१ सामुएल 28:1 - Sunuwar Bible

¹ मेना पलिस्‍तीपुकीम इस्राएल नु लडाइ पचा, दे आन लडाइ पाइब मुर आन कली खुप्‍तमे बाक्‍त। मिनु अकीशम दाऊद कली “गे नु इ मुरपुकी लडाइ पचा कली गो नु लडाइ पतीकेम लचा माल्‍नीनी। देंशो लोव़ तुइश्‍शो बाक्‍ङे माइ” देंमाक्‍त।

१ सामुएल 28:1 ပူးပေါင်းရင်းမြစ်များ

१ सामुएल 13:5

मिनु पलिस्‍तीपुकी इस्राएली नु लडाइ पचा कली बुक्‍मा बाक्‍त। मेकोपुकी नु ३० हजार बग्‍गी, ६ हजार शारा ङोइक्‍बपुकी नु समुन्‍द्र ङा बाल्‍वा खोदेंशो पा हिक्‍ने मचाप्‍चा ङा पा खोइलीम गाक्‍ब लडाइ पाइब मुर बाक्‍मा बाक्‍त। मेकोपुकी इर ग्रूशा, बेथ-आवेन आ पूर्ब गे मिकमाशम आन बाक्‍तीके सेल्‍मे बाक्‍त।

१ सामुएल 17:1

पलिस्‍तीपुकीम लडाइ पचा कली आन लडाइ पाइब आन कली खुप्‍त‍मे बाक्‍त। मिनु यहूदा ङा सोकोहम बुक्‍मा बाक्‍त। मेकोपुकीमी सोकोह नु आजेका आस दाते एफेस-दाम्‍मीमम आन बाक्‍तीके सेल्‍मे बाक्‍त। यहोसु १५:३५

१ सामुएल 27:12

अकीशम “दाऊदम आंम रागी इस्राएलमी मरिम्‍शो पतीके मेक बाक्‍चा मताइब। मोपतीके गेना हना यो आं मुर दुम्‍शा गो नु बाक्‍ब” दे मिम्‍शो बाक्‍माक्‍त।

१ सामुएल 31:1

पलिस्‍ती नु इस्राएली लडाइ पामे बाक्‍त। मिनु इस्राएली पलिस्‍ती आन क्‍येङा ब्रुशा प्रोक्‍मा बाक्‍त। शुश इस्राएली गिल्‍बोआ डांडाम साइक्‍चा पुंइसमा बाक्‍त।

१ सामुएल 7:7

मिनु पलिस्‍तीपुकीमी इस्राएली मिस्‍पाम बुक्‍‍तेक्‍म देंशो लोव़ नेंन्‍मे बाक्‍त। मिनु मेको आन ठेयब मुरपुकी इस्राएली नु लडाइ पचा कली लमा बाक्‍त। मिनु इस्राएलीपुकी मेको नेंशा, पलिस्‍ती आन कली तशा शुश हिंमा बाक्‍त।