१ सामुएल 3:18 - Sunuwar Bible

¹⁸ मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६

१ सामुएल 3:18 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

२ सामुएल 10:12

सक्ति पाइश्‍शो बोल्‍यो दुमीन। गो आंम मुरपुकी नु आंम परमप्रभु आ सहर आ पर्बम महिंथु, लडाइ पय। मिनु परमप्रभु यावेमी आ दाक्‍‍शो पवल” देंमाक्‍त।

२ सामुएल 15:26

तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।

२ राजा 20:19

मिनु हिज्‍कीयाहम यसैया कली “इन देंशो परमप्रभु यावे आ लोव़ रिम्‍शोन बाक्‍ब” देंमाक्‍त। मारदे हना मेकोमी “आं पाला सम्‍म थुं नाइश्‍शा बाक्‍तीक दुम्‍ब” दे मिम्‍ता बाक्‍त। २राजा २२:२०

१ इतिहास 19:13

सक्ति पाइश्‍शो दुमीन। गोपुकी आंम जात नु इं परमप्रभु आ सहर आ पर्बम महिंथु, लडाइ पय। परमप्रभु यावेम मार मिम्‍शो बाक्‍बा, मेको पाइब” देंमाक्‍त।

अय्‍युब 1:21

“गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

भजन संग्रह 39:9

गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।

प्रस्‍थान 34:5

मिनु परमप्रभु यावे गोस्‍स आगाम बाक्‍शा, तोंइसाक्‍व। मिनु मोसा नु राप्‍शा आ नें देंना देंन गाक्‍त।

यसैया 39:8

मिनु हिज्‍कीयाहमी यसैया कली “इ देंशो परमप्रभु यावे आ लोव़ रिम्‍शो बाक्‍ब” देंत। मारदे हना मेकोम “गो ब्रोंइङा सम्‍म लडाइ मदुम्‍ब रिम्‍शो दुम्‍ब” दे मिम्‍शो बाक्‍माक्‍त।

येरमीया 34:6

मिनु येरमीयामी मेको लोव़ नेल्‍ल यरूसलेममी यहूदा ङा पिप सिदकीयाह कली देंत।

येरमीया 38:14

मिनु पिप सिदकीयाहम परमप्रभु यावे आ लोव़ पाइब येरमीया कली ब्रेत्‍थ सोइक्‍ताक्‍व। मिनु परमप्रभु यावे आ खिं ङा निक्‍शी लाप्‍चो नोले ङा ठेयब लाप्‍चो आ ङोंइती चाक्‍पाइक्‍तीमी। मिनु पिपम येरमीया कली “गो इ कली लोव़ का निक्‍शी हिल्‍लो पाइनुङ। आं ङोंइती गे मारेइ लोव़ मख्रुइक्‍तो” दे माइक्‍तु।

येरमीया 42:4

मिनु परमप्रभु यावे आ लोव़ पाइब येरमीयामी मेको आन कली “दुम्‍ब। गो इन पर्बम इन देंशो खोदेंशो पा परमप्रभु यावे इन परमप्रभु कली पुंइनुङ। मिनु परमप्रभु यावेम मार देंमे, मेको नेल्‍ल इन कली शेंनुङ। गो इन ङोंइती मारेइ लोव़ मख्रुइक्‍नुङ” देंत।

बिलाप 3:39

मारदे मुरुमी आंम पाप आन पर्बम सजाइ तामेनु, गन गन पाइनीमी?

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

१ पत्रुस 5:6

मोपतीके गेपुकीमी “नेल्‍ल सक्ति परमप्रभु यावे केन बाक्‍ब” दे आ देंशो लोव़ ब्रेम्‍शो थुंमी ठीक पा टिने। मो पाइतीनी हना, परमप्रभु यावेमी आ मिम्‍ची ना इन कली ठेयब सेल्‍ब। याकूब ४:६

न्‍यायाधीस 10:15

तन्‍न इस्राएलीपुकीमी परमप्रभु यावे कली “गोपुकीमी पाप पाइतक। मोपतीके गे आंइ कली मार पचा दाक्‍नीनी, मेको पन। तन्‍न मुल आंइ कली प्रोनीन” दे पुन्‍मे बाक्‍त।