१ सामुएल 25:36 - Sunuwar Bible

³⁶ मिनु अबीगेल लेश्‍शा जाक्‍मेनु, नाबालमी आ खिंमी, पिपम खोदेंशो पा ठेयब भोज सेल्‍शा भोज पशो तवा बाक्‍त। नाबाल ग्‍येरसीशा शांबुम दुक्‍शा बाक्‍शो बाक्‍माक्‍त। मेको थाम्‍पा दुक्‍शा बाक्‍तीके आ मीशेमी सुनी सम्‍म रिम्‍शो मरिम्‍शो मारेइ शेंने मचबा बाक्‍त।

१ सामुएल 25:36 ပူးပေါင်းရင်းမြစ်များ

२ सामुएल 13:23

बर्स निक्‍शी नोले अब्‍सालोमम आ भेडा आन ऊन प्रेक्‍चा कली मुर आन कली ब्रेत्‍ता बाक्‍त। मेको एफ्राइम आ नेक्‍था बाल-हजोरम बाक्‍माक्‍त। मिनु मेको भोजमी पिप आ तौ नेल्‍ल आन कली ब्रेत्‍तीमी बाक्‍त।

२ सामुएल 13:28

मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७

२ सामुएल 3:20

मिनु आब्‍नेर २० जना मुर नु दाऊद आ बाक्‍तीक हेब्रोन जाक्‍दीम्‍माक्‍त। दाऊदम आब्‍नेर नु मेको नेल्‍ल आन कली भोज गेमी बाक्‍त।

१ राजा 20:16

मिनु नाक्‍त उइक्‍थ दुम्‍मेनु, बेन-हादाद नु मेको आ वारच ३२ जना पिप आन बाक्‍तीकेमी दुक्‍शो बाक्‍मा ना मेकोपुकी ग्रू‍मा बाक्‍त।

भजन संग्रह 112:5

हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।

हितोपदेस 20:1

अङगुर शांबुमी हेंथे ब्‍वाक्‍पाइक्‍ब। राकसीमी राम्‍शी पपाइक्‍ब। सु मेको तूशा दुक्‍नीमी, मेको जोक्‍ब तुइक्‍ब मदुम्‍नीम। हितोपदेस २३:२९-३५; हितोपदेस ३१:५; होसे ४:११

उपदेसक 10:19

ग्‍येरसीचा कली भोज सेल्‍नीम। मिनु अङगुर शांबुमी मुर कली ग्‍येरपाइक्‍ब। तन्‍न मेको नेल्‍ल पचा कली क्‍येट माल्‍ब। बजन संग्रह १०४:१५

यसैया 28:3

एफ्राइम ङा दुक्‍शो मुर आन दारशो माला कली दिम्‍शा ताइश्‍शा पाइ‍नीम।

यसैया 5:11

आबी, गे राक‍सी तूचा कली सुनी कना बोक्‍बपुकी, नाक्‍दो सम्‍म शांबु तूना तून दुक्‍शा बाक्‍नीनी।

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

होसे 4:11

माइत अङगुर शांबु नु नक अङगुर शांबुम मुर आन रुप्‍तीके कली साम्‍ब।

नहुम 1:10

आ जोरी सत्रु चूम रेश्‍शो खोदेंशो पा रेश्‍शो बाक्‍नीम। मिनु दुक्‍शो मुर खोदेंशो पा दुक्‍नीम। मिनु सोव़शो नल खोदेंशो पा मीम नेक्‍चा पुंइसीनीम।

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

लूका 14:12

मिनु खमे जथ ब्रेप्‍ब कली “गे जचा तूचा सेल्‍शा मान पा गेवीनु, आंम मुर वारचपुकी नु शोंप पाइश्‍शो मुर आन कली मब्रेत्‍तीमी। मारदे हना इ कली यो लेंशा ब्रेश्‍शा मान पा जचा गेशा, इ देदेङ लेत्‍नीम।

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

एफिसी 5:14

मोपतीके “ए निन्‍द्रा पाइब, बोक्‍को। मिनु बेक्‍शो रे सेंसीशा बाक्‍को। मो पवीनु, ख्रीस्‍तमी इ कली आ छेङछेङ गेब” देंशो बाक्‍ब। यूहन्‍ना ३:२०-२१; रोमी १३:११; यसैया ६०:१; यूहन्‍ना ८:१२

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

१ सामुएल 25:19

मिनु मेकोमी आ ठिटा गेय पाइब आन कली “गे आं ङोंइती लने। गो इन नोले पीनुङ” माइक्‍मी बाक्‍त। तन्‍न आ वोंइश नाबाल कली मेको मशेंदा बाक्‍त।

१ सामुएल 25:37

सुनी शांबुम प्रोना नोले आ मीशेमी लोव़ नेल्‍ल शेंदा बाक्‍त। मिनु मेको आ लुङगीर खाइश्‍शा, फुल्‍लु खोदेंशो दुम्‍माक्‍त।