१ सामुएल 5:1 - Sunuwar Bible

¹ पलिस्‍तीपुकीम परमप्रभु आ कबल पशो सन्‍दोस रोइश्‍शा लाइश्‍शा, एबेन-एजेर रे अश्‍दोद सहरम चाक्‍ग‍मे बाक्‍त। यहोसु १५:४७

१ सामुएल 5:1 ပူးပေါင်းရင်းမြစ်များ

भजन संग्रह 78:61

मेकोमी आ कबल पशो सन्‍दोस आ जोरी सत्रु आन गुइमी गेप्‍तु। मोपा सक्ति पाइश्‍शो कली रोइक्‍पाइक्‍तु। भजन संग्रह १३२:८; १सामुएल ४:२१

यसैया 20:1

मिनु अस्‍सुर ङा पिप सारगोन आ सासनमी आ कप्‍तान लडाइ पथ लशा, अश्‍दोद सहर ग्रा‍त। २राजा १८:१७

आमोस 3:9

‘अ‍श्‍दोद ङा बोल्‍यो दरवार नु इजीप्‍त रागी ङा बोल्‍यो दरवार ङा मुर आन कली गेपुकी सामरीया ङा पहाडमी बुक्‍कीन। मिनु मेको सहरम दुम्‍शो ठेयब रेयके नु मुर आन कली श्‍येत गेशा, दिप्‍शो कोव़ङीन’ दे मुर आन कली देनीन।

प्रेरित 8:40

नोले फिलीप अस्‍दोद सहरमी ग्रूदीम्‍माक्‍त। मिनु मेकेर रे गाउं गाउं सहर सहरम येसु आ लोव़ नेंपाइक्‍ना पाइक्‍न गाक्‍शा, सिजरिया सहर जाक्‍दीम्‍माक्‍त। प्रेरित २१:८-९

यहोसु 11:22

इस्राएली आन रागीमी अनाकीम ङा मुर का सम्‍म यो मलीम। गाजा, गाथ नु अश्‍दोदमी का निक्‍शी ला लीतेक्‍म। १सामुएल १७:४; २सामुएल २१:२२

यहोसु 13:3

इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।

१ सामुएल 4:1

मिनु सामुएल आ लोव़ नेल्‍ल इस्राएलम ब्रमाक्‍त। मेना पलिस्‍ती इस्राएली नु लडाइ पचा कली लशो बाक्‍मा बाक्‍त। इस्राएलीपुकीम एबेन-एजेरमी आन बाक्‍तीक सेल्‍मे बाक्‍त। मिनु पलिस्‍तीपुकीम अफेकमी आन बाक्‍तीक सेल्‍मे बाक्‍त। यहोसु १५:५३

१ सामुएल 4:11

मिनु परमप्रभु आ कबल पशो सन्‍दोस रोइश्‍शा, एली आ तौ होफ्‍‍नी नु फिनेहास आस कली यो सदमे बाक्‍त। १सामुएल २:३४

१ सामुएल 4:22

“इस्राएल ङा छेङछेङ जाम्‍त। मारदे हना परमप्रभु आ कबल पशो सन्‍दोस रोंइसाक्‍व” देंमाक्‍त।

१ सामुएल 6:1

परमप्रभु यावे आ कबल पशो सन्‍दोस पलिस्‍ती आन रागीम बाक्‍शो ७ महिना दुम्‍शो बाक्‍माक्‍त।

१ सामुएल 7:12

मिनु सामुएलमी फुल्‍लु का लाइश्‍शा, मिस्‍पा नु येशाना आस दातेमी ख्रुक्‍गा बाक्‍त। मेको कली एबेन-एजेर नें वोइश्‍शा “परमप्रभु यावेम आंइ कली एक सम्‍म वारच पाप्‍तु” देंमाक्‍त।