१ सामुएल 30:3 - Sunuwar Bible

³ दाऊद नु आ मुरपुकी मेकेर जाक्‍दीम्‍मानु, सहर कली मीम क्रोइश्‍शो नु मेको आन मीश नु तमी तौ नेल्‍ल आन कली योल्‍शो तुइक्‍तमे बाक्‍त।

१ सामुएल 30:3 ပူးပေါင်းရင်းမြစ်များ

भजन संग्रह 34:19

ठीक पाइबपुकी शुश श्‍येत जाइनीम। तन्‍न परमप्रभु यावेमी मेको आन कली श्‍येत नेल्‍ल रे प्रोंइब। २कोरिन्‍थी १:५

हिब्रू 12:6

परमप्रभुमी सु कली दाक्‍बा, मेको कली सजाइ गेब। सु कली आ तौ मिम्‍बा, मेको कली तुप्‍ब” दे ब्रेक्‍शो बाक्‍ब। हितोपदेस ३:११-१२; प्रकाश ३:१९

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४

१ सामुएल 27:3

दाऊद आ लडाइ पाइब मुर, मेको आन खिं ङा मुर नु दाऊद नु आ मीश निक्‍शी, येज्रेल ङा अहीनोआम नु कारमेल ङा बेक्‍शो नाबाल आ मीश अबीगेल गाथम अकीश नु बाक्‍मा बाक्‍त। १सामुएल २५:४०-४३

१ सामुएल 30:2

मेकोपुकीम मीश मुर, आइक्‍च नु ठेयब मुर नेल्‍ल आन कली मसाइक्‍थु सेसीन लाइश्‍शो बाक्‍मा बाक्‍त। मेकोपुकीमी मेको आन कली ङोंइङोंइती गाक्‍पाइश्‍शा लाइक्‍ना लाइक्‍न बाक्‍मा बाक्‍त।

१ सामुएल 30:4

मिनु दाऊद नु मेको नु बाक्‍शो मुरपुकी ङाक्‍ने मचाप्‍थ्री ङाक्‍मा बाक्‍त।