१ सामुएल 26:21 - Sunuwar Bible

²¹ मिनु सावलमी “गो मरिम्‍शो पाता। आं तौ दाऊद, लेश्‍शा जाक्‍को। मुलाक्‍ती गे आं कली ब्रोंइचा गेती मुल रे गो इ कली गेनायो श्‍येत मगेनुङ। गो मूर्ख दुम्‍ती। गो थमा पा मरिम्‍शो पाता” देंमाक्‍त।

१ सामुएल 26:21 ပူးပေါင်းရင်းမြစ်များ

२ राजा 1:13

मिनु पिपमी लेंशा ५० जना लडाइ पाइब नु आन कप्‍तान कली सोइक्‍तीमी बाक्‍त। मिनु मेको सोइश्‍शो लडाइ पाइब आन कप्‍तान डांडा ङोइश्‍शा एलीया आ बाक्‍तीक लमाक्‍त। मिनु मेकोमी एलीया आ ङोंइती पोक्‍च थेक्‍शा सेउ पा “परमप्रभु आ मुर, गो नु एको इन गेय पाइब ५० जना आंइ कली शिशी पा ब्रोंइचा गेने।

२ राजा 1:14

ङोंइती ङा ५०, ५० जना लडाइ पाइब नु आन कप्‍तान निक्‍शी आस कली सरीङ रे मी दोक्‍शा, दाक्‍तु। तन्‍न मुल आंइ कली शिशी पा ब्रोंइचा गेने” देंमाक्‍त।

भजन संग्रह 116:15

परमप्रभु यावे आ मुर बेक्‍चा मेको कली थम ठेयब बाक्‍ब। भजन संग्रह ७२:१४

भजन संग्रह 49:8

बेक्‍चा रे ब्रोंइतीक शुश ठेयब बाक्‍ब। मेको मुरुम गेनायो ग्‍याप्‍ने मचाप्‍नीम। मत्ती १६:२६

भजन संग्रह 72:14

मेको आन कली दिप्‍तीक नु हुश ख्राक्‍श पोक्‍तीक रे प्रोंइब। मारदे हना मेको आ ङोंइती हिक्‍सीशो बाक्‍नीम। भजन संग्रह ९:१३; भजन संग्रह ११६:१५

प्रस्‍थान 9:27

मिनु फाराओमी मोसा नु हारून आस कली ब्रेत्‍ताक्‍मसी। मिनु मेको आस कली “मुल गो पाप पाता। परमप्रभु यावे ठीक पाइब बाक्‍ब। गो नु आं मुरपुकीम मरिम्‍शो पाइतक।

गन्‍ती 22:34

मिनु बालाममी परमप्रभु यावे आ स्‍वर्ग ङा गेय पाइब कली “गो पाप पाता। आं लां तेक्‍शा इन राप्‍शो गो मतुइक्‍तु। मिनु इन ङोंइती एको मरिम्‍शो बाक्‍त हना, गो लेश्‍शा लाइनुङ” देंत।

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

१ सामुएल 13:13

मिनु सामुएलमी सावल कली “गे मूर्ख गेय पाप्‍तीवी। परमप्रभु यावे, इ परमप्रभुमी शेंशो लोव़ मटिवी। गे टिशो नवे हना, परमप्रभु यावेमी इ राज्‍य इस्राएलमी गेना हना यो लीपद वा।

१ सामुएल 15:24

मिनु सावलम सामुएल कली “गो पाप पाता। परमप्रभु यावे आ देंशो नु इन लोव़ ममिम्‍तु। मारदे हना गो मुर आन क्‍येङा हिंती। मिनु मुर आन देंशो टीता।

१ सामुएल 15:30

मिनु सावलमी “गो पाप पाता। मो हना यो खूशो नु इस्राएली आन ङोंइती आं मान ततीक गेने। गो नु लेतीन। मिनु गो परमप्रभु यावे, इन परमप्रभु कली ठेयब सेल्‍नुङ” देंमाक्‍त।

१ सामुएल 18:30

पलिस्‍ती आन कप्‍तान का का पा लडाइ पथ जाक्‍बाक्‍मा बाक्‍त। मेकोपुकी मोपा जाक्‍मानु, सावल आ अरु गेय पाइब आन क्‍येङा दाऊदमी रिम्‍शो गेय पवा बाक्‍त। मोपा मेको आ नें ठेयब दुम्‍माक्‍त।

१ सामुएल 24:17

मिनु मेकोमी दाऊद कली “गे आं क्‍येङा ठीक पाइब मुर बाक्‍नेवे। गे आं कली रिम्‍शो पाप्‍तीवी। गो चहिं इ कली मरिम्‍शो पाता।

१ सामुएल 26:22

मिनु दाऊदमी “पिप आ तूतीक एक बाक्‍ब। इन ठिटा मुर का कुशा लदल।

१ सामुएल 26:24

दोपा मुलाक्‍त गो इन ब्रोंइतीक ठेयब मिम्‍तु, मोपा परमप्रभु यावेम आं ब्रोंइतीक कली ठेयब मिम्‍तल। मिनु आं कली हिंचा ङा श्‍येत नेल्‍ल रे प्रोंइ‍यील” देंमाक्‍त।

१ सामुएल 27:4

दाऊद गाथम प्रोक्‍शा लत देंशो लोव़ मुरुमी सावल कली नेंपदमे बाक्‍त। मिनु मेकोम दाऊद कली माल्‍चा प्रोना बाक्‍त।