१ सामुएल 25:21 - Sunuwar Bible

²¹ मिनु दाऊदमी “गोरशो रागीम मारेइ मजाम्‍चा ङा पा, मेको मुर आ मार मार खाल पशो मोशा दुम्‍त। मेकोम आ कली रिम्‍शो पाइश्‍शो आ पा ङा, आं कली मरिम्‍शो पाइक्‍ती” देंमाक्‍त।

१ सामुएल 25:21 ပူးပေါင်းရင်းမြစ်များ

उत्पत्ती 44:4

मिनु सहर रे लमानु, योसेफम आ ठेयब गेय पाइब कली “बोक्‍को, मेको आन नोले खोतो। मिनु मेको आन कली थिश्‍शा ‘मारदे गे रिम्‍शो पाइब कली मरिम्‍शो पनी?

अय्‍युब 30:8

मेको निप्‍स मपाइश्‍शो, महिक्‍सीशो मुर बाक्‍तेक्‍म। रागी रे तिल्‍शा खेरचा पुंइसीशो बाक्‍तेक्‍म।

भजन संग्रह 35:12

गो मेको आन कली रिम्‍शो पाता। मेकोपुकीम चहिं मरिम्‍शो पाइक्‍तीमी। गो का ला दुम्‍ती, सुइम आं कली वारच मपाइय्‍यीमी।

भजन संग्रह 37:8

गाइक्‍चा नु चुरचा प्रोनीन। मगाइक्‍तीन। मारदे हना मो पतीकेमी इन कली मरिम्‍शो पपाइक्‍ब।

भजन संग्रह 38:20

मुरपुकीमी आं रिम्‍शो पशो आ पा ङा आं कली मरिम्‍शो पाइ‍नीम। मारदे हना गो रिम्‍शो पाइब बाक्‍ती हना यो, आं कली खेदा पाइनीम।

हितोपदेस 17:13

सुमी रिम्‍शो पाइब आन कली मरिम्‍शो पाइबा, मेको आ खिं रे मरिम्‍शो गेनायो मलाइब।

येरमीया 18:20

मार, रिम्‍शो आ पा ङा मरिम्‍शो पांइसीबा ङा? मो हना यो आं कली खाल्‍टा दोशो बाक्‍तेक्‍म। गो मेको आन पर्बम पुंइना पुंइन बाक्‍ती, मेको मिम्‍तीन। मेको आन कली वारच पचा कली नु इन गाइश्‍शो तेक्‍चा कली पुंइता।

रोमी 12:21

मरिम्‍शोमी रिम्‍शो कली लाक्‍चा मगेव। रिम्‍शोमी मरिम्‍शो कली ग्रापतो।

एफिसी 4:26

गाइक्‍ताक्‍नी हना, पाप मपने। मिनु नां रिक्‍चा क्‍येङा ङोंइती इन गाइक्‍चा थुमीने। भजन संग्रह ४:४; याकूब १:१९-२०

एफिसी 4:31

मिनु ईख कुरचा, चुरचा, गाइक्‍चा, ग्रीचा, मरिम्‍शो लोव़ पचा नु मरिम्‍शो पचा नेल्‍ल ताइक्‍तीने। कलस्‍सी ३:८

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९

१ पत्रुस 3:17

मरिम्‍शो पशा श्‍येत जचा क्‍येङा ठीक पशा, श्‍येत जचा परमप्रभु यावे आ दाक्‍शो बाक्‍ब।

१ पत्रुस 3:9

इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

१ सामुएल 25:13

मिनु दाऊदम आ मुर आन कली “नेल्‍लेमी आंम आंम तरवार पिम्‍सीन” देंमाक्‍त। दाऊदमी यो आ तरवार पिम्‍से बाक्‍त। मिनु ४ सहे जना खोइ मुर दाऊद आ नोले खोदमे बाक्‍त। सहे निक्‍शी मुर चहिं मार मार खाल पचा कली मेक उइ बाक्‍मा बाक्‍त।

१ सामुएल 25:15

मेको मुरपुकीम आंइ कली रिम्‍शो पशो नम। आंइ कली मारेइ श्‍येत मगेम। गोपुकी मेकोपुकी नु ब्‍वाकीम नाक्‍दो नाक्‍ती एर ओंथ पकानु, आंइ के मारेइ मजाम।

१ सामुएल 25:20

मिनु मेको डांडाम फारतीक रे गधा लना लन बाक्‍मानु, दाऊद नु आ मुरपुकी मेको आन गे लुक्‍च ब्रुम्‍ना ब्रुम्‍न बाक्‍मा बाक्‍त। मिनु अबीगेलमी मेको आन कली ग्रुमा बाक्‍त।

१ सामुएल 25:7

गे नु भेडा आ ऊन प्रेक्‍ब मुर बाक्‍नीम, देंशो लोव़ नेंता। इन भेडा योव़बपुकी गो नु बाक्‍शो बाक्‍तेक्‍म। मिनु गो मेको आन कली मारेइ मरिम्‍शो मपक। मेकोपुकी कारमेलम बाक्‍मानु, मेको आन के मारेइ मजाम।