१ सामुएल 26:16 - Sunuwar Bible

¹⁶ इन पशो मरिम्‍शो बाक्‍ब। परमप्रभु यावे ब्रोंइशा बाक्‍शो खोदेंशो पा गे साइक्‍चा पुंइसीचा ङा बाक्‍नीनी। मारदे हना गे इन प्रभु कली खाल मपनी। परमप्रभु यावे आ तेल लुक्‍शो कली खाल मपनी। लो कोव़ङीन, मेको इन पिप आ पिया गे बाक्‍शो आ तूतीक नु ब्‍वाक्‍कु तूतीक ग्‍योंब ते बाक्‍म?” देंमाक्‍त।

१ सामुएल 26:16 ပူးပေါင်းရင်းမြစ်များ

२ सामुएल 12:5

मिनु दाऊदम मेको लोव़ नेंशा, मो पाइब मुर आ पर्बम थाम्‍पा गाइक्‍ता बाक्‍त। मिनु मेकोमी नाथान कली “परमप्रभु यावे ब्रोंइशा बाक्‍शो खोदेंशो पा मेको मुर साइक्‍चा पुंइसीब।

२ सामुएल 19:28

आं आफ आ खिं ङा मुर नेल्‍ल इन गुइमी बेक्‍चा ङा नकी। तन्‍न गो इन गेय पाइ‍ब आं कली इन नु जचा बाक्‍चा गेतीनी। मेको क्‍येङा लाक्‍शा, गो मार शिशी ताइक्‍नुङा ङा?” देंमाक्‍त। २सामुएल ९:७

१ राजा 2:26

मिनु पिपम चढ़ेब अबीयाथार कली “अनाथोथम बाक्‍शो इ खिंम लावो। गे साइक्‍चा पुंइसीब बाक्‍नेवे। मो हना यो मुल गो इ कली मसाइक्‍नन। मारदे हना गे आं आफ दाऊद आ ङोंइती परमप्रभु यावे आ सन्‍दोस कुरब बाक्‍ते। मिनु गे मेको आ श्‍येत नेल्‍लेम बाक्‍शो बाक्‍ते” देंमाक्‍त। १राजा १:७; १सामुएल २२:२०-२३; १सामुएल ३०:७; २सामुएल १५:२४

भजन संग्रह 102:20

मेकोमी ग्‍याइश्‍शा चोक्‍चा पुंइसीशो आन हुक‍यी पशो नेंब। मिनु साइक्‍चा पुंइसीब आन कली प्रोंइब।

भजन संग्रह 79:11

चोक्‍चा पुंइसीशो आन हुकयी पशो इन ङोंइती जाक्‍ल। साइक्‍चा पुंइसीब दुम्‍शो आन कली इन सक्तिमी प्रोनीन।

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

१ सामुएल 20:31

येस्‍से आ तौ रागीम ब्रोंइशा बाक्‍म सम्‍म गे मलीनेवे। इ राज्‍य यो मलीब। मेको कली रीब पा एक चाक्‍चा कली ब्रेत्‍थ सोइक्‍तीमी। थमा पा मेको साइक्‍चा पुंइसीब बाक्‍ब” देंमाक्‍त।

१ सामुएल 24:6

मिनु दाऊदम आ मुर आन कली “गो आं ठेयब मुर, परमप्रभु यावेम तेल लुक्‍शो मुर कली मारेइ मपाइ‍नुङ। गो मेको कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब” देंमाक्‍त।

१ सामुएल 26:11

गो परमप्रभु यावे आ तेल लुक्‍शो पिप कली गेनायो मरिम्‍शो मपाइनुङ। तन्‍न मुल मेको आ पिया गे ख्रुक्‍शो तूतीक नु आ ब्‍वाक्‍कु तूतीक ग्‍योंब कुरशा गाक्‍स” देंमाक्‍त।

१ सामुएल 26:15

मिनु दाऊदमी आब्‍नेर कली “मार गे मुर मनवे। मार इस्राएलमी अरु यो इ खोदेंशो मुर बाक्‍नीमी? गे मारदे इ प्रभु, पिप कली रिम्‍शो पा खाल मपवी? मारदे हना आं मुर का इ प्रभु, इ पिप कली साइक्‍चा कली मेकेर जाक्‍त।

१ सामुएल 26:9

तन्‍न दाऊदमी अबीशै कली “पिप कली साइक्‍चा ममिम्‍तो। परमप्रभु यावे आ तेल लुक्‍शो कली साइक्‍बपुकी सु चहिं सजाइ मतशो बाक्‍बा ङा?” देंमाक्‍त।