१ सामुएल 26:8 - Sunuwar Bible

⁸ मिनु अबीशैमी दाऊद कली “परमप्रभुम मुलाक्‍ती इन जोरी सत्रु आन कली इन गुइमी गेशो बाक्‍माक्‍त। तूतीकेम काले‍मीन खप सम्‍म ग्रुक्‍सीचा ङा पा आप्‍चा कली हुकुम गेयीनी। गो खेयप निक्‍शी आप्‍‍चा ममाल्‍ङल” देंमाक्‍त। २सामुएल १६:९

१ सामुएल 26:8 ပူးပေါင်းရင်းမြစ်များ

२ सामुएल 16:9

मिनु सेरूयाह आ तौ अबीशैमी पिप कली “मारदे मेरे बेक्‍शो कुचुममी आं प्रभु, पिप इन कली सराप पवा? गो आइक्‍ची हांबु लशा मेरे आ पिया ख्रोइक्‍नुङ” देंमाक्‍त। १सामुएल २६:८

भजन संग्रह 31:8

गे आं कली आं जोरी सत्रु आन गुइमी मगेनी। गे आं कली रिम्‍शो ठेयब बाक्‍तीकेमी बाक्‍पाइक्‍तीनी।

येरमीया 40:15

मिनु कारेआह आ तौ योहानानम मिस्पाम गेदाल्‍याह कली “सुइम मतुइक्‍चा ङा पा नेथन्‍याह आ तौ इश्‍माएल कली साइक्‍चा कली आं कली हुकुम गेयीनी। एको लोव़ सुइम मतुइक्‍नीम। इन एर ओंथ नेल्‍ल देल्‍शो यहूदी आन कली ब्रपाइक्‍चा कली नु यहूदामी लीशो आन कली साइक्‍चा कली मेकोमी मारदे इन कली साइक्‍चा मला?” देंत।

नहुम 1:9

गे मारदे परमप्रभु यावे कली मरिम्‍शो पचा कली लोव़ गारपाइक्‍नीनी? मेकोमी इन कली खतम पोक्‍ब। गे मेको आ पर्बम मरिम्‍शो पचा कली निक्‍शी खेयप बोक्‍ने मचाप्‍नीनी।

रोमी 11:32

मारदे हना परमप्रभु यावेमी इस्राएली नु अर्को रागी ङा मुर नेल्‍ल आन कली आ लोव़ मटिशो तशा, खाल का ङा पा वोइक्‍तीमी। मिनु नोले नेल्‍ल आन कली शिशी पाइब। गलाती ३:२२; १तिमोथी २:४

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७

यहोसु 21:44

मिनु परमप्रभु यावेमी इस्राएली आन किकी पिपी आन कली कसम जशो खोदेंशो पा नेल्‍ल रे पा नाइक्‍चा गेप्‍तु। मेको आन जोरी सत्रु नेल्‍ल मेको नु ब्रुम्‍तेक्‍म। परमप्रभु यावेमी मेको आन जोरी सत्रु इस्राएली नेल्‍ल आन गुइमी गेप्‍तु। ब्‍यवस्‍था १२:९-१०

न्‍यायाधीस 1:4

मिनु यहूदा आ थर ङा मुरपुकीमी लडाइ पा परमप्रभु यावेमी कनानी नु परिज्‍जी आन कली मेको आन गुइम गेवा बाक्‍त। मेकोपुकीमी मेको आन कली खेदा पामे बाक्‍त। बेसेक सहरमी १० हजार मुर आन कली साइश्‍शा ग्रामा बाक्‍त।

१ सामुएल 23:14

दाऊद जीफ ङा पहाड ङा गोरशो रागीमी बोल्‍यो ख्रुइश्‍शा बाक्‍तीकेमी ख्रुइश्‍शा बाक्‍माक्‍त। सावल मेको कली नाक्‍त किंत किंत माल्‍शा गाक्‍बाक्‍माक्‍त। तन्‍न परमप्रभुम दाऊद कली मेको आ गुइमी मगेवा बाक्‍त।

१ सामुएल 24:4

मिनु दाऊद आ मुरपुकीम “परमप्रभु यावेम देंशो खोदेंशो पा इन जोरी सत्रु कली इन गुइमी गेतीक नाक्‍त मुलाक्‍त बाक्‍ब। एको कली मार पचा दाक्‍नीनी मेको पने चाप्‍नीनी” देंमा बाक्‍त। मिनु दाऊद सिक्‍सी पा लशा, सावल आ वा आ सुर का रिक्‍गा बाक्‍त। भजन संग्रह १४२:१

१ सामुएल 24:5

मोपा रिक्‍गा नोले “ला गो पिप आ वा रिक्‍‍ता” दे इच्‍का हिंमाक्‍त।

१ सामुएल 26:23

परमप्रभु यावेम ठीक पाइब नु थमा सुइक्‍चा पुंइसीब मुर आन कली इनाम गेब। मिनु मुलाक्‍ती परमप्रभु यावेमी इन कली आं गुइमी गेप्‍तु। तन्‍न गो परमप्रभु यावे आ तेल लुक्‍शो कली साइक्‍ने मबिस्‍सीङ।

१ सामुएल 26:7

मिनु नाक्‍दो दाऊद नु अबीशै सावल आ बाक्‍तीकेम ओव़सा बाक्‍त। मिनु सावल आ मुर आन दातेमी आ तूतीक आ पिया गे ख्रुक्‍शा, इप्‍शो थित्से बाक्‍त। आब्‍नेर नु आ मुरपुकी चहिं सावल आ एर ओंथ हिरशा इप्‍शो बाक्‍मा बाक्‍त।

१ सामुएल 26:9

तन्‍न दाऊदमी अबीशै कली “पिप कली साइक्‍चा ममिम्‍तो। परमप्रभु यावे आ तेल लुक्‍शो कली साइक्‍बपुकी सु चहिं सजाइ मतशो बाक्‍बा ङा?” देंमाक्‍त।