१ सामुएल 30:20 - Sunuwar Bible

²⁰ दाऊद नु आ मुरपुकीम मेकोपुकीम ङोंइती रोइश्‍शो क्‍यारश भेडा, बी ब्‍यफ नेल्‍ल आन कली लदमे बाक्‍त। मिनु “एको नेल्‍ल दाऊद के बाक्‍ब” देंमा बाक्‍त।

१ सामुएल 30:20 ပူးပေါင်းရင်းမြစ်များ

२ इतिहास 14:15

मेकोपुकीमी ताम्‍बुम बाक्‍शो बस्‍तु भाव थुल्‍ब आन कली यो खेदा पा मेको आन शुश क्‍यारश भेडा दलओंठ रोइश्‍शा, यरूसलेम लेम्‍मा बाक्‍त।

२ इतिहास 20:25

मिनु येहो-शाफात नु आ मुरपुकी मार मार रोइक्‍थ जाक्‍मा बाक्‍त देंशा हना, मार मार वासी, सुन चांदी के शोंप मार मार थोव़क थित्‍मे आंम कली कुरने मचाप्‍चा ङा पा रोइक्‍तमे बाक्‍त। मिनु मेको आन बस्‍तु भाव यो लदमे बाक्‍त। मेकोपुकीम नाक्‍त सां सम्‍म मेको रोइश्‍शो मार मार खुप्‍तमे बाक्‍त। मारदे हना मेको थम शुश बाक्‍माक्‍त।

यसैया 53:12

मोपतीके गो मेको कली ठेयब नु सक्ति पाइश्‍शो नु वोइक्‍नुङ। मेकोमी बोल्‍यो मुर नु मार मार योक्‍सीब। मारदे हना मेको साइक्‍ब नु मरिम्‍शो मुरपुकी नु हिक्‍सीचा पुंइसाक्‍व। शुश पापी आन पाप कुरतु। मिनु हेंथे गाक्‍ब मुर आन पर्बम परमप्रभु यावे कली पुंइतु। मर्कूस १५:२८; लूका २२:३७; लूका २३:३३-३४

रोमी 8:37

मो दुम्‍त हना यो, मारेइ पने मचाप्‍नीम, मारदे हना येसु ख्रीस्‍तमी इं कली दाक्‍शा, गेनायो मप्रोंइब। मोपतीके सिक्‍सी पा ग्रानय। १यूहन्‍ना ५:४

१ सामुएल 30:21

नोले दाऊदम बेसोर ङा खोल्‍साम नाइश्‍शा बाक्‍शो सहे निक्‍शी मुर आन बाक्‍तीक जाक्‍माक्‍त। मेकोपुकी दाऊद कली नु मेको आ मुर आन कली ग्रुम्‍थ जाक्‍मा बाक्‍त। मिनु दाऊदम मेको नेल्‍ल आन कली “मार दुम्‍मे? दोपा बाक्‍नी” दे हिल्‍लो पवा बाक्‍त।

१ सामुएल 30:26

मिनु दाऊद सिकलागम जाक्‍शा, रोइश्‍शो मार मार रे यहूदा ङा आ वारच खाल्‍पा आन कली “परमप्रभु यावे आ जोरी सत्रु रे रोइश्‍शो मार मार एको इन कली कोसेली बाक्‍ब” देंशा, सोइक्‍ता बाक्‍त।