१ सामुएल 26:25 - Sunuwar Bible

²⁵ मिनु सावलमी दाऊद कली “आं तौ दाऊद, गे आसीक रवेल। गे शुश गेय पशा, नेल्‍ल रिम्‍शो पाइ‍नेवे। मिनु गे ग्रा‍नेवे” देंमाक्‍त। मिनु दाऊद आ लां खोदा बाक्‍त। सावल चहिं आ बाक्‍तीक मेर लेम्‍माक्‍त।

१ सामुएल 26:25 ပူးပေါင်းရင်းမြစ်များ

उत्पत्ती 32:28

मिनु मेकोमी “मुल ङा मेरे इ नें याकूब ममाइ, इ नें इस्राएल देंचा माल्‍नीम। मारदे हना गे परमप्रभु नु राम्‍शी पा ग्राते, मुर नु राम्‍शी पा यो ग्राते” देंमाक्‍त। उत्‍पत्ती ३५:१०; येरमीया २०:७

हितोपदेस 26:25

इ जोरी सत्रुमी गे नु ब्रोव़शो लोव़ पाप्‍तु हना यो, मेको कली थमा मसुतो। मारदे हना मेको आ थुंमी ७ ओटा ग्रांग्रा दि‍चा ङा लोव़ ख्रुइश्‍शा बाक्‍नीम।

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

होसे 12:4

मेको परमप्रभु आ स्‍वर्ग ङा गेय पाइब नु राम्‍शी पा ग्रात। मेकोमी ङाक्‍शा “शिशी पाइय्‍यी” दे पुंइतु। मेकोमी परमप्रभु कली बेथेल सहरमी ग्रुमानु, परमप्रभुमी मेको नु लोव़ पाप्‍तु। उत्‍पत्ती ३५:१५

रोमी 8:35

ख्रीस्‍तमी इं कली शुश दाक्‍ब। मिनु सुमी इं कली ख्रीस्‍त आ दाक्‍तीके रे फ्राने चाप्‍बा ङा? सुइमी मचाप्‍नीम। श्‍येतमी, हिंतीकेमी, खेदा पतीकेमी, जचा मततीकेमी, फेक्‍चा मततीकेमी, मुर साइक्‍तीकेमी नु लडाइमी काइ फ्राने मचाप्‍नीम। भजन संग्रह ७३:२३-२६

रोमी 8:37

मो दुम्‍त हना यो, मारेइ पने मचाप्‍नीम, मारदे हना येसु ख्रीस्‍तमी इं कली दाक्‍शा, गेनायो मप्रोंइब। मोपतीके सिक्‍सी पा ग्रानय। १यूहन्‍ना ५:४

१ सामुएल 24:19

सुइमी आंम जोरी सत्रु आन कली थिश्‍शा, रिम्‍शो पा लचा मगेब। मोपतीके मुलाक्‍त इ पशो गेय आ पर्बम परमप्रभु यावेम इ कली इनाम गेवल।

१ सामुएल 24:20

मुल गो थमा पा तुइक्‍ताक्‍ङ गे पिप दुम्‍नेवे। इ पालाम इस्राएलम थम रिम्‍शो दुम्‍ब।

१ सामुएल 24:22

मिनु दाऊदमी सावल नु कसम जवा बाक्‍त। मिनु सावल आ खिं लेम्‍माक्‍त। दाऊद नु आ मुरपुकी चहिं आन बोल्‍यो ख्रुइश्‍शा बाक्‍तीक पुक्‍खीम लेम्‍मा बाक्‍त।