१ सामुएल 4:21 - Sunuwar Bible

²¹ मिनु मेकोमी आल आ नें इकाबोद वोदा बाक्‍त। मेको आ अर्थ “परमप्रभु आ छेङछेङ इस्राएल रे जाम्‍त” देंशो बाक्‍माक्‍त। मारदे हना परमप्रभु आ कबल पशो सन्‍दोस रोइश्‍शो नु आ शिउ नु आ वोंइश बेक्‍शो मिम्‍शा इकाबोद आ अर्थ “इस्राएल ङा छेङछेङ जाम्‍त” देंशो बाक्‍त १सामुएल १४:३; भजन संग्रह ७८:६१

१ सामुएल 4:21 ပူးပေါင်းရင်းမြစ်များ

भजन संग्रह 106:20

मेकोपुकीमी आन मान पशो परमप्रभु आ पा ङा घांस ब्‍वाइब ब्‍यफ आ मूर्ति कली ठेयब सेल्‍शो बाक्‍तेक्‍म। रोमी १:२३

भजन संग्रह 26:8

परमप्रभु यावे, इन बाक्‍तीक खिं नु इन छेङछेङ दाक्‍नुङ। भजन संग्रह २२:४; भजन संग्रह १२२:१-२

भजन संग्रह 78:61

मेकोमी आ कबल पशो सन्‍दोस आ जोरी सत्रु आन गुइमी गेप्‍तु। मोपा सक्ति पाइश्‍शो कली रोइक्‍पाइक्‍तु। भजन संग्रह १३२:८; १सामुएल ४:२१

भजन संग्रह 78:64

मेको आ चढ़ेबपुकी तरवारम क्‍योरचा पुंइसाक्‍म। मिनु मेको आन मीश रोंका पने मचबेम। १सामुएल ४:१७-२०

येरमीया 2:11

मार, तेकोइ रागी ङा मुरुम आन देवी देवता फाइश्‍शो बाक्‍नीमी ङा? मेको परमप्रभु मनम हना यो, मफाइक्‍नीम। तन्‍न आं मुरपुकीम आन ठेयब सक्ति पाइश्‍शो कली शोर गाक्‍शो मूर्तिपुकी नु फाइक्‍तेक्‍म। रोमी १:२३

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

होसे 9:12

मेकोपुकीमी आल थिशा कोल्‍पाइक्‍तेक्‍म हना यो, गो का सम्‍म यो मप्रोंइथु लाइक्‍नुङ। मिनु गो मेको आन कली प्रोंइशा ङोन लाइक्‍नुङ। मिनु मेको आन कली ठेयब श्‍येत दुम्‍ब।

१ सामुएल 14:3

मिनु परमप्रभु यावे कली चढ़ेब एली आ तौ फिनेहास, फिनेहास आ तौ अहीतुब नु आ लोक्‍ब इकाबोद मेकेर बाक्‍मा बाक्‍त। अहीतुब आ तौ अहीयाह शिलोमी चढ़ेब बाक्‍शा, निसाफ पतीक ऊरीम नु थुम्‍मीम बाक्‍शो झोला यो फेक्‍शो बाक्‍माक्‍त। मेको मुरपुकीमी योनाथन पलिस्‍ती आन बाक्‍तीके लशो, मतुइक्‍तमे बाक्‍त। २सामुएल ८:१७; १सामुएल ४:१९-२१ प्रस्‍थान २८:६-३०

१ सामुएल 2:34

मिनु इ तौ निक्‍शी होफ्‍नी नु फिनेहास काबुमीन बेक्‍नीस। मेको आं देंशो लोव़ थमा बाक्‍ब, देंशो चिन्‍ड का बाक्‍ब। १सामुएल ४:११

१ सामुएल 3:12

मेको नाक्‍ती गो एली नु आ खिं ङा मुर आन कली आं देंशो नेल्‍ल पाइनुङ।

१ सामुएल 4:11

मिनु परमप्रभु आ कबल पशो सन्‍दोस रोइश्‍शा, एली आ तौ होफ्‍‍नी नु फिनेहास आस कली यो सदमे बाक्‍त। १सामुएल २:३४

१ सामुएल 4:22

“इस्राएल ङा छेङछेङ जाम्‍त। मारदे हना परमप्रभु आ कबल पशो सन्‍दोस रोंइसाक्‍व” देंमाक्‍त।