यहूदीपुकीमी लडाइ ङा ग्रीतीक ग्रीमा बाक्‍त। गाथ नु एक्रोन ङा ठेयब लाप्‍चो सम्‍म मेको आन कली थाम्‍पा खेदा पामे बाक्‍त। शा-आराइम, गाथ नु एक्रोन लतीक लां सम्‍म आन बेक्‍शो रां नेल्‍ल थाम्‍पा ब्रमाक्‍त।

१ सामुएल 5:11

मोपतीके मेकोपुकीम पलिस्‍ती आन ठेयब मुर नेल्‍ल आन कली ग्रुम्‍शा लोव़ पचा कली ब्रेत्‍थ सोइक्‍तमे बाक्‍त। मिनु मेको आन कली “इस्राएली आन परमप्रभु आ कबल पशो सन्‍दोस आ बाक्‍तीकेम लेश्‍शा सोइक्‍तीन। मेको कली आ बाक्‍तीकेम चाक्‍दीतीन। मो मपाइतीनी हना, गो नेल्‍ल बेक्‍नय” देंमा बाक्‍त। सहर ङा मुर नेल्‍ल शुश हिंशो बाक्‍मा बाक्‍त। मारदे हना परमप्रभु शुश गाइश्‍शो बाक्‍माक्‍त।

१ सामुएल 5:9

मिनु गाथम लदमे नोले परमप्रभु यावेम मेको सहर ङा मुर आन कली शुश हिंचा ङा श्‍येत गेमी बाक्‍त। मेकेर ङा ठेयब रे आइक्‍च मुर नेल्‍ल आन कली गार मुतीक रोइ पपाइक्‍मी बाक्‍त।

१ सामुएल 6:1

परमप्रभु यावे आ कबल पशो सन्‍दोस पलिस्‍ती आन रागीम बाक्‍शो ७ महिना दुम्‍शो बाक्‍माक्‍त।