१ सामुएल 3:21 - Sunuwar Bible

²¹ मिनु परमप्रभु यावेमी शिलोम आंम कली तुइक्‍पांइसीन सीन बाक्‍माक्‍त। मारदे हना परमप्रभु यावेमी सामुएल कली आ लोव़ नेंपदा बाक्‍त।

१ सामुएल 3:21 ပူးပေါင်းရင်းမြစ်များ

उत्पत्ती 12:7

मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

येरमीया 41:5

शेकेम, शिलो नु सामरीया रे आन गाल शोक्रे प्रेक्‍‍शो, आन वा खाक्‍शो नु आन रां चेश्‍शो ८० जना मुरपुकी परमप्रभु यावे आ खिंम अन्‍न चढ़ेचा कली नु धूप चोचा कली जाक्‍तेक्‍म। येरमीया १६:६

आमोस 3:7

थमा पा, परमप्रभु यावेमी आ लोव़ पाइब आन कली मदेंथु, मारेइ मपाइब। उत्‍पत्ती १८:१७

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

ब्‍यवस्‍था 29:10

मिनु गे नेल्‍ल परमप्रभु यावे, इन परमप्रभु आ ङोंइती राप्‍शो बाक्‍नीनी। इन थर थर ङा ठेयब मुरपुकी, इन खाल्‍पापुकी, ससान पाइबपुकी नु इस्राएली नेल्‍ल,

हिब्रू 1:1

साइ नेसी परमप्रभु यावेमी आ लोव़ पाइब आन कली मार मार पपाइश्‍शा नु कोंइशा, इं किकी पिपी नु लोव़ पाइबाक्‍माक्‍त।

१ सामुएल 10:19

तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७

१ सामुएल 3:1

मिनु सामुएल एली आ देंशो टिशा, परमप्रभु यावे आ गेय पना पन बाक्‍माक्‍त। मेना परमप्रभु यावे आ लोव़ शुश मनेंसीबाक्‍माक्‍त। मिनु ततीक यो शुश मतांइसीबाक्‍माक्‍त। आमोस ८:११

१ सामुएल 3:10

मिनु परमप्रभु यावे मेकेर जाक्‍शा, राप्‍शा, ङोंइती ङा खोदेंशो पा “सामुएल, सामुएल” दे ब्रेम्‍माक्‍त। मिनु सामुएलमी “देनीन, इन गेय पाइबम नेंशो बाक्‍नुङ” देंमाक्‍त।

१ सामुएल 3:4

मिनु परमप्रभु यावेमी “सामुएल, सामुएल” दे ब्रेत्‍ता बाक्‍त। मिनु सामुएलम “गो एक बाक्‍ती” देंमाक्‍त।

१ सामुएल 9:15

मिनु परमप्रभु यावेमी सावल आ जाक्‍चा क्‍येङा नाक्‍त का ङोंइती सामुएल कली आ मिम्‍शो लोव़ तुइक्‍पाइश्‍शो बाक्‍माक्‍त।