१ सामुएल 25:39 - Sunuwar Bible

³⁹ मिनु दाऊदम नाबाल बेक्‍शो लोव़ नेंशा मेकोमी “परमप्रभु यावे ठेयब बाक्‍ब। मारदे हना मेकोमी आं कली मरिम्‍शो पशो आ पर्बम नाबाल कली सजाइ गेप्‍तु। मिनु आ गेय पाइब, आं कली मरिम्‍शो पतीक रे तेक्‍ती। नाबाल आ मरिम्‍शो पशो आ पियामीन मोइक्‍तु” देंमाक्‍त। मिनु दाऊदमी अबीगेल कली आ मीश सेल्‍चा कली लोव़ पथ मुर सोइक्‍ता बाक्‍त।

१ सामुएल 25:39 ပူးပေါင်းရင်းမြစ်များ

२ सामुएल 1:16

दाऊदमी मेको कली “इ हुश इ पिया तार मोंइसेक्‍ल। मारदे हना गे ‘गो परमप्रभु यावे आ तेल लुक्‍शो कली साइक्‍ता’ देंते। इ शोव़मीन आंम इ कली दोसी सेल्‍साक्‍वे” देंमाक्‍त।

१ राजा 2:44

मिनु पिपम शिमेइ कली “आं आफ दाऊद आ पर्बम पशो मरिम्‍शो नेल्‍ल गे तुइश्‍शो बाक्‍नेवे। मुल परमप्रभु यावेमी मेको मरिम्‍शो पशो आ क्‍येक्‍क इ पियामीन मोइक्‍ब। १राजा २:८

एस्‍तर 7:10

मिनु मेकोपुकीमी मोरदेकै कली साइक्‍चा, दे ग्रुक्‍शो थाममी, हामान कली लाइश्‍शा क्‍युक्‍तेक्‍म। मिनु पिप आ थुं नांइसाक्‍व।

एस्‍तर 9:25

मिनु मेको लोव़ पिप कली तुइक्‍पदमे नोले पिपमी, ब्रेक्‍स पा यहूदी आन कली मरिम्‍शो नु श्‍येत गेचा मिम्‍शो नेल्‍ल हामान आंम आ पियामी कोप्‍ताक्‍व। मिनु मेको नु आ तौ थामम क्‍युक्‍शा साइक्‍चा पुंइसाक्‍म, दे छाप आप्‍शो ब्रेक्‍तीक का ब्रेक्‍शा ग्रुंइ‍ताक्‍व। एस्‍तर ७:१०

भजन संग्रह 7:16

मुर आन कली गेचशो श्‍येत आंमान जाइनीम। मेको आन हुश ख्राक्‍श पोक्‍शो आंम आन पियामीन मोंइसीब।

भजन संग्रह 9:5

मिनु गे रागी रागी ङा मुर आन कली हुइक्‍ताक्‍नी। इन अरेशो मटीब आन कली साइक्‍तीनी। मेको आन नें लेंशा ममिम्‍चा ङा पा क्‍याम्‍ताक्‍नी।

हितोपदेस 18:22

सुमी मीश ताइबा, मेको कली रिम्‍शो दुम्‍ब। मेको मुर परमप्रभु यावे आ दाक्‍शो मुर दुम्‍ब। हितोपदेस १९:१४; हितोपदेस ३१:१०

हितोपदेस 19:14

खिं नु शोंप आम आफ रे तांइसीब। तन्‍न होस पाइब मीश चहिं परमप्रभु यावे रे तांइसीब। हितोपदेस १८:२२

हितोपदेस 22:23

मारदे हना परमप्रभु यावेमी मेको आन कली वारच पाइब। मेकोमी मेको रोइक्‍ब आन ब्रोंइतीक रोइक्‍ब।

हितोपदेस 31:10

रिम्‍शो गेय पाइब मीश आल सुम थिन्‍ने चाप्‍बा ङा? मेको हीरा मोती क्‍येङा शुश क्येट लाइब बाक्‍ब। हितोपदेस १८:२२

हितोपदेस 31:30

मुर आन दारस जोल बाक्‍ब। मेको दारस जाम्‍शा लाइब। तन्‍न परमप्रभु यावे कली मान पा हिंब मीश मुर मान पाइक्‍चा पुंइसीब। हितोपदेस ११:२२

ठेयब कुम्सो 8:8

इं के आइक्‍च समी का बाक्‍ब। मेको आ दूध मुल सम्‍म मबाक्‍ब। मेको कली ग्‍युंबे पचा कली पुंइथ जाक्‍तेक्‍म हना, गो मार पय?

मीका 7:9

आं कली निसाफ पा वारच मपवा सम्‍म गो परमप्रभु यावे आ गाइश्‍शो फाल्‍चा माल्‍नुङ। मारदे हना गो मेको कली पाप पाता। मेकोमी आं कली आ शिशी तपाइक्‍चा कली छेङछेङम ग्रुंइब। येरमीया १४:७

२ कोरिन्‍थी 13:7

गे मारेइ मरिम्‍शो मपन, दे गो परमप्रभु यावे कली पुंइनीकी। गो ग्राशो मुर खोदेंशो दुम्‍चा ममाइ, तन्‍न ठीक पाइब दुम्‍मीन। गो ठीक मपाइब खोदेंशो दुम्‍तक हना यो, गे रिम्‍शो पाइब दुम्‍नीकी।

१ थिस्‍सलोनिकी 5:23

थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।

२ तिमोथी 4:18

प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।

न्‍यायाधीस 5:2

“इस्राएल ङा ठेयब मुरुमी लडाइ पाइब आन कली खुल्‍मेनु, मेकोपुकीमी आन ठेयब मुर आन कली टिम्‍तेक्‍म। मोपतीके परमप्रभु यावे कली ठेयब सेलीन।

१ सामुएल 24:15

परमप्रभु यावे निसाफ पाइब बाक्‍ब। मिनु मेकोमी इस दातेम निसाफ पवल। परमप्रभु यावेम कोव़ङल। आं परमप्रभु यावेम आं कली इन गुइ रे प्रोंइब” देंमाक्‍त।

१ सामुएल 25:26

आ प्रभु, परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, परमप्रभु यावेमी इन कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍शो बाक्‍ब। इन जोरी सत्रु नु इन कली मरिम्‍शो पाइब नाबाल खोदेंशो दुम्‍मल।

१ सामुएल 25:32

मिनु दाऊदमी अबीगेल कली “मुलाक्‍ती आं कली ग्रुम्‍पाइक्‍चा कली इन कली सोइक्‍ब परमप्रभु यावे, इस्राएली आन परमप्रभु ठेयब बाक्‍ल।

१ सामुएल 25:34

मिनु परमप्रभु यावेम आं कली इ कली श्‍येत गेतीके रे तेक्‍शो बाक्‍ब। मारदे हना गे रीब पा आं कली ग्रुम्‍थ जाक्‍तीनी। मो मपशो ननी हना परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, सुनी सम्‍म नाबाल आ खिं ङा वोंइश मुर का सम्‍म यो मलीम वा” देंमाक्‍त।

१ सामुएल 25:40

मिनु दाऊद आ गेय पाइबपुकी अबीगेल आ बाक्‍तीक कारमेल लशा, मेको कली “दाऊदमी गे नु ग्युंबे पचा कली आंइ कली ब्रथ सोइक्‍ताक्‍व” देंमा बाक्‍त।

१ सामुएल 26:10

मिनु दाऊदमी लेंशा “परमप्रभु यावे ब्रोंइशा बाक्‍शो खोदेंशो पा, मेकोमीन मेको कली काबु साइक्‍ब कि आ बेक्‍ची नाक्‍त जाक्‍शा बेक्‍ब कि लडाइम लशा साइक्‍चा पुंइसीब। १सामुएल २४:१३