१ सामुएल 4:2 - Sunuwar Bible

² मिनु पलिस्‍तीपुकी इस्राएली आन ङोंइती लडाइ पचा कली गारशा, बाक्‍मा बाक्‍त। मिनु लडाइ ठेयब दुम्‍शा, इस्राएलीपुकी ब्रुमा बाक्‍त। पलिस्‍तीपुकीम मेकेर ४ हजार खोइ इस्राएली सदमे बाक्‍त।

१ सामुएल 4:2 ပူးပေါင်းရင်းမြစ်များ

बिलाप 3:40

गो आंम कली नाक्‍शा कोव़शा, परमप्रभु यावे गे लेत्‍नय।

लेवी 26:37

सुइमी खेदा मपथु यो, मेकोपुकी तरवार तशा प्रोक्‍शो खोदेंशो पा, प्रोक्‍नीम। मिनु थोक्‍मुशा गोल्‍नीम। मोपतीके आन जोरी सत्रु आन ङोंइती राप्‍ने मचाप्‍नीम।

गन्‍ती 14:45

मिनु मेको पहाडम बाक्‍ब अमालेक आ मुर नु कनानीपुकी उइ तोइश्‍शा, मेको आन कली साइक्‍ना साइक्‍न होरमा सम्‍म खेदा पाम्‍तेक्‍म। गन्‍ती २१:३; ब्यवस्‍था १:४४

यहोसु 7:12

मोपतीके इस्राएली आन जोरी सत्रु आन कली तशा, प्रोक्‍नीम। मारदे हना मेकोपुकी यो खतम सेल्‍चा माल्‍शो दुम्‍शो बाक्‍नीम। मेको आन खतम सेल्‍चा माल्‍शो ख्रुइश्‍शो थोव़क इन दाते रे मग्रुंइताक्‍नी हना, गो गे नु मबाक्‍नुङ।

१ सामुएल 17:21

इस्राएली पलिस्‍ती आन ङोंइतीमी, पलिस्‍ती इस्राएली आन ङोंइतीमी लहर पा राम्‍मा बाक्‍त।

१ सामुएल 17:8

मेको मुर राप्‍शा, इस्राएल ङा मुर नेल्‍ल आन कली ठेयब सेंदा पा “ए सावल आ गेय पाइबपुकी, गेपुकी मारदे लडाइ पथ जाक्‍नीनी? गो पलिस्‍ती नङ। गो नु लडाइ पचा कली इन मुर योव़ङीन। मिनु लडाइ पथ पिन। गे सावल आ गेय पाइब मननी ङा?

१ सामुएल 4:1

मिनु सामुएल आ लोव़ नेल्‍ल इस्राएलम ब्रमाक्‍त। मेना पलिस्‍ती इस्राएली नु लडाइ पचा कली लशो बाक्‍मा बाक्‍त। इस्राएलीपुकीम एबेन-एजेरमी आन बाक्‍तीक सेल्‍मे बाक्‍त। मिनु पलिस्‍तीपुकीम अफेकमी आन बाक्‍तीक सेल्‍मे बाक्‍त। यहोसु १५:५३

१ सामुएल 4:10

मिनु पलिस्‍तीपुकीम लडाइ पामे बाक्‍त। मिनु इस्राएलीपुकी ब्रुशा, आन आन ताम्‍बुम प्रोक्‍मा बाक्‍त। मेको लडाइम शुश मुर साइक्‍चा पुंइसमा बाक्‍त। खोइलीम गाक्‍ब ३० हजार लडाइ पाइबपुकी बेक्‍मा बाक्‍त।

१ सामुएल 4:3

मिनु लडाइ पाइब आन बाक्‍तीके लेश्‍शा जाक्‍मानु, इस्राएली आन खाल्‍पापुकीमी “मुलाक्‍ती मारदे परमप्रभु यावेमी आंइ कली पलिस्‍ती नु ब्रुपदा? गो शिलो रे परमप्रभु यावे आ कबल पशो सन्‍दोस एक चाक्‍य। मो पाइतय हना परमप्रभु यावे गोपुकी नु बाक्शा, इं जोरी सत्रु रे प्रोंइब” देंमा बाक्‍त। प्रस्‍थान २५:१०; यहोसु ३:६,११