१ सामुएल 3:7 - Sunuwar Bible

⁷ मेना सम्‍म सामुएलम परमप्रभु यावे कली मतुइश्‍शो बाक्‍माक्‍त। परमप्रभु यावे आ लोव़ मेको कली मतुइक्‍पाइश्‍शो बाक्‍माक्‍त।

१ सामुएल 3:7 ပူးပေါင်းရင်းမြစ်များ

येरमीया 9:24

तन्‍न सु ठेयब लेत्‍नीमी, मेकोपुकीम ‘गो परमप्रभु यावे कली तुइक्‍नुङ’ देंमल ‘मेको थमा पा परमप्रभु यावे बाक्‍ब, दे तुइक्‍नुङ, दे नें बोरपाइक्‍ने चाप्‍नीम। परमप्रभु यावेमी रागी कली शिशी पाइब, ठीक निसाफ नु ठीक पाइब बाक्‍ब’ देंमल। मारदे हना मेको आं दाक्‍शो बाक्‍ब, दे ग्‍येरसीनुङ” दे परमप्रभु यावेम देंत। १कोरिन्‍थी १:३१; २कोरिन्‍थी १०:१७

प्रेरित 19:2

मिनु पावलमी मेको आन कली “गेपुकीमी थमा सुइक्‍ब दुम्‍नीनु, परमप्रभु यावे आ सोक्‍तीम प्रिंचा पुंइसीनी?” दे हिल्‍लो पवानु “ममाइ, गो परमप्रभु यावे आ सोक्‍त मतुइक्‍नीकी। मेको आ पर्बम मनेंशो यो बाक्‍नीक” देंमा बाक्‍त। प्रेरित २:३८

१ कोरिन्‍थी 13:11

गो आल बाक्‍ङानु, आलम ब्‍वाक्‍स पा ब्‍वाक्‍ती। आलम मिम्‍स पा मिम्‍ताक्‍ङ। आलम पस पा पाता। मिनु कोल्‍शा ठेयब दुम्‍शा, आलम खोदेंशो मपङ।

१ सामुएल 3:6

मिनु परमप्रभु यावेम लेंशा “सामुएल” दे ब्रेम्‍माक्‍त। मिनु मेको बोक्‍शा एली आ बाक्‍तीक लमाक्‍त। मिनु मेकोमी “गो एक बाक्‍ती। गे आं कली ब्रेत्‍ताक्‍यीनी” देंमाक्‍त। मिनु एलीमी “आं तौ, गो इ कली मब्रेत्‍तन। लावो। इपो” दे मदा बाक्‍त।

१ सामुएल 3:8

मिनु परमप्रभु यावेमी मेको कली सां खेयप ब्रेम्‍माक्‍त। मिनु मेको लेंशा एली आ बाक्‍तीक लशा “गो एक बाक्‍ती। गे आं कली ब्रेत्‍ताक्‍यीनी” देंमाक्‍त। मेना एलीमी “परमप्रभु यावेम एको आल कली ब्रेत्‍ता बाक्‍त” दे तुइक्‍ता बाक्‍त।