१ सामुएल 26:19 - Sunuwar Bible

¹⁹ मोपतीके आं प्रभु नु आं पिप, इन गेय पाइब, आं लोव़ नेनीन। परमप्रभु यावेमी इन कली आं कली खेदा पपाइक्‍चा कली पोक्‍शो बाक्‍त हना, मेकोमी चढ़ेतीक का ब्राइबा कों। तन्‍न बेक्‍शा लाइब मुरुम इन कली आं कली खेदा प‍चा कली पोक्‍शो बाक्‍त हना, मेको परमप्रभु यावे आ ङोंइती सराप रल। मारदे हना मेकोपुकीम मुलाक्‍त आं कली परमप्रभु यावे आ गेशो रू रे खेरशा ‘लावो, अरु देवी देवता आन कली सेउ पावो’ दे लोव़ पाम्तेक्‍म। उत्‍पत्ती ८:२१; ब्‍यवस्‍था ३२:९; २राजा ५:१७

१ सामुएल 26:19 ပူးပေါင်းရင်းမြစ်များ

उत्पत्ती 44:18

मिनु यहूदा मेको आ नेक्‍था लशा “आं प्रभु, लोव़ का पचा गेयीनी। इन गेय पाइब आ पर्बम मगाइक्‍तीने। गे फाराओ खोदेंशो बाक्‍नीनी।

उत्पत्ती 8:21

मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३

२ सामुएल 14:16

मिनु पिपमी आ गेय पाइब, आं लोव़ नेंशा, गो नु आं तौ आंस कली श्‍येत गेब मुर रे प्रोंइबा कों, देंती। मारदे हना मेको मुरपुकीमी आंस कली परमप्रभु आ गेशो रू रे क्‍याम्‍चा माल्‍तेक्‍म।

२ सामुएल 16:10

तन्‍न पिपमी “ए सेरूयाह आ तौ, गे गो नु मगारचा ङा बाक्‍नीसी। परमप्रभु यावेमी मेको कली ‘दाऊद कली सराप पावो’ दे सोइश्‍शो बाक्‍त हना, सुम तेक्‍ने चाप्‍बा ङा?” देंमाक्‍त। २सामुएल १९:१७-२४

२ सामुएल 16:11

मिनु दाऊदम अबीशै नु आ गेय पाइब नेल्‍ल आन कली “आं तौमी आं कली साइक्‍चा माल्‍ब हना, मेरे बेन्‍‍यामीन आ थर ङा मुर के मार लोव़ पचा ङा? मेरे कली प्रोनीन। मेरेमी सराप पवल। मारदे हना परमप्रभु यावेमीन मेरे कली सराप पचा गेशो बाक्‍म माइ।

२ सामुएल 20:19

आं सहर इस्राएल ङा सहरपुकीम लडाइ मपाइ‍ब, पिप कली दाक्‍शा मान पाइ‍ब सहरम हिक्‍सीब। मिनु गे एको सहर, इस्राएली आन कली कोव़ब ममा खोदेंशो सहर कली खतम सेल्‍चा माल्‍नीनी? मारदे गे परमप्रभु यावे आ शोंप कली खतम पोक्‍चा माल्‍नीनी?” देंमाक्‍त। ब्‍यवस्‍था ३२:९

२ सामुएल 21:3

दाऊदमी गिबोनी आन कली “गो इन कली मार पङ? परमप्रभु यावे आ मुर आन कली आसीक गेचा कली गो दोपा गारपाइक्‍नुङा?” दे हिल्‍लो पवा बाक्‍त। ब्‍यवस्‍था ३२:९

२ सामुएल 24:1

मिनु परमप्रभु यावे इस्राएली आन पर्बम लेंशा गाइक्‍ता बाक्‍त। मिनु मेकोमी दाऊद कली मेको आन पर्बम मरिम्‍शो पपाइक्‍चा कली क्‍युक्‍गा बाक्‍त। मिनु दाऊदमी “इस्राएल नु यहूदा ङा मुर आन कली हिक्‍कीन” देंमाक्‍त।

१ राजा 22:22

मिनु परमप्रभु यावेमी मेको कली ‘दोपा?’ दे हिल्‍लो पाप्‍तु। मिनु मेकोमी ‘गो लशा मेको आ नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त का दुम्‍नुङ’ दें‍त। मिनु परमप्रभु यावेम मेको कली ‘गे थमा पा मेको कली क्‍युक्‍ने चाप्‍नेवे। गे लावो। मिनु इ देंशो पावो’ दें‍त। १यूहन्‍ना ४:६

१ इतिहास 21:1

मिनु सैतानमी इस्राएली आन कली मरिम्‍शो पचा कली दाऊद कली आ मुर इस्राएली आन कली हिक्‍पाइक्‍मी बाक्‍त।

भजन संग्रह 120:5

गो श्‍ये‍त जाइब दुम्‍ती। गो मेशेक रागीम बाक्‍चा माल्‍नुङ। केदार आ ताम्‍बु आन दातेम बाक्‍चा माल्‍नुङ।

भजन संग्रह 20:4

मेकोमी इन दाक्‍शो नेल्‍ल गेवल। इन मिम्‍शो नेल्‍ल खबल। भजन संग्रह २१:३

हितोपदेस 30:10

गेय पाइब आ पर्बम आ होव़प नु मरिम्‍शो लोव़ मपावो। मो पाप्‍तीवी हना, मेकोमी इ कली सराप पाइब। मिनु गे श्‍‍येत जाइनेवे।

यसैया 60:5

गे मेको तशा थाम्‍पा ग्‍येरनेवे। इ थुं ग्‍येरसीशा प्रेक्‍ब। मारदे हना समुन्‍द्रम चाक्‍शो मारेइ मारेइ इ के दुम्‍ब। रागी रागी ङा शोंप नेल्‍ल इ के दुम्‍नीम।

लेवी 26:31

गो इन सहर गोरशो रागी खोदेंशो सेल्‍नुङ। मिनु इन पूजा पतीके थान श्‍येत्‍थ सेल्‍नुङ। गो इन ब्रोव़शो धूप आन रिना मनाम्‍नुङ।

गन्‍ती 36:7

मो दुम्‍मेनु इस्राएली आन रागी थर का रे अर्को थरम मयाक्‍सीब। मारदे हना इस्राएली नेल्‍ल आन किकी पिपी आन रागीम बाक्‍चा माल्‍नीम।

गन्‍ती 36:9

मिनु इस्राएली आन रागी थर का रे अर्को थरम याक्‍चा मदुम्‍ब। मोपा इस्राएली नेल्‍ल आन आंम रागीम बाक्‍चा ताइनीम” देंत।

रोमी 14:15

गे मार मार जशा ब्‍वशा, इ लोक्‍ब आ थुं खाइक्‍पाइक्‍नेवे हना, इ मदाक्‍तीके कोंइनेवे। इ जचा थोव़कम पतीके इ ख्रीस्‍त बेक्‍शो लोक्‍ब कली खतम मसेलो। १कोरिन्‍थी ८:११-१३

गलाती 5:12

इन थुं क्‍याल्‍पाइक्‍बपुकीमी आंम आन रांमी चिनु ख्रोदमेनु, खसी पशो दुम्‍मल, देंनुङ।

ब्‍यवस्‍था 13:3

गेपुकीमी मेको परमप्रभु यावे आ लोव़ पाइब, ङोमु शेंब, आन लोव़ काइ मनेनीन, मटिने। मारदे हना परमप्रभु यावे, इन परमप्रभुमी गे इन थुं नु सोक्‍त नेल्‍लेमी परमप्रभु यावे, इन परमप्रभु कली दाक्‍नीनी देय मदाक्‍नीनी, दे इन थुं नाक्‍शो बाक्‍ब।

२ तिमोथी 4:14

अलेक्‍जन्‍डर तांबा तुप्‍तीलमी शुश श्‍येत गेती। प्रभुमी मेको आ गेय तशा, सजाइ गेब। १तिमोथी १:२०

१ सामुएल 18:10

आ दीसा परमप्रभु रे मरिम्‍शो पाइब सोक्‍त काम सावल कली सुमा बाक्‍त। मिनु सावलमी आ खिंमी हेंथे पवा बाक्‍त। मिनु दाऊदमी ङोंइती ङा खोदेंशो पा सावल आ पर्बम बीना तबा बाक्‍त। सावल आ गुइमी तूतीक का बाक्‍माक्‍त। १सामुएल १६:१४,२३

१ सामुएल 24:9

मिनु दाऊदमी “गे मारदे आं पर्बम मुर आन लोव़ नेंनीनी? गो इन कली मरिम्‍शो पाइब, दे थमा सुइक्‍नीनी?

१ सामुएल 25:24

मेको आ खोइलीम बाप्‍शा “आ प्रभु, दोस ताइब गो नङ। इन वाइलीम कली ब्‍वाक्‍चा गेने। आं लोव़ नेनीन।

१ सामुएल 27:1

दाऊदमी “काबु सावलम आं कली साइक्‍ब। मोपतीके पलिस्‍ती आन रागीम आं कली प्रोक्‍शा लचा रिम्‍शो दुम्‍ब। मिनु सावलमी इस्राएल आगामी आं कली माल्‍चा प्रोंइब। मिनु गो मेको आ गुइ रे ब्रोंइ‍नुङ” दे मिम्‍ता बाक्‍त। १सामुएल २३:२३