१ सामुएल 4:10 - Sunuwar Bible

¹⁰ मिनु पलिस्‍तीपुकीम लडाइ पामे बाक्‍त। मिनु इस्राएलीपुकी ब्रुशा, आन आन ताम्‍बुम प्रोक्‍मा बाक्‍त। मेको लडाइम शुश मुर साइक्‍चा पुंइसमा बाक्‍त। खोइलीम गाक्‍ब ३० हजार लडाइ पाइबपुकी बेक्‍मा बाक्‍त।

१ सामुएल 4:10 ပူးပေါင်းရင်းမြစ်များ

२ सामुएल 18:17

मेकोपुकीम अब्‍सालोम आ बेक्‍शो रां लाइश्‍शा, ब्‍वाकी ङा ठेयब ढोडोङगा काम ताइक्‍तमे बाक्‍त। मिनु मेको तार शुश फुल्‍लु पुक्‍गमे बाक्‍त। मिनु इस्राएली नेल्‍ल आन आन खिं प्रोक्‍मा बाक्‍त। यहोसु ८:२९

२ सामुएल 18:7

मेकेर दाऊद आ मुरपुकीम इस्राएली आन कली फ्रूमे बाक्‍त। मेको नाक्‍ती थम ठेयब लडाइ दुम्‍शा २० हजार मुर बेक्‍मा बाक्‍त।

२ सामुएल 19:8

मिनु पिप बोक्‍शा, ठेयब लाप्‍चोम बाक्‍माक्‍त। मिनु पिप ठेयब लाप्‍चोम बाक्‍शो बाक्‍ब, दे लडाइ पाइब आन कली नेंपदमे बाक्‍त। मिनु लडाइ पाइब नेल्‍ल पिप आ ङोंइती जाक्‍मा बाक्‍त। मेना सम्‍म इस्राएली नेल्‍ल आन आन खिं प्रोक्‍ने थुम्‍शो बाक्‍मा बाक्‍त।

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

१ राजा 12:16

मिनु इस्राएली नेल्‍लेमी पिपम मेको आन लोव़ मनेंशो तुइश्‍शा, मेकोपुकीम पिप कली “दाऊद नु आंइ के ततीक मार बाक्‍बा ङा? येस्‍से आ तौ नु आंइ के ततीक मारेइ मबाक्‍ब। इस्राएली, आंम आंम खिं लेतीन। दाऊद गे आंम थुती थाती पांइसो” देंमा बाक्‍त। मोपतीके इस्राएली आन आन खिं लेम्‍मा बाक्‍त। २सामुएल २०:१

१ राजा 22:36

मिनु नां लाक्‍गा नोले लडाइ पाइब आन हुलम “मुर नेल्‍ल इन सहर सहर नु इन बाक्‍तीक लने” देंशो लोव़ नेन्‍मे बाक्‍त।

२ राजा 14:12

मिनु यहूदा ङा पिप इस्राएली आन क्‍येङा ब्रुमाक्‍त। मिनु मुर नेल्‍ल प्रोक्‍मा बाक्‍त।

२ इतिहास 13:17

मोपा अबीयाह नु आ लडाइ पाइबपुकीम इस्राएली आन कली खतम पोक्‍शा, ग्रामा बाक्‍त। मिनु इस्राएल ङा योव़शो बोल्‍यो लडाइ पाइब ५ लाख मुर साइक्‍चा पुंइसमा बाक्‍त।

२ इतिहास 25:22

मिनु यहूदा ङा मुरपुकी इस्राएली आन क्‍येङा ब्रुमा बाक्‍त। मिनु मेको नेल्‍ल आन खिं प्रोक्‍मा बाक्‍त।

भजन संग्रह 78:9

एफ्राइम ङा मुरपुकी लिब्रा शेशा, ठीक दुम्‍शा, लडाइ दुम्‍मेनु, प्रोक्‍तेक्‍म। न्‍यायाधीस २:११-१३

येरमीया 7:12

मुल आं बाक्‍तीक शिलो लने। गो मेकेर ङोंइती आं नेंमी बाक्‍तीक सेल्‍शो नङ। मिनु गो इस्राएल ङा मुर आन कली आं अरेशो मटितीके मार पदु? मेकेर लशा कोव़ङीन। यहोसु १८:१; १सामुएल ४:४,१२; भजन संग्रह ७८:६०

लेवी 26:17

गो इन कली मरिम्‍शो पाइक्‍नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्‍नीम। मिनु सुइमी इन कली खेदा मपाम्‍तेक्‍म हना यो, गेपुकी प्रोक्‍नीनी।

ब्‍यवस्‍था 28:15

मिनु गे परमप्रभु यावे, इन परमप्रभु आ देंशो मटीब दुम्‍तीनी हना, मुलाक्‍ती गो इन कली माइश्‍शो आ शेंशो नु आ फुल्‍लुम मुशा ब्रेक्‍शो लोव़ नेल्‍ल होस पा मपाइतीनी हना, एको सराप चीले नेल्‍ल राइनीनी। मिनु गेपुकी सराप रशो मुर दुम्‍नीनी। दानीएल ९:११

ब्‍यवस्‍था 28:25

मिनु परमप्रभु यावेमी इन कली इन जोरी सत्रु आन ङोंइती ब्रुपाइक्‍ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्‍चा माल्‍नीनी। मिनु राज्‍य राज्‍य ङा मुर नेल्‍ल आन ङोंइती ग्रांग्रा दिशो दुम्‍नीनी।

१ सामुएल 3:11

मिनु परमप्रभु यावेम सामुएल कली “गो इस्राएलमी रीब पा गेय का पाइनुङ। मेको आ पर्बम नेंबपुकी शुश हिंनीम।

१ सामुएल 4:2

मिनु पलिस्‍तीपुकी इस्राएली आन ङोंइती लडाइ पचा कली गारशा, बाक्‍मा बाक्‍त। मिनु लडाइ ठेयब दुम्‍शा, इस्राएलीपुकी ब्रुमा बाक्‍त। पलिस्‍तीपुकीम मेकेर ४ हजार खोइ इस्राएली सदमे बाक्‍त।