१ सामुएल 31:3 - Sunuwar Bible

³ लडाइम सावलमी थाम्‍पा श्‍येत जवा बाक्‍त। मारदे हना लिब्रा आप्‍बम मेको कली ख्रपाइश्‍शा गार सेल्‍मे बाक्‍त।

१ सामुएल 31:3 ပူးပေါင်းရင်းမြစ်များ

उत्पत्ती 49:23

ब्रा आप्‍बपुकीमी मेको कली ब्रा आप्‍तेक्‍म। मेको कली आप्‍शा, खेदा पशा, काइ मदाक्‍तेम।

२ सामुएल 1:4

मिनु दाऊदमी मेको कली “मार दुम्‍मे? आं कली देंनो” देंमाक्‍त। मिनु मेकोमी “लडाइ पाइबपुकी लडाइ रे प्रोक्‍तेक्‍म। शुश मुर साइक्‍चा पुंइसाक्‍म। मिनु सावल नु आ तौ योनाथन यो साइक्‍चा पुंइसाक्‍स” देंमाक्‍त।

२ सामुएल 1:6

मिनु मेको ठिटामी “गो गिल्‍बोआ डांडाम बाक्‍शो नङ। मेकेर सावल कली आ तूतीक तिक्‍शा राप्‍शा बाक्‍शो ताता। बग्‍गी ङोइक्‍ब नु शारा ङोइक्‍बपुकीम मेको कली थित्‍चा चिक्‍ताक्‍म। १सामुएल ३१:१-३

२ सामुएल 21:12

मेकोमी सावल नु आ तौ योनाथन आस रुश याबेश-गिलाद ङा मुर आन गुइ रे चाक्‍गा बाक्‍त। मेकोपुकीम सावल नु योनाथन आस बेक्‍शो रां बेथ-शान सहर ङा चोक रे लदमे बाक्‍त। पलिस्‍तीपुकीमी मेको आस कली गिल्‍बोआम साइश्‍शा, नोले मेकेर क्‍युक्‍शो बाक्‍मा बाक्‍त। १सामुएल ३१:१२

१ राजा 22:34

तन्‍न मुर कामी आ लिब्रा खुक्‍शा, हेंथे पा ब्रा आप्‍शा सोइक्‍ता बाक्‍त। मिनु मेको ब्रामी इस्राएल ङा पिप आ कुचु तेक्‍तीक पाता आ बोंइसेम ख्रवा बाक्‍त। मिनु पिपम आ बग्‍गी खुल्‍ब कली “बग्‍गी हिरशा लडाइ रे ग्रुंइदी। गो ठेयब गार दुम्‍शो बाक्‍नुङ” देंमाक्‍त।

आमोस 2:14

थाम्‍पा दोरबपुकी प्रोक्‍‍चा मताइनीम। मिनु बोल्‍यो मुर आन बोल जाम्‍शा लाइब। सक्ति पाइश्‍शोपुकीम यो आंम कली प्रोंइने मचाप्‍नीम।