१ सामुएल 4:19 - Sunuwar Bible

¹⁹ मेको आ चाइमी, फिनेहास आ मीशेमी कोव़ज कुरशो बाक्‍माक्‍त। मिनु आ आल थिची ना दुम्‍शो बाक्‍माक्‍त। मिनु मेकोमी परमप्रभु आ कबल पशो सन्‍दोस रोइश्‍शा योल्‍शो नु आ शिउ नु आ वोंइश बेक्‍शो नेंशा, आ आल थितीक रोइम जेत्‍ता बाक्‍त। मिनु गोल्‍शा आल थिवा बाक्‍त।

१ सामुएल 4:19 ပူးပေါင်းရင်းမြစ်များ

उत्पत्ती 3:16

मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२

उत्पत्ती 35:17

सुत्‍केरी रोइम शुश श्‍येत जवानु, आ वारच पाइब मीश मुरुमी “महिनो, गे अर्को तौ का नु थीनेवे” दे लोव़ पवा बाक्‍त। उत्‍पत्ती ३०:२४

१ राजा 14:1

मिनु येरोबाम आ तौ अबीयाह रोइ पवा बाक्‍त।

भजन संग्रह 78:64

मेको आ चढ़ेबपुकी तरवारम क्‍योरचा पुंइसाक्‍म। मिनु मेको आन मीश रोंका पने मचबेम। १सामुएल ४:१७-२०

येरमीया 26:6

गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२

१ सामुएल 4:18

मिनु मेकोमी परमप्रभु आ कबल पशो सन्‍दोस आ पर्बम लोव़ पवानु, एली ठेयब लाप्‍चो आ नेक्‍था बाक्‍शो आ नित्‍तीक रे नोले गे गोल्‍माक्‍त। मिनु आ शुर जिक्‍शा, मेको बेक्‍माक्‍त। मारदे हना मेको खूशो नु ठेयब रां पाइश्‍शो मुर बाक्‍माक्‍त। मेकोम ४० बर्स सम्‍म इस्राएली आन कली निसाफ पशो बाक्‍माक्‍‍त।

१ सामुएल 4:20

मिनु मेको बेक्‍चा चिक्‍तानु, आ वारच पाइब मीश मुरुम “इ थुं ग्‍येत्‍थ लुक्‍च मदुमो। गे तौ का थिप्‍तीवी” दे मदा बाक्‍त। तन्‍न मेकोम लोव़ मलेत्‍ता बाक्‍त। मेकोम आ नोफा मदाइक्‍ता बाक्‍त। उत्‍पत्ती ३५:१७