१ सामुएल 24:9 - Sunuwar Bible

⁹ मिनु दाऊदमी “गे मारदे आं पर्बम मुर आन लोव़ नेंनीनी? गो इन कली मरिम्‍शो पाइब, दे थमा सुइक्‍नीनी?

१ सामुएल 24:9 ပူးပေါင်းရင်းမြစ်များ

भजन संग्रह 101:5

सु आ नेक्‍था ङा मुर आन पर्बम मरिम्‍शो लोव़ पाइबा, गो मेको कली खतम सेल्‍नुङ। ठेयब लेश्‍शो नु बोरशो थुं पाइश्‍शो मुर आन कली आं नेक्‍था बाक्‍चा मगेनुङ।

भजन संग्रह 141:6

मेको आन निसाफ पाइब रोंगु रे तोक्‍चा पुंइसामानु, मरिम्‍शो पाइबपुकीमी आं लोव़ “थमा बाक्‍त” दे रुप्‍नीम।

हितोपदेस 16:28

दूली मुरुमी जिचा पोक्‍ब। मिनु नोफा मुइक्‍बमी गारशो वारच आन कली फ्राब।

हितोपदेस 17:4

मरिम्‍शो पाइब मुरुमी परमप्रभु यावे आ अरेशो मटीब आ लोव़ नेंब। जोल पाइबमी खतम सेल्‍तीक लोव़ नेंचा कली नोफा दाइक्‍ब।

हितोपदेस 18:8

नोफा मुइक्‍ब आन लोव़ शुश ब्रोव़शो जचा थोव़क खोदेंशो बाक्‍ब। मेको मुर आन थुं सम्‍म जाक्‍दीप्‍ब। हितोपदेस २६:२२

हितोपदेस 25:23

उत्तर रे पा फशेमी रेउ यिपाइश्‍शो खोदेंशो पा, ख्रुइश्‍शो लोव़ फ्राइबमी मुर आन कुल राव किक्‍पाइक्‍ब।

हितोपदेस 26:28

जोल पाइबमी सु कली जोल पवा, मेको कली काइ मदाक्‍ब। मिलो शिलो लोव़ पाइब मुरुमी नेल्‍ल खतम सेल्‍ब।

हितोपदेस 29:12

सासन पाइबमी जोल लोव़ नेंतु हना, मेको आ गेय पाइब नेल्‍ल परमप्रभु यावे आ अरेशो मटीब दुम्‍‍नीम।

येरमीया 37:18

मिनु येरमीयामी पिप सिदकीयाह कली “गो इन कली, इन गेय पाइब ठेयब मुर आन कली नु एको मुर आन कली मार पङा ङा? गे मारदे आं कली जेल्खानम चोक्‍यीनी?

लेवी 19:16

गेपुकी मुर आन पर्बम जोल पा लोव़ मपमुने। गे इन नेक्‍था ङा मुर कली साइक्‍चा ममालीन। गो परमप्रभु यावे नङ। प्रस्‍थान २३:७

याकूब 3:6

मुर आ लें मी खोदेंशो बाक्‍ब। मेकोमी रां नेल्‍ल मरिम्‍शो सेल्‍ब। मेकोमी मरिम्‍शो लोव़ पशा, रां कली पापी सेल्‍ब। रागी नेल्‍ल कली क्रोइक्‍ब। आंमा यो नरकमी ग्रोइक्‍ब। हितोपदेस १६:२७; मत्ती १२:३६-३७; मत्ती १५:११,१८

१ सामुएल 20:1

मिनु दाऊद रामाह ङा नायोथ रे प्रोक्‍शा, योनाथन आ बाक्‍तीक जाक्‍दीम्‍माक्‍त। मिनु मेकोमी योनाथन कली “गो मार पङा? आं दोस मार बाक्‍बा? मारदे इन आफोम आं कली साइक्‍चा माल्‍बा?” दे हिल्‍लो पवा बाक्‍त।

१ सामुएल 20:41

मिनु मेको वोंइश आल लम नोले, दाऊद आ ख्रुइक्‍तीक फुल्‍लु आ नोले रे ग्रूशा, खेयप सां बाप्‍शा मान पवा बाक्‍त। मिनु मेको निक्‍शी पुक्‍पु पाइक्‍मुसा बाक्‍त। मिनु निम्‍फा ङाक्‍सा बाक्‍त। दाऊद योनाथन क्‍येङा शुश ङाक्‍माक्‍त।

१ सामुएल 24:10

मुलाक्‍त गेन तुइक्‍ताक्‍नी। मुलाक्‍त पुक्‍खी आगाम परमप्रभु यावेमी इन कली आं गुइम गेशो बाक्‍त। का निक्‍शीम ‘इन कली साइक्‍चा’ थुं पाम्‍तेक्‍म। तन्‍न गो इन कली प्रोंइशा सोइक्‍ताक्‍ङ। मिनु गो ‘आं प्रभु, इन कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब’ देंती।

१ सामुएल 24:8

मेको नोले दाऊद यो पुक्‍खी रे लाङगा ग्रूमाक्‍त। मिनु सावल कली “आं प्रभु, आं पिप” दे ब्रेत्‍ता बाक्‍त। मिनु सावल आ नोले लेश्‍शा कोव़ङा बाक्‍त। मिनु दाऊद बाप्‍शा खुम्‍की पा सेउ पवा बाक्‍त।

१ सामुएल 26:18

मिनु दाऊदम “आं प्रभु, मारदे गे इन गेय पाइब, आं कली, खेदा पाइनीनी? गो मार पङा ङा? आं दोस मार बाक्‍बा?

१ सामुएल 26:19

मोपतीके आं प्रभु नु आं पिप, इन गेय पाइब, आं लोव़ नेनीन। परमप्रभु यावेमी इन कली आं कली खेदा पपाइक्‍चा कली पोक्‍शो बाक्‍त हना, मेकोमी चढ़ेतीक का ब्राइबा कों। तन्‍न बेक्‍शा लाइब मुरुम इन कली आं कली खेदा प‍चा कली पोक्‍शो बाक्‍त हना, मेको परमप्रभु यावे आ ङोंइती सराप रल। मारदे हना मेकोपुकीम मुलाक्‍त आं कली परमप्रभु यावे आ गेशो रू रे खेरशा ‘लावो, अरु देवी देवता आन कली सेउ पावो’ दे लोव़ पाम्तेक्‍म। उत्‍पत्ती ८:२१; ब्‍यवस्‍था ३२:९; २राजा ५:१७