१ सामुएल 29:6 - Sunuwar Bible

⁶ मिनु अकीशमी दाऊद कली ब्रेश्‍शा “परमप्रभु यावे ब्रोंइशा बाक्‍शो खोदेंशो पा, गे थमा सुइक्‍चा पुंइसीब मुर बाक्‍नेवे। मिनु गे गो नु लडाइ पचा कली आं कली ठीक बाक्‍ब। मारदे हना इ जाक्शो रे मुल सम्‍म गेम मारेइ मरिम्‍शो पशो मतङ। तन्‍न मेको कप्‍तानपुकीमी इ कली थमा मसुइक्‍नीम।

१ सामुएल 29:6 ပူးပေါင်းရင်းမြစ်များ

उत्पत्ती 16:6

मिनु अब्राममी “नेनो, इ वाइलीम इ गुइमी बाक्‍ब। मेको कली इ दाक्‍शो पावो” दे साराइ कली देंमाक्‍त। मिनु साराइमी हागार कली हुइक्‍तानु, मेको प्रोक्‍माक्‍त।

२ सामुएल 3:25

गे नेर आ तौ आब्‍नेर कली तुइक्‍नीनी। मेकोम इन कली जोल पा इन पर्बम रुप्‍चा कली नु गे मार पा बाक्‍नी, मेको तुइक्‍चा कली जाक्‍शो बाक्‍ब” देंमाक्‍त।

२ राजा 19:27

गो इ बाक्‍शो बोक्‍शो नेल्‍ल तुइक्‍नुङ। गो इ लाङगा खिंङगा पशो नेल्‍ल तुइक्‍नुङ। मिनु आं पर्बम इ गाइश्‍शो तुइक्‍नुङ।

भजन संग्रह 121:8

परमप्रभु यावेमी गे लाङगा खिंङगा पवीनु यो इ कली खाल पाइब। मुल रे गेना हना यो मो पाइब। ब्‍यवस्‍था २८:६

यसैया 37:28

गो इ बोक्‍शो, इ निश्‍शो नेल्‍ल तुइक्‍नुङ। इ लशो, पिशो तुइक्‍नुङ। मिनु गे आं पर्बम गाइक्‍ताक्‍वी।

यसैया 65:16

मिनु सु सुम रागीमी आसीक पुंइनीमी, मेकोपुकी थमा सुइक्‍चा पुंइसीब परमप्रभु आ नेंमी आसीक ताइनीम। मिनु रागीमी सु सुमी कसम जाइनीमी, मेकोपुकीमी थमा सुइक्‍चा पुंइसीब परमप्रभु आ नेंमी कसम जाइनीमी। मारदे हना ङोंइती ङा श्‍येत नुप्‍शा, प्रेंने थुम्‍शो बाक्‍नीम। मिनु आं ङोंइती रे ख्रुंइसीशो बाक्‍नीम। यसैया १९:१८; येरमीया ४:२

येरमीया 12:16

मिनु मेकोपुकीमी मोपा बाल आ नेंम कसम जाम्‍तेक्‍म, मोपा आं मुर आन लां थमा पा शेंताक्‍म हना, मेकोपुकीम परमप्रभु यावे ब्रोंइशा बाक्‍शो खोदेंशो पा, आं नेंम कसम जाइनीम। आं मुर आन पतीके रिम्‍शो पा शेंसाक्‍म हना, मेकोपुकी आं मुर आन दातेमी बाक्‍चा ताइनीम। ब्‍यवस्‍था ६:१८; येरमीया ४:२

गन्‍ती 27:17

मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

मत्ती 5:16

मेको ब्रशो बत्ती खोदेंशो पा गेमी इन रिम्‍शो गेय रे पा इन छेङछेङ मुर आन कली कोंइदीने। मिनु इन रिम्‍शो पशो तशा, स्‍वर्गमी बाक्‍ब इन आफ कली ठेयब सुइश्‍शा मान पाइनीम। फि‍लिप्‍पी २:१४-१५; यूहन्‍ना १५:८; एफिसी ५:८-९

ब्‍यवस्‍था 10:20

गेपुकीमी परमप्रभु यावे, इन परमप्रभु कली मान पा हिंचा माल्‍नीनी। मेको आ गेय पचा माल्‍नीनी। मेको आ नोले खोइश्‍शा, आ नेंमी कसम जचा माल्‍नीनी।

यहोसु 22:30

मिनु चढ़ेब फिनेहास, मेको नु बाक्‍ब इस्राएली आन ठेयब मुरपुकी नु थर थर ङा ठेयब मुरपुकीमी रूबेन आ थर, गाद आ थर नु मनस्‍से आ उइक्‍थ थर आन लोव़ नेंशा ग्‍येरसाक्‍म।

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६

१ सामुएल 20:3

मिनु दाऊदमी “गे आं कली दाक्‍नीनी, दे इन आफोम तुइक्‍ब। मेकोमी ‘योनाथनम मतुइक्‍तल। तुइक्‍ताक्‍व हना, आ थुं खाइक्‍ब’ दे मिम्‍शो बाक्‍ब। थमा पा, परमप्रभु यावे ब्रोंइशा बाक्‍शो खोदेंशो पा बेक्‍तीक आं नेक्‍था बाक्‍त” दे कसम जवा बाक्‍त।

१ सामुएल 28:10

मिनु सावलमी परमप्रभु यावे आ नेंम कसम जशा, मेको कली “परमप्रभु यावे ब्रोंइशा बाक्‍शो खोदेंशो पा, गे एको गेय आ पर्बम मारेइ सजाइ मताइनीनी” देंमाक्‍त।

१ सामुएल 29:3

मिनु पलिस्‍ती आन ठेयब मुरपुकीम “एको हिब्रूपुकी मारदे पिमा?” देंमा बाक्‍त। मिनु अकीशमी “एको इस्राएल ङा सावल आ गेय पाइब दाऊद बाक्‍ब। एको गो नु बर्स का क्‍येङा यो शुश बाक्‍त। एको गो नु बाक्‍म रे मारेइ मरिम्‍शो मतङ” देंमाक्‍त। १सामुएल २७:७

१ सामुएल 29:7

मोपतीके गे रिम्‍शो पा लेश्‍शा खिं लावो। मेको पलिस्‍ती आन ठेयब मुर आन मिम्‍शो खोदेंशो पा मरिम्‍शो मपावो” देंमाक्‍त।

१ सामुएल 5:8

मोपतीके मेकोपुकीम पलिस्‍ती आन ठेयब मुर आन कली ब्रेश्‍शा खुप्‍शा “गो इस्राएली आन परमप्रभु आ कबल पशो सन्‍दोस मार पय?” दे हिल्‍लो पामे बाक्‍त। मिनु मेकोपुकीमी “परमप्रभु आ कबल पशो सन्‍दोस गाथ सहरम लतीन” देंमा बाक्‍त। मिनु मेकोपुकीम इस्राएली आन परमप्रभु आ सन्‍दोस गाथम चाक्गमे बाक्‍त। यहोसु ११:२२