१ सामुएल 30:22 - Sunuwar Bible

²² तन्‍न दाऊद नु लाइब का निक्‍शी शोर गाक्‍शो मुरपुकीम मेको आ लोव़ ख्रोइश्‍शा दाऊद कली “एको मुरपुकी गो नु मलम। गोपुकीम लशा रोइश्‍शा चाक्‍शो मार मार गो मेको आन कली योक्‍शा मगेनीकी। मेकोपुकीम आन मीश नु आन आलपुकी ला लद‍मेक्‍ल” देंमा बाक्‍त।

१ सामुएल 30:22 ပူးပေါင်းရင်းမြစ်များ

१ राजा 21:10

मिनु मरिम्‍शो पाइब मुर निक्‍शी आस कली मेको आ ङोंइती निप्‍पाइश्‍शा, एकोम ‘परमप्रभु नु पिप कली सराप पशो बाक्‍ब’ दे दोस गेपतीन। मिनु मेको नोले मेको कली लाङगा ग्रुंइशा फुल्‍लु आप्‍शा सतीन” दे ब्रेक्‍ता बाक्‍त। ब्‍यवस्‍था १७:६; मत्ती २६:५९-६१; प्रस्‍थान २२:२७

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

मत्ती 7:12

गेमी दोदेंशो पपांइसीचा दाक्‍नीनी, गे यो मुर आन कली मोदेंशो पने। मारदे हना परमप्रभु यावे आ अरेशो लोव़ नु परमप्रभु यावे आ लोव़ पाइब आन शेंतीक लोव़ मेकोन बाक्‍ब। मत्ती २२:३६-४०; रोमी १३:८-१०; गलाती ५:१४

ब्‍यवस्‍था 13:13

इन दाते रे मरिम्‍शो वोंइश मुरपुकी बोक्‍शा, सहर ङा मुर आन कली दूली पपाइश्‍शा, मेकोपुकीमी ‘लय, देवी देवता आन कली पूजा पय’ देंतेक्‍म हना, गेपुकी मेको देवी देवता गेनायो मतुइश्‍शो बाक्‍तीनी हना,

न्‍यायाधीस 19:22

मेकोपुकी ग्‍येरसीशा बाक्‍शो बाक्‍मानु, सहर ङा मरिम्‍शो मुरपुकीमी मेको खिं कली दि दा रे पा पुम्दमे बाक्‍त। मिनु खिं ङा लाप्‍चो कली ख्रोकोल पना पन “इ खिंमी ओव़ब मुर कली लाङगा ग्रुंइदो। गोपुकी मेको नु इप्‍नीकी” दे ग्रीमा बाक्‍त। उत्‍पत्ती १९:५-८

१ सामुएल 22:2

श्‍येत जशो, जेर दुम्‍शो नु आन थुं मनुशो मुरपुकी मेको आ बाक्‍तीकेम जाक्‍मा बाक्‍त। मिनु दाऊद मेको आन कप्‍तान दुम्‍माक्‍त। मेकोपुकी ४ सहे खोइ बाक्‍मा बाक्‍त। न्‍यायाधीस ११:३

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।

१ सामुएल 25:25

आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।

१ सामुएल 30:21

नोले दाऊदम बेसोर ङा खोल्‍साम नाइश्‍शा बाक्‍शो सहे निक्‍शी मुर आन बाक्‍तीक जाक्‍माक्‍त। मेकोपुकी दाऊद कली नु मेको आ मुर आन कली ग्रुम्‍थ जाक्‍मा बाक्‍त। मिनु दाऊदम मेको नेल्‍ल आन कली “मार दुम्‍मे? दोपा बाक्‍नी” दे हिल्‍लो पवा बाक्‍त।

१ सामुएल 30:23

मिनु दाऊदमी मेको आन कली “परमप्रभु यावेम इं कली प्रोंइतु। एको नेल्‍ल गेप्‍तु। इं जोरी सत्रु आन कली इं गुइमी गेप्‍तु।