१ सामुएल 30:17 - Sunuwar Bible

¹⁷ मिनु दाऊदम मेको आन कली सुनी रे आ दीसा नाक्‍दो सम्‍म नेल्‍ल साइक्‍मी बाक्‍त। ४ सहे ठिटा मुर ला दल‍ओंठ ङोइश्‍शा प्रोक्‍मा बाक्‍त।

१ सामुएल 30:17 ပူးပေါင်းရင်းမြစ်များ

२ सामुएल 1:1

सावल बेक्‍म नोले दाऊदम अमालेकी आन कली खेदा पशा, लेश्‍शा नाक्‍त निक्‍शी सिक‍ला‍ग सहरम बाक्‍शो बाक्‍माक्‍त। १सामुएल ३०:२६

२ सामुएल 8:12

एदोम, मोआब, अम्‍मोन पलिस्‍ती नु अमालेक रे चाक्‍शो सुन चांदी, सोबाह सहर ङा रेहोब आ तौ पिप हादादेजेर रे रोइश्‍शो मारेइ मारेइ परमप्रभु यावे कली गेवा बाक्‍त।

२ राजा 7:5

मिनु मेकोपुकी नाक्‍नाक्‍दो बोक्‍शा अरामी आन बाक्‍तीक गे लमा बाक्‍त। मिनु मेकोपुकी अरामी आन बाक्‍तीक आ नेक्‍था जाक्‍मानु, सुइ आन कली मतामे बाक्‍त।

१ इतिहास 4:43

मेकोपुकीम प्रोक्‍शा लीशो अमालेकी नेल्‍ल आन कली साइश्‍शो बाक्‍मा बाक्‍त। मिनु सिमियोन आ थर ङा मुर मुल सम्‍म मेक उइ बाक्‍शो बाक्‍नीम। १सामुएल १५:३-८

भजन संग्रह 18:42

मिनु गो मेको आन कली फशेम बेरपाइश्‍शो फुरक खोदेंशो पा फस सेल्‍तामी। गो मेको आन कली लां ङा ग्रांग्रा खोदेंशो पा ताइक्‍‍ताक्‍ङमी।

येरमीया 41:15

तन्‍न नेथन्‍याह आ तौ इश्‍माएल नु ८ जना अरु मुर योहानान रे प्रोक्‍शा अम्‍मोनी आन रागी लाम्‍तेक्‍म।

न्‍यायाधीस 4:16

मिनु बाराकमी बग्‍गीपुकी नु लडाइ पाइब आन कली हरोशेथ-हा-गोयीम सम्‍म खेदा पा, सीसेरा आ लडाइ पाइब नेल्‍ल आन कली तरवारमी क्‍योरशा सदा बाक्‍त। का यो ब्रोंइचा मतामे बाक्‍त।

न्‍यायाधीस 7:12

मेको मिदयानी, अमालेकी नु पूर्ब ङा थर ङा मुर नेल्‍ल शुश सल्‍हा माले खोदेंशो पा दिंममी बाक्‍शो बाक्‍मा बाक्‍त। मेको आन दलओंठ ठेयब समुन्‍द्र ङा बाल्‍वा खोदेंशो हिक्‍ने मचाप्‍चा ङा पा शुश बाक्‍मा बाक्‍त।

१ सामुएल 11:11

मिनु आ दीसा सावलमी आ मुर आन कली हुल सां सेल्‍मी बाक्‍त। सुनी कना रिम्‍शो पा हाम्‍सो मदुम्‍थु, मेको आन जोरी सत्रु आन बाक्‍तीके ओव़शा, नाक्‍ती उइक्‍थ दुम सम्‍म लडाइ पा अम्‍मोनी आन कली फ्रूमे बाक्‍त। मोपा मुरपुकी निक्‍शी सम्‍म काथा मदुम्‍चा ङा पा ब्रा‍शा प्रोक्‍मा बाक्‍त।

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।