१ सामुएल 4:5 - Sunuwar Bible

⁵ मिनु परमप्रभु यावे आ कबल पशो सन्‍दोस लडाइ पाइब आन बाक्‍तीकेम चाक्‍ग्‍मेनु, इस्राएली नेल्‍ल ठेयब सेंदा पा ग्‍येरशा रेयके पामे बाक्‍त। मिनु मेको आन रेयके पशो सेंदामी रागी नेल्‍ल मुरदा बाक्‍त।

१ सामुएल 4:5 ပူးပေါင်းရင်းမြစ်များ

२ सामुएल 15:24

मिनु अबीयाथार, सादोक नु लेवी नेल्‍ल परमप्रभु आ कबल पशो सन्‍दोस कुरशा, जाक्‍मा बाक्‍त। मेकोपुकी चहिं सहर ङा मुर नेल्‍ल ग्रूशा मगाक्‍मा सम्‍म सन्‍दोस नाइश्‍शा रिम्‍शा बाक्‍मा बाक्‍त।

१ राजा 1:40

मिनु मुर नेल्‍ल ठेयब सेंदा पा ग्‍येरशा बांसुरी ताप्‍शा, मेको आन नो‍नोले इर ङोइश्‍शा लमा बाक्‍त। मिनु मेको आन ग्‍येरशा रेयके पशोम रागी नेल्‍ल मुरदा बाक्‍त।

अय्‍युब 20:5

एको मार लोव़ बाक्‍ब देंशा हना, परमप्रभु यावे आ अरेशो मटीब आन ठेयब लेश्‍शो इच्‍का नाक्‍त ला लीब। मेको आन ग्‍येरसीशो याम का ला लीब।

येरमीया 7:4

मिनु ‘एको परमप्रभु यावे आ खिं बाक्‍ब। एको परमप्रभु यावे आ खिं बाक्‍ब। एको परमप्रभु यावे आ खिं बाक्‍ब’ देंशो जोल लोव़ थमा मसुतीन।

आमोस 6:3

गे ‘श्‍येत जतीक नाक्‍त मजाक्‍ब’ दे मिम्‍नीनी। मिनु गे हुश ख्राक्‍श पोक्‍ब सासन पाइब चाक्‍नीनी। भजन संग्रह १०:५

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

यहोसु 6:20

मिनु मुरपुकी वाइ ब्रेश्‍शा ग्रीतेक्‍‍म। मिनु चढ़ेबपुकीमी ग्रोव़ ताम्‍ना ताम्‍न बाक्‍तेक्‍म। मुरपुकीमी ग्रोव़ ताप्‍शो नेंशा, शुश ग्री‍तेक्‍म। मिनु मेको गारो ब्रेत्‍त। मिनु मुरपुकी ग्‍येत्‍थ बारशा, मेको सहर आंम के सेल्‍तेक्‍म। हिब्रू ११:३०

यहोसु 6:5

मिनु मेकोपुकीमी शुश रेयके पा ग्रोव़ ताम्‍ना ताम्‍न बाक्‍मानु, इन मुर नेल्‍लेमी मेको रेयके नेन्‍मे नोले, ठेयब सेंदा पा ग्रीचा माल्‍नीम। मोपा ग्रीमानु, मेको सहर ङा गारो नेल्‍ल ब्रेप्‍ब। मिनु मुर नेल्‍ल आंम आंम ङोंइती बारशा, ब्रेश्‍शो गारो ङोइक्‍चा माल्‍नीम” दे परमप्रभुम माइक्‍तु।

न्‍यायाधीस 15:14

मिनु मेकोपुकी लेहीमी जाक्‍दीत्‍चामेनु, पलिस्‍तीपुकीमी मेको कली तशा ग्रीना ग्रीन पिमा बाक्‍त। मेना परमप्रभु यावे आ सोक्‍तीमी सिम्‍सोन कली सुमा बाक्‍त। मिनु सिम्‍सोनमी आ कली फ्रेंशो डोरी निक्‍शी मीम दुप्‍शो पले खोदेंशो पा प्रोदा बाक्‍त। न्‍यायाधीस १३:२५

१ सामुएल 4:6

मिनु पलिस्‍तीपुकीम मेको ग्‍येरशो सेंदा नेंशा “हिब्रू आन बाक्‍तीकेम मार दुम्‍मे? मार रेयके नेंसे?” दे हिल्‍लो पमुमा बाक्‍त। मिनु परमप्रभु यावे आ कबल पशो सन्‍दोस आन बाक्‍तीकेमी चाक्‍तेक्म, दे तुइक्‍त‍मे बाक्‍त।