१ सामुएल 4:18 - Sunuwar Bible

¹⁸ मिनु मेकोमी परमप्रभु आ कबल पशो सन्‍दोस आ पर्बम लोव़ पवानु, एली ठेयब लाप्‍चो आ नेक्‍था बाक्‍शो आ नित्‍तीक रे नोले गे गोल्‍माक्‍त। मिनु आ शुर जिक्‍शा, मेको बेक्‍माक्‍त। मारदे हना मेको खूशो नु ठेयब रां पाइश्‍शो मुर बाक्‍माक्‍त। मेकोम ४० बर्स सम्‍म इस्राएली आन कली निसाफ पशो बाक्‍माक्‍‍त।

१ सामुएल 4:18 ပူးပေါင်းရင်းမြစ်များ

भजन संग्रह 26:8

परमप्रभु यावे, इन बाक्‍तीक खिं नु इन छेङछेङ दाक्‍नुङ। भजन संग्रह २२:४; भजन संग्रह १२२:१-२

भजन संग्रह 42:10

आं कली दिप्‍बपुकीमी आं रुश जिक्‍शो खोदेंशो पा शुक्‍शी पाइनीम। मिनु मेकोपुकीमी गेना हना यो “इ परमप्रभु ते बाक्‍मे” दे शुक्‍शी पा, हिल्‍लो पस ङा पस बाक्‍नीम।

भजन संग्रह 42:3

आं प्रेक्‍कु नाक्‍दो नाक्‍ती आं जचा थोव़क दुम्‍शो बाक्‍ब। मारदे हना मुरपुकीमी नाक्‍त किंत किंत “इ परमप्रभु ते बाक्‍मे?” दे शुक्‍शी पा हिल्‍लो पस ङा पस बाक्‍नीम। भजन संग्रह ७९:१०

भजन संग्रह 69:9

मारदे हना इन खिं कली दाक्‍तीके नाक्‍त किंत किंत आं ङोंइती बाक्‍ब। इन कली पशो शुक्‍शी आं कली दुम्‍त। भजन संग्रह ११९:१३९; यूहन्‍ना २:१७; रोमी १५:३

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

न्‍यायाधीस 15:20

मिनु पलिस्‍तीपुकीमी इस्राएली आन कली दिप्‍शा सासन पामेनु, सिम्‍सोनमी २० बर्स सम्‍म इस्राएली आन निसाफ पशो बाक्‍माक्‍त।

१ सामुएल 4:13

मेको जाक्‍मेनु, एली आ नित्‍तीकेम निश्‍शा, लां कोव़शा बाक्‍शो बाक्‍माक्‍त। मारदे हना परमप्रभु आ कबल पशो सन्‍दोस आ पर्बम थाम्‍पा सुर्ता पवा बाक्‍त। मिनु मेको मुर दोरशा, जाक्‍शा सहर ङा मुर नेल्‍ल आन कली मार दुम्‍मे, मेको नेल्‍ल शेंदा बाक्‍त। मिनु सहर ङा मुर नेल्‍ल ग्रीशा वाइ ब्रेम्‍मा बाक्‍त।

१ सामुएल 4:17

मिनु मेको दोरशा जाक्‍बमी “इस्राएली पलिस्‍ती आन क्‍येङा प्रोक्‍तेक्‍म। लडाइ पाइब शुश साइक्‍चा पुंइसाक्‍म। इन तौ होफ्‍नी नु फिनेहास निम्‍फा साइक्‍चा पुंइसाक्‍स। मिनु परमप्रभु आ कबल पशो सन्‍दोस यो रोइक्‍ताक्‍म” देंमाक्‍त।

१ सामुएल 4:19

मेको आ चाइमी, फिनेहास आ मीशेमी कोव़ज कुरशो बाक्‍माक्‍त। मिनु आ आल थिची ना दुम्‍शो बाक्‍माक्‍त। मिनु मेकोमी परमप्रभु आ कबल पशो सन्‍दोस रोइश्‍शा योल्‍शो नु आ शिउ नु आ वोंइश बेक्‍शो नेंशा, आ आल थितीक रोइम जेत्‍ता बाक्‍त। मिनु गोल्‍शा आल थिवा बाक्‍त।