१ सामुएल 25:25 - Sunuwar Bible

²⁵ आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।

१ सामुएल 25:25 ပူးပေါင်းရင်းမြစ်များ

२ सामुएल 13:33

आं प्रभु, पिप आ तौ नेल्‍ल आन कली साइक्‍तु देंशो जोल लोव़ मनेनीन। अम्‍नोन ला साइक्‍चा पुंइसाक्‍व” देंमाक्‍त।

हितोपदेस 29:7

ठीक पाइब मुरुम प्रुङग आन कली दोपा ठीक पचा, दे तुइक्‍नीम। तन्‍न परमप्रभु यावे आ अरेशो मटीबपुकीमी मारेइ मरुप्‍‍नीम।

यसैया 32:5

मेना मुरुमी मूर्ख आन कली रिम्‍शो थुं पाइश्‍शो मुर मदेंनीम। खुइ नु जोल पाइब आन कली हाइश्‍शो मुर मदेंनीम। हितोपदेस २८:१६

यसैया 42:25

मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।

१ सामुएल 25:24

मेको आ खोइलीम बाप्‍शा “आ प्रभु, दोस ताइब गो नङ। इन वाइलीम कली ब्‍वाक्‍चा गेने। आं लोव़ नेनीन।

१ सामुएल 25:26

आ प्रभु, परमप्रभु यावे ब्रोंइशा बाक्‍शो खोदेंशो पा नु इन ब्रोंइशा बाक्‍शो खोदेंशो पा, परमप्रभु यावेमी इन कली हुश ख्राक्‍श पोक्‍तीक नु क्‍येक्‍क लेत्‍तीक रे तेक्‍शो बाक्‍ब। इन जोरी सत्रु नु इन कली मरिम्‍शो पाइब नाबाल खोदेंशो दुम्‍मल।

१ सामुएल 25:3

मेको आ नें नाबाल बाक्‍माक्‍त। आ मीश आ नें अबीगेल बाक्‍माक्‍त। अबीगेल दारशो नु निप्‍स पाइश्‍शो मीश मुर बाक्‍माक्‍त। मेको आ वोंइश, कालेब आ चच युइ, खकटा थुं पाइश्‍शो मरिम्‍शो पाइब बाक्‍माक्‍त।