१ सामुएल 28:23 - Sunuwar Bible

²³ मिनु सावलमी “गो मजाइनुङ” देंमाक्‍त। तन्‍न आ गेय पाइबमी यो मेको मीश मुर आ देंशो लोव़मी लोव़ तेम्‍दा बाक्‍त। मिनु मेको आन देंशो लोव़ बिश्‍शा, खप रे बोक्‍शा, खाटम निस्‍से बाक्‍त।

१ सामुएल 28:23 ပူးပေါင်းရင်းမြစ်များ

१ राजा 21:4

मोपतीके आहाब आ थुं खुरसीशा गाइश्‍शा आ खिं लमाक्‍त। मारदे हना येज्रेली नाबोथमी “आं किकी पिपी आन गेशो रू इन कली मगेनुङ” देंशो बाक्‍माक्‍त। मिनु मेको आ कुल किरशा आ ब्राख्‍येम इप्‍शा बाक्‍माक्‍त। जने यो मबिस्‍से बाक्‍त।

२ राजा 4:8

काबु नाक्‍ती एलीशा शुनेम सहर लमाक्‍त। मेकेर शुश शोंप पाइश्‍शो मीश मुर का बाक्‍माक्‍त। मिनु मेकोम एलीशा कली जथ तूथ ब्रेत्‍ता बाक्‍त। मिनु एलीशा मेको मेर गाक्‍मेनु, जथ तूथ ओव़बाक्‍माक्‍त। यहोसु १९:१८

२ राजा 5:13

तन्‍न नामान आ गेय पाइबपुकी जाक्‍शा मेको कली “ए, आंइ आ‍फ, मार परमप्रभु यावे आ लोव़ पाइबमी इन कली ‘श्‍येत ङा गेय का पने’ देंशो हना, गे मेको मपाइ‍नीनी ङा? मेकोमी इन कली ‘ब्‍वाक्‍कुम चिक्‍शा ग्रांग्रा मदिशो दुमीन’ देंमेनु, मेको मारदे मपाइनीनी?” देंमा बाक्‍त।

एस्‍तर 1:6

मिनु पिप आ दरवार नेल्‍ल दारपाइक्‍चा कली बुश नु नीलो वा क्‍याइश्‍शो बाक्‍तेक्‍म। मेको वापुकी नीलो झुम्‍का पाइश्‍शो दारशो मलमल के बाक्‍तेक्‍म। मिनु मेको वा आन कली बुश नु नीलो डोरी पाइश्‍शो, चांदी के ग्‍याइक्‍तीकेमी शुश क्‍येट लाइब बुश फुल्‍लु के थामम क्‍युक्‍शो बाक्‍तेक्‍म। मेकेर सुन नु चांदी के सेल्‍शो नित्‍तीके बाक्‍तेक्‍मे। मेको बुटा आप्‍शो शुश क्‍येट लाइब बुश, गिगी नु क्‍येर फुल्‍लुम साप्‍शो खप तारी वोइश्‍शो बाक्‍तेक्‍म।

हितोपदेस 25:20

सुमी थुं खाइश्‍शो मुर आन ङोंइती कुम्‍सो पाइबा, मेको ग्‍यूमी वा रोइश्‍शो नु गारमी हिक्‍सी ख्रेक्‍शो खोदेंशो बाक्‍ब। मिनु वा ख्रोइक्‍ब तुम्‍बु नु शी ख्रोइक्‍ब बुस्‍स खोदेंशो मेको सुर्ता पाइब मुर आ थुं बाक्‍ब।

इजीकीएल 23:41

गे आंम दारशो खाटम बाक्‍ते। मिनु मेको आ ङोंइती आं धूप नु तेल वोइक्‍तीवी।

लूका 14:23

मिनु होव़पमी ‘नित्‍तीके मब्रीम सम्‍म मुर आन कली “जाक्‍कीन है, जाक्‍कीन” दे ब्रेश्‍शा चाक्‍मी। मिनु आं खिं ब्रील।

लूका 24:29

मेको निक्‍शीमी “मुल नां रिक्‍शा ते लाइनीनी? मुलाक्‍दो काथा बाक्‍य” देंसा बाक्‍त। मिनु येसुमी “मो हना दुम्‍ब, नां यो रिक्‍त” देंमाक्‍त। न्‍यायाधीस १९:९

प्रेरित 16:15

मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।

२ कोरिन्‍थी 5:14

मारदे हना ख्रीस्‍तमी इं कली दाक्‍ब, दे शुश मिम्‍नीकी। मेको नेल्‍ल मुर आन पर्बम बेक्‍त, दे तुइश्‍शा, गो नेल्‍ल बेक्‍चा ङा मुर बाक्‍नय, दे तुइक्‍नीकी।

१ सामुएल 28:22

मोपतीके मुल गे आं लोव़ नेनीन। गो इन कली जचा थोव़क गेनुङ। बोल्‍यो दुम्‍शा इन लां गाक्चा कली मेको जने” देंमाक्‍त।