१ सामुएल 27:9 - Sunuwar Bible

⁹ दाऊदमी मेको आन रागीम मार मार रोइक्‍तानु, मेकेर ङा वोंइश मुर मीश मुर सुइ आन कली का यो मवोइक्‍थु साइक्‍बाक्‍माक्‍त। क्‍यारश भेडा, बी ब्‍यफ, गधा, दलओंठ वासी नेल्‍ल लाइश्‍शा अकीश आन बाक्‍तीक लेप्‍बाक्‍मा बाक्‍त।

१ सामुएल 27:9 ပူးပေါင်းရင်းမြစ်များ

उत्पत्ती 16:7

मिनु परमप्रभु यावे आ स्‍वर्ग ङा गेय पाइबमी हागार कली गोरशो रागी शुर लतीक लां ङा ब्‍वाक्‍कु बुक्‍तीके आ नेक्‍था थिदा बाक्‍त। प्रस्‍थान १४:१९; प्रस्‍थान २३:२०; गन्‍ती २२:२२; १राजा १९:७; १राजा १९:७; २राजा १९:३५

उत्पत्ती 25:18

आ तौपुकी हवीलाह रे इजीप्‍त लतीक लां शुर सम्‍म बाक्‍शो बाक्‍मा बाक्‍त। शुर रागी इजीप्‍त आ ङोंइती अस्सुर गे बाक्‍ब। इश्‍माएल चहिं आ लोक्‍ब नेल्‍ल आन दातेमी बाक्‍माक्‍त। उत्‍पत्ती १६:१२

अय्‍युब 1:3

मेको के ७ हजार भेडा, हजार सां दल‍ओंठ, ५ सहे हाल ब्‍यफ नु ५ सहे गधा बाक्‍मा बाक्‍त। मिनु शुश वाइलीम वाइल यो बाक्‍मा बाक्‍त। मोपा अय्‍युब पूर्ब ङा नेल्‍ल क्‍येङा शोंप पाइश्‍शो नु ठेयब मुर बाक्‍माक्‍त।

प्रस्‍थान 15:22

मिनु मोसामी इस्राएली आन कली लल समुन्‍द्र रे शुर माइश्‍शो गोरशो रागी कोंइताक्‍व। मिनु मेको गोरशो रागीमी नाक्‍त सां सम्‍म गाक्‍मानु, ब्‍वाक्‍कु मथिदेम। उत्‍पत्ती २०:१

यहोसु 6:21

मिनु सहर ङा मीश मुर वोंइश मुर, आल, खाल्‍पी खाल्‍पा बी ब्‍यफ, क्‍यारश भेडा, गधा नेल्‍ल आन कली तरवारम साइक्‍तेक्‍म।

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।

१ सामुएल 15:7

मिनु सावलमी हवीलाह रे इजीप्‍त ङा पूर्ब ङा सांद शुर सम्‍म ङा अमालेकी आन कली साइक्‍मी बाक्‍त।

१ सामुएल 15:8

तन्‍न मेकोमी अमालेकी आन पिप अगाग कली सेसीन ग्‍याइक्‍ता बाक्‍त। अरु नेल्‍ल आन कली तरवारम सदमे बाक्‍त।