१ सामुएल 3:20 - Sunuwar Bible

²⁰ मिनु दान रे बेयर-शेबा सम्‍म ङा इस्राएली नेल्‍लेमी सामुएल परमप्रभु यावे आ लोव़ पाइब दुम्‍माक्‍त, दे तुइक्‍तमे बाक्‍त।

१ सामुएल 3:20 ပူးပေါင်းရင်းမြစ်များ

२ सामुएल 17:11

आं अर्ती चहिं मार बाक्‍ब देंशा हना, दान रे बेयर-शेबा सम्‍म ङा इस्राएली नेल्‍ल आन कली खुप्‍चा माल्‍नीम। मेको समुन्‍द्र ङा बाल्‍वा खोदेंशो पा शुश बाक्‍नीम। मिनु गे मोदेंशो पा लडाइ पथ लने।

२ सामुएल 3:10

‘सावल आ खिं ङा मुर आन राज्‍य रोइ‍क्‍चा नु दाऊद कली इस्राएल यहूदा नु दान रे बेयर-शेबा सम्‍म सासन पपाइक्‍‍नुङ’ दे परमप्रभु यावेमी देंशो बाक्‍ब” दे आब्‍नेरम इश-बोशेथ कली देंमाक्‍त।

१ राजा 4:25

सोलोमन बाक्‍म सम्‍म दान रे बेयर-शेबा सम्‍म यहूदा नु इस्राएल रिम्‍शो दुम्‍शा बाक्‍‍सा बाक्‍त। मुर नेल्‍ल आंम आंम अङगुर नु फोव़शी जशा बाक्‍मा बाक्‍त। लेवी २५:१८

इजीकीएल 33:33

मेको नेल्‍ल थमा दुम्‍ब। मेको थमा पा थमा दुम्‍ब। मेना मेकोपुकीम आन दातेम परमप्रभु यावे आ लोव़ पाइब का जाक्‍शो बाक्‍माक्‍त, दे तुइक्‍नीम” देंत। इजीकीएल २:५

आमोस 2:11

गो इन वोंइश आल आन दाते ङा का निक्‍शी आन कली आं लोव़ पाइब सेल्‍‍चा कली कोल्‍पाइक्‍तामी। इन तौ आन दाते ङा का निक्‍शी आन कली नाजिरी दुम्‍पाइक्‍चा कली कोल्‍पाइक्‍तामी। ए इस्राएल ङा मुरपुकी, मार एको लोव़ थमा ममाइ ङा?” दे परमप्रभु यावेमी देंत। गन्‍ती ६:२-१३

प्रेरित 13:20

मोपा ४ सहे ५० बर्स बाक्‍शा नोले निसाफ पाइब योव़शा वोदा बाक्‍त। नोले परमप्रभु यावे आ लोव़ पाइब सामुएल कली अधिकार गेवा बाक्‍त। न्‍यायाधीस २:१६; १सामुएल ३:२०

ब्‍यवस्‍था 18:21

मिनु गे इन थुंमी “परमप्रभु यावे आ लोव़ बाक्‍बा देय मबाक्‍बा मेको दोपा तुइक्‍नय?” दे मिम्‍ताक्‍नी हना,

१ तिमोथी 1:12

एको लोव़ शेंचा कली बोल गेब इं प्रभु ख्रीस्‍त येसु कली “गे रिम्‍शो पाइब बाक्‍नीनी” देंनुङ। मारदे हना ख्रीस्‍त येसुमी आं पर्बम “थमा सुइक्‍चा ङा मुर बाक्‍ब” दे आ गेय पाइब सेल्‍ती। प्रेरित ९:१५; १कोरिन्‍थी १५:९-१०; गलाती १:१३-१६

न्‍यायाधीस 20:1

मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५

१ सामुएल 12:11

मिनु परमप्रभु यावेमी येरूब-बाल, बाराक, येफ्ता नु सामुएल आन कली सोइक्‍ता बाक्‍त। मिनु मेकोपुकीमी इन एर ओंथ बाक्‍शो जोरी सत्रु रे प्रोन्‍मे बाक्‍त। मिनु गेपुकी थुं नाइश्‍शा, मारेइ मदुम्‍थु बाक्‍चा तशो बाक्‍तीनी। न्‍यायाधीस ६:१४, ३२; न्‍यायाधीस ४:६; न्‍यायाधीस ११:२९; १सामुएल ७:३