१ सामुएल 26:5 - Sunuwar Bible

⁵ मिनु दाऊद सावल आ बाक्‍तीक गे लमाक्‍त। मिनु सावल नु आ लडाइ पाइब आन नेल्‍ल क्‍येङा ठेयब मुर, नेर आ तौ आब्‍नेर इप्‍शा बाक्‍शो थिदा बाक्‍त। आ मुर नेल्‍लेम एर ओंथ रे हिरतीकेमी सावल इप्‍शो बाक्‍माक्‍त। १सामुएल १४:५०

१ सामुएल 26:5 ပူးပေါင်းရင်းမြစ်များ

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

१ इतिहास 9:39

नेर कीश आ आफ बाक्‍माक्‍त। कीश सावल आ आफ बाक्‍माक्‍त। सावल योनाथन, माल्‍कीशुआ, अबीनादाब नु एश-बाल आन आफ बाक्‍माक्‍त।

१ सामुएल 17:20

मिनु आ दीसा सुनी कना दाऊद आ भेडापुकी मुर आन कली “कोव़ङीन” दे येस्‍से आ देंशो खोदेंशो पा, मेको चोव़थ गाक्‍माक्‍त। लडाइ पाइब नेल्‍ल आन आन राप्‍तीकेम राप्‍शा लडाइ के बाजा ताप्‍मे ना, मेको आन बाक्‍तीकेम जाक्‍दीम्‍माक्‍त।

१ सामुएल 17:55

मिनु सावलमी दाऊद कली पलिस्‍तीपुकी नु लडाइ पथ लशो तशा, मेकोम आ लडाइ पाइब आन कप्‍तान आब्‍नेर कली “मेको ठिटा सु का आ तौ बाक्‍मे?” दे हिल्‍लो पवा बाक्‍त। मिनु आब्‍नेरमी “गो इन नेंमी कसम जशा देंनुङ, गो मेको कली मतुइक्‍नुङ” देंमाक्‍त।

१ सामुएल 26:4

दाऊदमी क्‍यारी पाइबपुकी सोइक्‍ता बाक्‍त। मिनु सावल आ बाक्‍तीके तुइश्‍शा लेम्‍मा बाक्‍त।

१ सामुएल 9:1

बेन्‍यामीन आ थर ङा मुर का बाक्‍माक्‍त। मेको आ नें कीश बाक्‍माक्‍त। मेको आ आफ अबीएल, मेको आ बाजे जरोर, आ शेर बाजे बेकोराथ नु आ किकी बाजे आफीयाह बेन्‍यामीन थर ङा बाक्‍माक्‍त। कीश शोंप पाइश्‍शो मुर का बाक्‍माक्‍त।