१ सामुएल 25:18 - Sunuwar Bible

¹⁸ मोपतीके अबीगेलम रीब पा सहे निक्‍शी शोब्‍ले, थैलो निक्‍शी अङगुर शांबु, क्‍योरशा ठीक सेल्‍शो ५ ओटा भेडा, ५ एफाह तांब्रा, सहे का सोव़पाइश्‍शो अङगुर के शोब्‍ले नु सहे निक्‍शी सोव़पाइश्‍शो फोव़शी गेडा के शोब्‍ले ठीक पा गधा आन कली कुरपदा बाक्‍त। एफाह का ७ लिटर खोदेंशो पा रीब।

१ सामुएल 25:18 ပူးပေါင်းရင်းမြစ်များ

२ सामुएल 16:1

दाऊद डांडा तार रे इच्‍का आइक्‍ची जाक्‍दीम्‍मेनु, मेफी-बोशेथ आ गेय पाइ‍ब सीबामी दाऊद कली ग्रुमा बाक्‍त। मेकोम लगम पाइश्‍शो गधा निक्‍शीम सहे निक्‍शी शोब्‍ले, सहे का मुठा सोव़शो अङगुर, सहे का फल फुल नु मसक का अङगुर शांबु कुरपाइश्‍शा, चाक्‍गा बाक्‍त। २सामुएल ७:२

१ इतिहास 12:40

मिनु आन नेक्‍था ङा मुर, इस्‍साकार आ थर, जबूलून आ थर नु नाप्‍ताली आ थर ङा मुर ङोन रे गधा, दल‍ओंठ, खच्‍चर नु ब्‍यफपुकीम जचा थोव़क चाक्‍शो बाक्‍मा बाक्‍त। मेकोपुकीम शुश फस, सोव़पाइश्‍शो फोव़शी गेडा, सोव़पाइश्‍शो अङगुर, अङगुर शांबु, तेल, बी ब्‍यफ, भेडा शुश चाक्‍शो बाक्‍मा बाक्‍त। मारदे हना, इस्राएली नेल्‍ल ग्‍येरशो बाक्‍मा बाक्‍त।

हितोपदेस 18:16

सुमी कोसेली गेबा, मेकोमी ठेयब मुर नु लोव़ पचा यो ताइब। उत्‍पत्ती ४३:११

हितोपदेस 21:14

ख्रुइश्‍शोमी मार मार गेशोनु, चुरब मुर यो मचुरनीम। मिनु वा आगामी ख्रुइश्‍शा गेशोमी ठेयब गाइक्‍तीक तेक्‍ब। १सामुएल २५:१८-३५

हितोपदेस 31:12

मेको ब्रोंइम सम्‍म आ वोंइश कली रिम्‍शो पाइब। मरिम्‍शो गेनायो मपाइब।

मत्ती 5:25

इन कली मरिम्‍शो पाइब नु लांमी बाक्‍नीनुन, गारीने। मारदे हना मेकोमी इन कली अडडाम लाइश्‍शा, निसाफ पाइब आ ङोंइती चाक्‍दीप्‍ब। मिनु निसाफ पाइबमी पुलीस आन गुइमी गेब। मिनु पुलीसम जेल्‍खानम चोक्‍नीम। मत्ती १८:२३-३५; लूका १२:५८-५९

१ सामुएल 17:17

काबु नाक्‍ती येस्‍सेमी आ तौ दाऊद कली “इ लोक्‍ब आन कली एको ४ पाथी तांब्रा नु १० ओटा शोब्‍ले लाइश्‍शा रीब पा चोव़थ लावो।

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।

१ सामुएल 25:34

मिनु परमप्रभु यावेम आं कली इ कली श्‍येत गेतीके रे तेक्‍शो बाक्‍ब। मारदे हना गे रीब पा आं कली ग्रुम्‍थ जाक्‍तीनी। मो मपशो ननी हना परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, सुनी सम्‍म नाबाल आ खिं ङा वोंइश मुर का सम्‍म यो मलीम वा” देंमाक्‍त।