१ सामुएल 30:1 - Sunuwar Bible

¹ मिनु लेम्‍मा आ नित्‍थ नाक्‍ती सिकलाग जाक्‍दीम्‍मा बाक्‍त। मेना अमालेकीपुकीमी नेगेब रोइक्‍ने थुम्‍शा, सिकलागम लडाइ तोशा मी सुइश्‍शो बाक्‍मा बाक्‍त। १सामुएल २७:६

१ सामुएल 30:1 ပူးပေါင်းရင်းမြစ်များ

उत्पत्ती 24:62

मिनु इसहाक बेयर-लहाइ-रोइ माइश्‍शो ब्‍वाक्‍कु बुक्‍तीके रे पिमाक्‍त। मारदे हना दक्‍खिन रागी नेगेबम बाक्‍शो बाक्‍माक्‍त। उत्‍पत्ती १६:१४; उत्‍पत्ती २५:११

२ सामुएल 1:1

सावल बेक्‍म नोले दाऊदम अमालेकी आन कली खेदा पशा, लेश्‍शा नाक्‍त निक्‍शी सिक‍ला‍ग सहरम बाक्‍शो बाक्‍माक्‍त। १सामुएल ३०:२६

२ सामुएल 1:2

मिनु आ नित्‍थ नाक्‍ती, आ वा खाक्‍शो नु पियाम खप फुंइसीशो मुर का सावल आ बाक्‍तीक रे जाक्‍माक्‍त। मिनु मेको दाऊद आ बाक्‍तीक जाक्‍शा, मेको आ ङोंइती खुम्‍की पा बाम्‍‍माक्‍त।

२ सामुएल 1:8

मिनु मेकोमी ‘गे सु नवे’ दे हिल्‍लो पती। मिनु ‘गो अमालेकी का नङ’ देंती।

२ सामुएल 15:18

मिनु पिप आ ठेयब गेय पाइब, केरेथी नु पेलेथी नेल्‍ल, गाथ सहर रे जाक्‍शो ६ सहे गित्त आ खिं ङा नु मुर नेल्‍ल पिप आ ङोंइती लाक्‍गमे बाक्‍त। २सामुएल ८:१८; १सामुएल २७:२

१ इतिहास 12:21

मिनु मेकोपुकीमी दाऊद कली मार मार रोइक्‍ब आन पर्बम लडाइ पचा कली वारच पाइश्‍शो बाक्‍मा बाक्‍त। मारदे हना, मेको नेल्‍ल लडाइ पाइब नु कप्‍तान बाक्‍मा बाक्‍त।

१ इतिहास 12:22

थमा पा नाक्‍त किंत किंत दाऊद आ बाक्‍तीके अर्को लडाइ पाइब वारच पथ जाक्‍मा बाक्‍त। नोले परमप्रभु आ फौज खोदेंशो शुश दुम्‍मा बाक्‍त।

येरमीया 41:12

मिनु मेको नेल्‍लेम आन मुर नेल्‍ल आन कली लाइश्‍शा नेथन्‍याह आ तौ इश्‍माएल नु लडाइ पथ गाक्‍तेक्‍म। मिनु मेकोपुकीमी मेको कली गिबोन ङा ठेयब दोम्‍ली आ नेक्‍था थित्‍तेक्‍म। २सामुएल २:१३

यहोसु 11:6

मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।

यहोसु 15:31

सिकलाग, मदमन्‍ना नु सन्‍सन्‍ना,

१ सामुएल 15:7

मिनु सावलमी हवीलाह रे इजीप्‍त ङा पूर्ब ङा सांद शुर सम्‍म ङा अमालेकी आन कली साइक्‍मी बाक्‍त।

१ सामुएल 15:8

तन्‍न मेकोमी अमालेकी आन पिप अगाग कली सेसीन ग्‍याइक्‍ता बाक्‍त। अरु नेल्‍ल आन कली तरवारम सदमे बाक्‍त।

१ सामुएल 27:6

मिनु मेको नाक्‍ती अकीशम मेको कली सिकलाग गेवा बाक्‍त। मोपतीके मुल सम्‍म सिकलाग यहूदा ङा पिप आन के बाक्‍ब। यहोसु १५:३१

१ सामुएल 29:10

मोपतीके दीसा सुनी कना बोक्‍शा, गे नु इ नोले खोइक्‍ब मुरपुकी आं गेशो सहरम लेतीन। दीसा सुनी कना बोक्‍कीन। मिनु नां सोव़म चोटीन लने” देंमाक्‍त।

१ सामुएल 29:11

मोपतीके दाऊद नु आ मुरपुकी पलिस्‍ती आन रागी लेत्‍चा कली सुनी कना बोक्‍मा बाक्‍त। पलिस्‍तीपुकी चहिं येज्रेल ङा लां खोदमे बाक्‍त।

१ सामुएल 29:4

तन्‍न पलिस्‍ती आन ठेयब मुरपुकी गाइश्‍शा, अकीश कली “मेको मुर कली इन गेशो आ बाक्‍तीकेम सोइक्‍तीन। मेकोम आंइ कली वारच पा लडाइ मपवल। मो पाप्‍तु हना, मेकोम आंइ कली वारच प‍खु पा मरिम्‍शो पाइब। आंइ कली साइश्‍शा आ प्रभु आ शिशी तचा मेको कली नेल्‍ल क्‍येङा रिम्‍शो बाक्‍ब।

१ सामुएल 30:14

गो यहूदा रागी ङा केरेथी आन नेगेब ङा मारेइ मारेइ नु कालेब आ नेगेब तेइ तेइ रोइक्‍ताक्‍क। मिनु सिकलाग सहरम मी सुइक्‍ताक्‍क” देंमाक्‍त। २सामुएल ८:१८; यहोसु १४:१३