१ सामुएल 25:7 - Sunuwar Bible

⁷ गे नु भेडा आ ऊन प्रेक्‍ब मुर बाक्‍नीम, देंशो लोव़ नेंता। इन भेडा योव़बपुकी गो नु बाक्‍शो बाक्‍तेक्‍म। मिनु गो मेको आन कली मारेइ मरिम्‍शो मपक। मेकोपुकी कारमेलम बाक्‍मानु, मेको आन के मारेइ मजाम।

१ सामुएल 25:7 ပူးပေါင်းရင်းမြစ်များ

२ सामुएल 13:23

बर्स निक्‍शी नोले अब्‍सालोमम आ भेडा आन ऊन प्रेक्‍चा कली मुर आन कली ब्रेत्‍ता बाक्‍त। मेको एफ्राइम आ नेक्‍था बाल-हजोरम बाक्‍माक्‍त। मिनु मेको भोजमी पिप आ तौ नेल्‍ल आन कली ब्रेत्‍तीमी बाक्‍त।

२ सामुएल 13:24

अब्‍सालोमम पिप आ बाक्‍तीक जाक्‍शा “गो, इन गेय पाइबम, ऊन प्रेक्‍तीक चाड मानेशो बाक्‍नुङ। पिप नु इन गेय पाइबपुकी यो गो नु गाक्‍कीन” देंमाक्‍त।

लूका 3:14

का निक्‍शी सिपाइपुकी यो जाक्‍शा “मिनु गो मार पक?” दे हिल्‍लो पामे बाक्‍त। मिनु मेको आन कली “सुइ आन कली हिंम हिंम पा जोल पा दोस गेशा आन मारेइ मारेइ मरोइक्‍तीन। इन गेय रे पा तशो क्‍येटम इन थुं नुशा बाक्‍कीन” दे माइक्‍मी बाक्‍त।

फिलिप्‍पी 2:15

मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। फिलिप्‍पी १:१०; मत्ती ५:१४; एफिसी ५:८-९

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

१ सामुएल 22:2

श्‍येत जशो, जेर दुम्‍शो नु आन थुं मनुशो मुरपुकी मेको आ बाक्‍तीकेम जाक्‍मा बाक्‍त। मिनु दाऊद मेको आन कप्‍तान दुम्‍माक्‍त। मेकोपुकी ४ सहे खोइ बाक्‍मा बाक्‍त। न्‍यायाधीस ११:३

१ सामुएल 25:21

मिनु दाऊदमी “गोरशो रागीम मारेइ मजाम्‍चा ङा पा, मेको मुर आ मार मार खाल पशो मोशा दुम्‍त। मेकोम आ कली रिम्‍शो पाइश्‍शो आ पा ङा, आं कली मरिम्‍शो पाइक्‍ती” देंमाक्‍त।